بدائل الموبايل للأطفال

بدائل الموبايل للأطفال:
1. قصص وحكايات:
اقريله قصص قصيرة بألوان وصور، أو خليه هو يحكي قصة من خياله حتى لو بكلمتين.

2. أنشطة فنية:
ألوان، ورق، مقص آمن، لزق… يرسم، يقص، يلون شخصيات، يعمل كروت صغيرة.

3. بازل (Puzzles):
تجيبي له بازل بسيط يناسب عمره… ينمي التركيز ويشغل وقته بطريقة ممتعة.

4. مكعبات وبناء (Building Blocks):
زي ليجو أو مكعبات خشب، يخليه يبني ويخترع حاجات بإيده.

5. ألعاب تقمص الأدوار:
يلبس لبس دكتور، شيف، أو عامل مطافي… خياله يشتغل ويتبسط.

6. رمل ملون أو عجين صلصال:
رمل صناعي أو صلصال آمن… يخلق منه أشكال ويشتغل بإيده.

7. ألعاب حركية:
زي نط الحبل، قفز فوق مخدات، سباق بسيط في البيت.


9. زراعة بسيطة:
لو تقدري تعملي معاه زرعة صغيرة في قصرية… يتابع نموها يوم بيوم.

10. وقت خاص بالطبخ:
خليه يساعدك في المطبخ (يغسل خضار، يعجن، يقلب بسيط) بيحس إنه بيعمل حاجة كبيرة.

عشان ينسى الموبايل:
• خلي البدل دايمًا جاهز وممتع (مايحسش إنه عقاب).
• شاركيه في البداية عشان يتحمس.
• كل ما يقل وقت الشاشة، كل ما خياله وإبداعه يزيد.

--------♡♡♡♡♡♡-------

المواضيع المتشابهه:

• الطفل جالس على الموبايل لساعات
• بدائل غريبة لكريمات حلاقة الذقن
• تنزيل تطبيق Facebook الفيس بوك على الموبايل اصدار جديد
• لكل عضو في وهج الذكري فقط لا تحاول؟؟