08-09-2021
|
|
|
تاريخ الشمس
ضي بخدودج شبه ضي الشمس
وشمعه بيدج تحول الدنيا عرس
يالي كلج نور
علمي العاشق درس
ضحكتج موسم حصاد
وبنص قلبه ينشتل منها غرس
مدري سدره
مدري جوري
مدري قداح الربيع
واه من روحه تضيع
بهل الملامح
وينسى نفسه لو لمح طول البديع
غصن بان
والحنان الي من شفتج يكطر مثل سكر
ولمسة ايدينج أمان
ياحبيبة باجر ويومه وأمس
لا تسألينه
شيحس
انكلبت الدنيا بكلبه
جنه صارت
حقول خضره
والبلابل علت بفرحه وطارت
والكآبه ختلت واختفت
والسعاده بالحبايب أحتفت
واختلف ذاك اليسموه النحس
صار نسمه
ونسى اسمه
كل ماشافج يطس
طاح قلبه
الله ربه
حبته بنيه جميله
واكتفى بحبها بعد ماراد راده
صارت الماي ابديه
وخله زاده
عشك سمره
الشفايف حلوه تمره
والخدود بويه اجذب لو قلت تفاحه حمره
والعيون
اخ من سحر العيون
كمره وجاورت بالطيب كمره
وحله عمره وطاب حاله
وانفضح سره
وصارت حجاياته رزنه
مو حجي يحجي.. همس
ولو عله صوت صاحب
كال اس
بداخله نهر يتسرسح
وموسيقى
واس وشموع وفرح
مالي اركان النفس
المواضيع المتشابهه:
|