منتديات وهج الذكرى - عرض مشاركة واحدة - الضيفة اللي منورة التحدي بالأسئلة نجمة النجوم ...(( نجمة ليل فهلا والله

اوسمتي · 05-06-2021

المشاركة الأصلية كتبت بواسطة شمس الاصيل

شكراً وردة لإستضافتك لنجمة من نجوم الوهج اسمها نجمة ليل

شكراًايضاً ل همس المطر لأني من الصبح ادور الموضوع هذا ولقيته من خلال ردك له ... ولكِ اجمل وردة

ماشيه معاك يعم الحاج انت هنا بتوزع ورد وسيبنى انا للتحقيق تحت منور يا شمس ههه

نجي لضيفتنا المتميزة نجمة ليل واقولها مبروك فوزك بالترشيح شايفه الكنبه طولها كم متر ؟ ( حتبلبطي معانا ياشابة )

هههههه اه شوفت الكنبه ما شاء الله اد ايه ورده متوصيه ومكلفه الصراحه من حيث انى هبلبط فهنبلبط كلنا متقلقش

نجمة ليل ... مش عارف كل ماكتب اسمك احسه يعني كذا محتاج تغيير يذكرني بأشياء مش عايز اتذكرها ...
انا عارف انتِ نبيها وتفهميها وهي طايره عموماً نجمة ليل

لا والله ما فهمت الحقيقه اسمى ماله ؟ههه

طب خلينى اشاركك ما تشعر به يمكن الدنيا تتغير ..يمكن بتشبه عليا مثلا ..لا مش انا ههه بنتظر الرد عالفقره دى

... اسئلتي ::

اسمك الحقيقي ؟ ضرورى ههه اممم
ليلى
الحاله الاجتماعية ؟
ارمله وعادى بقول السن فى التلاتينات ولا تحب اقول فى النص هههه

اخر شهاده حصلتي عليها ؟ بكالوريوس ثم ماجستير
اسم في المنتدى يعجبك لقبه ؟

كل الالقاب اللى صدفتهم لحد الان عجبونى واكيد كل نيم صاحبه اختاره بعنايه ومناسب له

متى تعلمتي الفوتوشوب ؟

والله مش فاكره تحديدا لان انا اتعلمت ووقفت ورجعت اتعلمت تانى لان الفوتوشوب عاوز الممارسه

لما بتقف عنها بتنسي كتير بس ممكن يكون بما فيهم التوقف 3 سنين

هل من السهل اننا نتعلم الفوتوشوب ولا لازم يكون فيه موهبه عند الشخص ؟

بالنسبة لي .. لا أعتقد أن الفوتوشوب بيحتاج موهبه وإنما بيحتاج ميول وحب له يعنى لو فى بالك الفوتوشوب وعندك اصرار انك تتعلمه هتتعلمه والقدرة على إخراج العمل بأحسن وجه وهذه تعتمد على الزوء فى الألوان المناسبه وطرح ا فكار جديدة و انك توظف الخبرة في إستعمال الأدوات بالشكل الصحيح

احيانا تجد من يجيد استخدام الفوتوشوب ولكن ليس لديه تركيز في أختيار الألوان ,, وتجد شخص لا يعرف الفوتوشوب ولكن لديه تركيز في الألوان .. زوقيات

كم عدد اخوانك ؟ واخواتك ؟ كلهم رجال انا البنت الوحيده
موقف طريف حصل لك ؟

اللى انا فيه ده هههه منور يا كبير كل دى اسئله مكنش العشم

وكمان اول مره انام هنا على اسئله

كم كن عمرك لما صومتي اول رمضان ؟

الحمد لله بصوم من وانا عندى 10 سنين

برنامجك اليومي في رمضان ؟
زى كلنا العادى هههمتمثل فى ال3 ايموشنات دول

برنامجك اليومي بعد رمضان ؟

اكيد غير اللى فوق الوقت بيكون اطول وبيسمح لحاجات كتير

نجمة ليل متى اخر مره نزلت دموعها والسبب ؟

من يومين تذكرت ماما الله يرحمها فى لمه اخواتى وكنا بنضحك وكان ختمها بكى
عالكل من اشتياقنا ليها فى يوم زكرها رحمه الله عليها هى وبابا وزوجى وكل امواتنا واموات المسلمين

يقال من يضحك ويفرفش ويحسس الناس انه سعيد مكبوت داخلياً هل ينطبق عليك هذا القول ؟

مش بالصبط ..ممكن يكون من داخلك ثوره ولكن لو استسلمت لها هيبان عليك فهتاثر على كل اللى حواليك

اللى اصلا بيستمدو القوه والشجاعه منك فلازم تظهرلهم بعكس اللى جواك منها حققت الهدف ومنها انت كمان فرغت وهديت ثورتك
وفى الاخر اللى بيتكل على الله مببقاش شايل اى هموم لانه على ثقه ان ربنا بيفتحله كل الابواب المغلقه

فى احلى من كده؟

اجمل مكان بتعشقيه في القاهره ؟

انا بحبها كلها بشوارعها الهاديه والشوارع الدوشه بس عارف بتبقي حلوه اكتر امتى بالليل

ويمكن عشان منطقتى هاديه شويه دايما بتلاقينى احب الاماكن اللى فيها ونس اكتر
احب خروجات الليل طبعا مش المتاخر لاء اقصد اللى بعد الساعه 7م مثلا الانوار والسهر بعيدا عن شمس النهار ودوشه النهار والازدحام
واكتر الاماكن المحببه لى الحسين

اجمل مطعم بتحبي اكله في مصر ؟ الاكله المفضله لنجمة ليل ؟

كتييير فى سيخ مشوى هههه

بون ابيتى ..مهراجا. جندوفلى .سيلنتيرو..وكفايه عشان كده هنفطر

ماليش اكله مفضله اللى بيجى فى نفسي وقتها بس بميل للنواشف والكفته الماكولات البحريه ويكون الاكل متقدم بشكل حلو يفتح النفس

هل سبق واكلتي مقلب امام مجموعه من الناس ؟ وكيف كانت رده فعلك ؟

كنت معزومه عالفطار مع عيلتى الكبيره وفيها كمان اصدقاء ناس وبعدين لابسه ابيض وجه حد وراح بكوبايه فيها حاجه زرقا

وراح رمها عليا وقالى حاسبي الحبر..بكرهه جدا الحركه دى هههه طبعا انا نفسي وقف ومعرفتش اقول ايه غير

كان باين عليا انى شويه وهنفجر فلى قدامى بس المشكله اللى قدامى مينفعش ازعله ههه

انا بحكى اللى جوايا فى لحظه صمت ومدايقه وهمشي ازاى كده بشكل ده ولقتهم فجاه بعد ما كان كلهم يا حرام وايه اللى انت عملتو ده ومتعاطفين معايا

كلهم ضحكو وقالى خوفتى انا بهزر معاكى كلها دقيقه كمان واللون هيختفى من الهدوم ولا كان حاجه وقعت عليكى ده مقلب

طبعا مضحكتش الا بعد الدقيقه هههه

اخر كتاب قرأتيه ؟

قواعد العشق الاربعون

اذا اراد شخص ان يطبع كتاب من تأليفه في القاهره هل تؤيدي هذه الفكره ؟
يعنى هى جت عليه مهو كله بيالف ههه اه طبعا اؤيد ليه لاء واقراه كمان .بس هنا السؤال ايه مضمونه

بيتكلم عن ايه وايه الفكره الجديده اللى بيقدمها وهل الاسلوب شيق وسلس الكل هيفهمه؟ولا بس هيختص ناس وناس..

اخرخاطره كتبتيها ؟

لا بقالى فتره كبيره مكتبتش الحقيقه ..بس ممكن خربشات صغيره
اطلق عليها همسات بتجينى لحظه تجلى

ماذا يحتاج الوهج لتطويره ؟
مش محتاج حاجه اقولك على حاجه كمان عجبنى الناس اللى فيه

لان كل واحد بحسه بيعمل شغلته بحب هو مش شغل اد مهو بيظهر قلمه باسلوبه

عجبنى طاقم الاداره وصاحب الدار لان فى منتديات للاسف لم يردو على اعضاء بمواضيعم
على اساس مشغولين باعمالهم الاداريه ..مش فاضيين فبيتركو الاعضاء للاعضاء والناس لبعضيها

هههه وده عن نفسي مش حلو وبيعمل حواجز

وردة الغرام ,انسان و ملاك ,احمد الحلو و 2 آخرون معجبون بهذا