ياصاحبي لك مدة ماتجينا
.gif "57")
ياصاحبي لك مدة ماتجينا وش غيرك ياسيد كل المحبين
فيما مضى تقبل وتقفى علينا
واليوم تقطع جيتك يا اريش العين
وان كان تسمع كل ما قيل فينا
عذالنا ماهم بواحد ولا اتنين
عذبتني وارجي من الله يعينا
لاجل الغلى باصبر على الزين والشين
كم ياحبيبي وكم لأجلك عنينا
بعد الجفا ننشد عساكم معافين
طول الجفا يثر على العاشقين
والحب والله مايزيله مداوين
والله فلا غيرك حبيبٍ هوينا
انت الوحيد اللي الروح مفدين
مالي بغيرك شفٍ لو هو يبينا
من عادتي في الحب ما احب انا اثنين
والله لو طال الجفا مانسينا
انا على رجواك ياكامل الزين
بشير شنان
المواضيع المتشابهه: