حتى العجايز يلبسن الفساتين=الله أكبر يازمان العجايب

وتشقر الحاجب وتظلل العين=ولاعاد يملى عينها اليوم شايب

وجوالها آيفون وجالكسي أثنين=ومسويه قروب وفلة حبايب

وتجاكر الموضه وشغل المزايين=وعلى الدلع والزين تدفع ضرايب

وتاخذ ضمان وحافز وحالها زين=وتفك زنقات العرب والقرايب

وتقول عمري ماتعدى ثلاثين=وودي وودي لكن الحظ خايب

نست زمان الغربله والبعارين=وحوش الغنم وملوفحات الهبايب

واليوم تمرح في الفلل والبساتين=هذا زمنها يازمان الغرايب

عزي لعودٍ راح فيه البليتين=ماعاد يقبل دوس والسلك عايب

مقابل المسجد وباب الدكاكين=والمحكمه وقت النشب والطلايب

روح زمانه والزمن لاقلب شين=مرحوم ياعود السعد والحرايب

ماشافته عيني كتبته في بيتين=وأظن علمي ياهل الجود صايب

اميرة الحب ,همس المطر ,وارفة البيان معجبون بهذا