[youtube]http://يا رفيقي لا تضايق ترى عذرك سمين
ولك من الاعماق كل الغلا والاحترام
كيف الومك وانت مالك على غيرك يدين
الملام اني الومك ولا حولك ملام
وعادة الدنيا لو تشين تاليها تزين
دام درب النور يطغى على درب الظلام
وانت يا راسي تعلم من دروس السنين
ولا اتحزم كون في اللي يعدّونك حزام
والعذر منك يا وجهي لكن الفقر شين
والله اني سمت وجهي ووجهي ما يسام
كان قدر الناس بالمال وين المال وين
قل على قدري سلام وعلى مالي سلام
كأنها بالفعل والجاه والعلم اليقين
من عرفني بيتكلم وانا مالي كلام
كم فقير ٍ عاش بالفقر مرفوع الجبين
و كم غني ٍ عاش بلا وقار ولا مقام
علم اللي يحسب المال عند الله عوين
ما يفيده دام ماله صلاه ولا صيام
من بغى الجنة وعلم الحيا والطيبين
اتجمّل عند ربه وعند رجال يام
كلمات / سالم جخير
أداء حسين آل لبيد