08-02-2022
|
|
|
قارئ الكف
ياقارى الكف والنبى قوللى عشان أرتاح..
ياترى يومى إللى جى زى يومى إللى عدا وراح ؟؟
مليان ظلام مليان هموم،كله وجع وجراح؟..
ولا حياتى إللى جاية تنور وأشوف الصباح ؟؟
...
رش البخور وبعض العطور..
وكلم شىء لاهو مسموع ولا منظور..
ومَرَة يبقى هادى ومَرَة يثور..
وإيديه تشَوَح لدخان يدور..
...
وبص لكفى فى حيرة وإستغراب..
وقاللى حياتك إللى فاتت سراب..
غريب وسط أهلك وبين الصحاب..
وقلبك م الحزن والهم داب..
...
شايف خطوط إللى راح من حياتك..
وإللى جى منها وليوم وفاتك..
هاتعيش حزين محبوس جوا ذاتك..
والحزن طبعك وشىء من صفاتك..
....
وربك لوحده بإيده مصيرك..
وأشياء غريبة كتير راح تضيرك..
ولو تفتكرنى هاقدر أجيرك..
تبقى أسير للوهم وأسيرك..
.
المواضيع المتشابهه:
|