11-06-2022
|
|
|
منقول ضحكني
بدي احكيلكم هالشغله مفقوعه منها 😒 ...
اليوم اجا عنا صاحب جوزي عمره ٦٢ سنه ... هاذ الزلمه ماتوا مرته وابنه بحادث قبل حوالي سنه والزلمه الله يكثر خيره زعل عليهم ٤ أشهر كاملات وبعديها اتجوز ...
العروس عمرها بالاربعينات
وعمل عرس وراح شهر عسل 😐
قال سمعتوا شو بقول لجوزي يا زلمه راح عمري وانا بفكر حالي متجوز .... انا ماعرفت طعم الجيزه الا هسا ...
علما انو مرته كان الكل يشهد بأدبها وجمالها وتربايتها وخلفتلو ٧ ( وهو مش عارف طعم الجيزه 😏 )
واعطته ورثتها وكان يتاجر بمصاريها ...
وبقول لجوزي يزم مجنون اللي مابجدد حياته وبتجوز حتى لو مرته موجوده .... يزم بتحسسك انك شباب قال حتى شغله تركه مشان يضل جمب العسل 😶😶
شو بيتع. اطى هالختيار !!!!!!!!!
هسا هو عمل حلال وماخالف شرع ربنا
بس ليش يحكي ع المره اللي عاش معها ٤٠ سنه .... وكانت متحملته ومتحمله زناخته كل هالسنين وهو شبه ابو بريييص ...
وكيف يعني هاي اللي ملوش بيعرفها نص سنه احسن من مرته ...
وقال الاسبوع الجاي رايح عشرم الشيخ هو وياها ....
ومتقاتل مع ابنه المتزوج لأنه طالب منه يروح هو و مرته معهم وهو مش راض بقله بدي اخد راحتي مع مرتي 😒 ( طبعا الرحله من فلوس المرحومه)
المأسوف على شبابها...
ااااااخ منه هالشايب العا. يب
هسا لا تقولولي كيف سمعتي كل هاااااذ ؟
انا سمعي قوي وباب غرفة الضيوف كان مفتوح ...انا بس ركزت شوي ومشي الحال 😷😷
ااااااه
ولا بدكون آلاقي جوزي متجوز علي كمان كم يوم بمصاريي ...
مع اني ما بحيلتي اشي بس الاحتياط واجب 😐😐
رح تقولولي شو بدك منا هسا
طيب بدي احكيلكم اعتراف مشان يرتاح ضميري...
انا تفيتله بالقهوه 😁😁😁
بس بالله لا تفهموني غلط...
انا عملت هيك لأنو ماعندي س.م فيران.....
وبس والله... 🏃♀️
المواضيع المتشابهه:
|