12-28-2024
|
|
|
البرتقال
فيتامين سي البرتقااال والسكري 🔥😋
مهرجان من البرتقال النهارده طلعنا منه اكتر من وصفة اعمليها و خليكي استاذه فيها 😉
#عصير_البرتقال_المركز
عصير برتقال - جزر حلقات - بشر برتقال - كوب ماء - سكر - عصير ليمون
حطي الجزر مع بشر البرتقال والمايه يتسلقوا علي النار كويس
انزلي بعصير البرتقال في حلة و اضربي الجزر اللي سلقناه بمايته وانزلي بيه علي عصير البرتقال مع كوبايتين سكر وعصره ليمون
يغلو مع بعض و صبيه في ازازة
ده كده معاكى زي الشربات وقت ماتطلعيه بتحطى ربع الكوبايه عصير برتقال مركز والباقي مايه ساقعة والف هنا وشفا
#مربى_البرتقال
2 كيلو برتقال - كيلو سكر - بشر برتقال - عصير ليمون
قشري البرتقال وقطعيه صغير اوي وبعدين حطي عليه بشر البرتقال و السكر وسبيه لحد تاني يوم
انزلي بالمقادير دي بعد مالشربات نزل منه وحطيها علي نار هاديه و شيلي الريم منه كل شوية
بعد ماتستوي حطي بقى المربى في الخلاط او بالهاندبليندر واضربيها
#مهلبية_البرتقال_بالجزر
٢ كيلو برتقال معصور - نص كيلو جزر شرائح - سكر - فانيليا - روح برتقال - نصف كوب نشا - ربع كوب ماء
هتقطعي الجزر شرايح وتسلقيه وتاخديه بماية السلق علي الخلاط
مع عصير البرتقال
حطي الخليط في حلة علي النار يغلي وبعدين انزلي بالفانيليا و روح البرتقال و في الاخر دوبي شوية نشا في مايه و انزلي بيها علي المهلبيه لحد ماتديكى القوام المطلوب والف هنا وشفا
المواضيع المتشابهه:
|