منذ 4 يوم
|
|
|
أسرار البيتزا أحلى من المحلات
أسرار البيتزا أحلى من المحلات 🍕♥️
البيتزا بحجم كبير
المقادير:
• 4 ونص كوب دقيق.
• كوب ونص مياه دافيه.
• 4 معالق زيت زيتون.
• معلقه ونص صغيره عسل.
• 2 وتلت معلقه صغيره ملح.
• 3 وتلت معلقه صغيره خميره جافه.
طريقة التحضير:
1. دوبّي العسل والخميرة في المياه الدافية وسيبيها 6 دقايق.
2. اخلطي الدقيق والملح، ضيفي خليط الخميرة و3 معالق زيت واعجني لحد ما تبقى عجينة لزجة.
3. ريحي العجينة نص دقيقة، وبعدين عجّنيها على سطح مرشوش دقيق لمدة 6 دقايق.
4. ادهني طبق زيت، غطّي العجينة وحطيها في مكان دافئ لمدة ساعة وربع.
5. قسّمي العجينة واعملي كور صغيرة وسيبيها ترتاح في التلاجة 24 ساعة.
6. افردي العجينة، ضيفي الصلصة، الخضار، الزيتون والجبنة.
7. دخّليها فرن على 180 درجة لمدة 20 دقيقة.
تكات مهمة:
• انخلي الدقيق قبل الاستخدام عشان العجينة تبقى هشة.
• رطبي إيدك بالمية أثناء العجن عشان ما تلزقش.
• حطي قطع العجين في الفريزر لحد أسبوعين في كيس مفرّغ الهوا.
• ما تفرديش العجينة أوي عشان تستحمل المكونات.
• كفاية 3 مكونات عالبيتزا عشان تستوي كويس.
• أفضل نوع موتزاريلا؟ “يونيفرسال”.
• سرّ الجبنة الممطوطة: سخّني كوب لبن، ضيفي نص كوب موتزاريلا، نص كوب شيدر مبشور، ومعلاقة دقيق مذابة في مية، وقلّبي الخليط على النار.
المواضيع المتشابهه:
|