ضيقة صدر
للشاعر/حمدان المري

يمر يوم وكل يوم يمر أحس أني حزين
أمسي على "ضيقة صدر" وأصبح على "ضيقة صدر"

قالوا : الفرج عقب الصبر .. قلت : الصبر همٍ دفين
قالوا : الوفي طبعه وفي .. قلت : الزمن كله غدر

قالوا : الصدف .. قلت : الصدف ماعشمت طول السنين
قالوا : القدر .. قلت : القدر من اللي يردك يا قدر؟

قالوا : الامل ... قلت : الامل مثل السراب اللي يبين
أتلى العهد وانا على المطلاع وسط المنحدر

قالوا : تشوفه؟ قلت : اشوفه في حلوم النايمين
اصحى على شوفه وانا خدران واصحى واخدر

قالوا : وش اللي تذكره اذا تناولك الحنين؟
قلت التنهاته اذا طروه والدمع يحدر

قالوا : يخونك؟ قلت : انا ياكرهني للخاينين
لو خاني ضاع الوفا في الناس إلا ماندر

قالوا : نسيته؟ قلت واللي له حنى المسلم جبين
ماانساه كود الناس تنسى الليل ومطلاع البدر

قالوا : كم اللي راح من عمرك شقى؟؟ قلت : سنتين
>>عامين<< وانا أغرب الخطوات والقلب يحدر

قالوا : الكدر ويش الكدر؟؟ قلت : الكدر مثل السجين
ان عاش في سجنه كدر .... واذا طلع عاش الكدر

قالوا سواتك وش يسوي؟؟ قلت بين الحالتين :

أما توفى من غبن ؟ والا قضى عمره هدر؟

المواضيع المتشابهه:

• ضيقت خلقي وضاقت فيني اثيابـي !!
• ضيقة الصدر .. تصميمي
• علاج ضيقة الصدر
• ضيقة صدر
• علاج ضيقة الصدر

روح الأمل ,همس المطر ,اميرة الحب و 1 آخرون معجبون بهذا

انسان و ملاك