إوعى تفكر اني هسامحك
أو هكـون ســبب لفـرحـك
لااا ياحــبيبي دا ظــلم كتيـر
مش م السهل انسالك جرحك




سيبني كده يمكن اتصالح
مع نفسي وقلبي يتســامح
أصــل الدمع دا غـالي عليا
نــازل يكـوي بطعـم المالـح




إوعى تقول إنك مظـلوم
أو ترمي على قلبي اللوم
لا ياحـبيبي وإياك تنسى
إنت دبحــت قلبي اليــوم




واوعى تقول إن انت نسيت
راح أقولك يا خسارة ياريت
كنت اقدر انسـاك لو لحظـة
دايما قدامي لو روحت وجيت



كلمـه بقولهـا لك واسمعهـا
يمكن تقـول ايه اللي وجعها؟
اللـى وجـعنى إهمـالك ليــا
وكرامتي .. بحـاول ارجـعها




طيب جاوبني على سؤال
مهما تكون عندي الأحوال
ليه مانسيتك أنا لو لحظة
وليه نسيانك عندي محال؟




كنت زمان ملهــوف عليــا
واللهفــة ... بشــوفها بعنيــا
راح فين الشوق من قلبك ؟
تلاقيك قلت دي صبحت ليا




نفسي اسامحك لا مش قادرة
هعمل عهــد معاك بمغـادره
ماهو مش ممكن افكر فيـك
وانا بالنسبه لك مجرد ذكرى





راقت لي

المواضيع المتشابهه:

• هل يمكن للمرء أن يدمر نفسه?
• معلومات يمكن اول مره تقراها
• أشياء يمكن شراؤها وأحاسيس لا يمكن شراؤها
• يمكن نختلف

ريماس ,همس المطر ,وردة الغرام معجبون بهذا