.." منشور أعجبني "..

● بعرف وحدة كانت مخطوبه وخطيبها لما شاف إيدها عن قُرب حكالها: شو هاد !! أنتي عروقك بارزة ليش عنجد شكلهم مرعب !
خطوبتهم ما كملت وبعدها بفتره أتزوجت ولما أول مرة زوجها مسك إيدها حكالها تعرفي إن إيديكِ شكلهم حلو عروقك البارزة محلياها.

● وحدة تانية كانت متزوجة وطول الوقت زوجها كان بيعايرها بشكلها وكان دايماً يحكيلها: جسمك مليان ، أنتي ناصحة، ولما أنفصلت عنه وأرتبطت بشخص تانى وهي بتحكي مع خطيبها قالتله أنا بعمل رجيم علشان بدي انحف ، حكالها ليش ؟! أنتي حلوة هيك وعودك مناسب جداً مع العلم إنها كانت بنفس الوزن.

● واحده تانيه كمان كانت بتاكل الخبزة من جوا وتترك الحواف فــ مره وهي قاعده بتاكل هي وخطيبها .. خطيبها صار يتمسخر عليها وحكالها إنها دلوعة و مستهتره .. ولما انفصلت عنه وخطبت غيرو واتزوجته انتبه لنفس الموضوع فــ سألها وحكتلو التفاصيل من وهي صغيره وشو اللي خلاها تتعود علي هيك وبعد ما خلصت حكي ابتسم وحكالها باقي الخبز أنا رح اكله وصار هو اللي يقسملها الخبزة كمان.

الخلاصه: ماترتبطي غير بالشخص اللي يشوف الشغلات العادية عندك إنها أجمل شغلة، الشخص اللي يحب طبيعتك متل ما هي بدون تعديل ..
لأن اللي مارح يشوف طبيعتك ويحبها ما رح يشوف المميزات أصلا!
وممكن يعتبرها عيوب .. الشغلات هي بتفرق في العلاقه كتير

المواضيع المتشابهه:

• منشور أعجبني بشدة
• تأمل أعجبني
• أعجبني فنقلته لكم للفائدة
• كيفك ياولد لطيفه ( مقال أعجبني)
• كلام أعجبني

شموخ الكلمة ,وردة الغرام ,اميرة الحب معجبون بهذا