| ~{فعاليات منتديات وهج الذكرى}~ | |
|
|
|
|
|
|||||||
| ❦ وهـج القصص والخيال ❦ ❧ لكل ما يروق لنا من قصص او خاطرة |
 |
|
|
|
أدوات الموضوع | انواع عرض الموضوع |
|
|
|
#1
11-16-2016
|
||||||||||||
|
||||||||||||
|
على طاري سوق الحميدية 🕹
السلام عليكم ورحمة الله وبركاتة موضوع سوق الحميدية اثار عندي ذكريات وحبيت بعد هالغياب اقولكم هالقصه اسليكم فيها للمعلومية دمشق تبعد من مكاني الذي اكتب لكم فيه حوالي 340 كيلوا بالضبط فأنا بآخر نقطه للحدود السعوديه الأردنيه انا من صغري اخذت الشقى بدري من عمري وكنت كثير الأسفار ويشهد الله سنه من السنين سافرت للعراق اتذكر جيت مكان معين أسهر فيه مادخلوني المكان لصغر سني بل اصغر سعودي رغم يسوق سياره وجاي فيها الا ان هذا الي حصل والي يبي يعرف سيارتي وش هذاك الوقت اقوله 200 l كنت مشتريها وكاله ادري محد عرفها ههههههههه نرجع لموضوع سوريا يوم من الأيام جاني صديق الله يرحمه ويسكنه الجنه الى بيتي وكان اكبر مني بسنين الا اني مثل ماقلت لكم اخذت كل شي بدري والي كان عمره اول 15 ماهو مثل الي عمره 15 الان يعني حتى الأهل كانوا يعتمدون علينا بعد الله المهم الله يرحمه كان اكبر مني تقريبا ب 10 سنوات وانا وقتها ادرس بالصف الاول ثانوي وعمري 16 سنه بالضبط اصر الله يرحمه اني اروح معاه سوريا ثلاث ايام لانها قريبه يعني نمشي الأربعاء نرجع السبت باليل وانا كنت ناوي اسافر مع صديق ثاني الى الكويت الا ان اصراره الله يرحمه كان غريب جدا وكان شكله تعبان رحمة الله استغربت انا اصراره وليش يبغاني اروح رغم انه يعرف سوريا شارع شارع قالي جهز حالك الظهر وانا عندك حنا ليلة الأربعاء المهم جاء الظهر والعصر قرب وحنا بالصيف ولا جاء رفعت التليفون وقتها مافي جوال نهائي سيارة 200l ومافيه جوال اكيد الحين تقولون هذي سنة جدي ههههههه احاول أغطي مابقى من أوراق رفعت التلفون واتصلت على بيته وردت أمه الله يرحمها ويرحمه ويجمعنا به في نعيم جناته وياكم . وعرفتني وقالت لي ياوليدي انك تروح معاه لانه تعبان قلت ابشري والله ياجماعه هذا الي حصل وفعلا صرت بحيره ومستغرب ليش هي الله يرحمها مصره اروح معه وهو برضه مصر اروح معاه رحت لدوامه العصر في شركة معروفه وجيت مكتبه قالي واحد من زملائه شفه بالغرفه الثانيه نايم قلت غريبه نايم بالدوام دخلت عليه وحصلته فعلا نايم وقعدته وكان تعبان بالمره كانه دايخ قالي كويس انك قعدتني قلت انا احتريك من الظهر قال يالله انا وراك وفعلا جاني ومعاه سواق سوري معروف يتردد دايم على السعوديه وكبير بالعمر والسياره تكسي دوج اصفر قديم جدا ركبنا ومشينا ودخلنا الاْردن بعد المغرب لكن يعلم الله يا اخوان احس بشعور غريب وضيقة وقتها مامرت بحياتي يعني انا متضايق بس ماني عارف ليش وخصوصا صاحبي الله يرحمه ماهو الي اعرفه خصوصا انه نكتي ويحب المزح صار بس نايم وتعبان جدا ولاهو راضي يروح المستشفى وكان ينام وكل نص ساعه يقول للسواق وقف وينزل للخلاء رغم اني ماشفته حتى شرب ماء لكن كان طلبه للوقوف كثير بالمره وبشكل مو.طبيعي انا زاد همي وخصوصا اني صغير لكن قلبي ماهو مرتاح يعني بس انا والسواق نسولف والسواق يعرفه لكن شايفين انه ماهو معنا المهم دخلنا سوريا حوالي الساعه عشره باليل وانا احس بشعور والله العظيم كان فيه شي يبي يحصل شي فضيع ودخلنا ندمشق وصار بالي مشغول بصاحبي الي. صار بالمره مايكلمني متخدر سكنا في منطقه اسمها المالكي اذا فيه احد راح دمشق اكيد راح يذكرها دخلنا الشقه الساعه 12 ونص تقريبا الا انه ماكان يتكلم وصرنا ماسكين يدينه عشان مايطيح وراح للغرفه ونام انا مانمت جالس وأفكر خلاص عرفت نفسي دخلت بمتاهه وعلى فكره السواق شاف الوضع وقال ارجع لك الصباح المهم جالس انا وحوالي الساعه اربعه الا اسمع صوت غريب بالغرفه حقت صاحبي وادقق بالشخص الي يتكلم الا هو صوته هو الله يرحمه تغير صوته والمكان ماهو انيس وهذي الغربه ولا اعرف احد حتى شنطتي وجوازي أخذهم السواق معاه المهم الصوت كان ينادي ويسولف والله يوم لاينسى في حياتي كان ينادي شخص من أهله هنا حسيت بالخوف بالمره ورحت له واحصله على السرير يسولف لكن الصدمه ماكان يرد علي ولا كأني موجود ولا يلتفت لي نهائي صرت بحاله مايعلمها الا الله وقلت هذي ألي يبي يصير وكان سبب. ضيقتي طول الطريق ولا اخفي عليكم شعور الله لايوريكم بكيت من الوضع وجلست اطلب وادعي الله يفرجها علينا الان اصبح صاحبي ماهو معاي بالمره طلع بحاله ثانيه الساعه 7 الصبح جاء السواق وقال ماتحسن قلت صار اكثر من اول تعبان شلناه الى مستشفى الشفاء لا أنسى ماحصل لي من عذاب ودخلنا المستشفى وصار مايقدر يمشي حطيناه بعربيه جونا الدكتاره سالوني وشفيه وش حصل علمتهم هنا السواق السوري كشر بأنيابه علي ياجماعه اقسم بالله صار شيطان قالوا الدكاتره لازم للعنايه المركزه نعرف وش فيه ولما دخلوه العنايه رحت ابغى اخذ شنطتي واغراضي من السواق طلعت برا وألقاه موقف تحت شجره بسيارته ويشرب بيره قلت خلاص انا ابغى اخذ أغراضي واجلس بالمستشفى وكان رده علي رد الشر قالي مافيه اغراض وجوازك يبقى عندي وانا ماني مسؤل لا عنك ولا عنه بكره تورطني انا بالموضوع قلت طيب جوازي عطينياه قال أنسى وبلدكم ماراح اروح لها نهائي المهم شغل ومشى والله العظيم رجعت والدنيا كلها ضايقه بي خصوصا الفلوس الي معي بدت تنفذ والسواق استولى على أغراضي وأغراضه رحت مهموم وواقف على باب العنايه بحاله سيئه جدا تمر الساعات علي وانا بس واقف عند العنايه الى درجه كثير من السوريين الي بالمستشفى تعاطفوا معي وكل واحد يبغى ياخذني لبيته والله يترجوني اروح معهم حريم ورجال لأنهم شافوا حالتي النفسيه متدهوره جدا حتى ما اكلت شي وكل شوي جايني ممرض يبغى فلوس قيمة أبره وقيمة سرير وكل شي خلاص بقى معي حوالي ألفين ليره يعني 200 ريال سعودي يقيت واقف الى ثاني يوم حتى جلوس ما اجلس بحاله تعيسه السواق عطاني عنوانه بورقه قالي اذا صحى فلان تعال خبرني المهم اخذت تكسي ورحت مدينه اسمها الحسكه وعلى الوصف جيت ودقيت الباب وطلعت زوجته كان الوقت الصباح بدري دخلتني وشافت حالتي ويوم جاء قال شو جايبكم قلت ابغى جوازي قال مالك جواز عندي قلت انا خلصت فلوسي ابغى اروح اجيب فلوس انا تعبان رفض الى ان زوجته قالت حرام عليك عطه الجواز وهو يضربها كف يمكن الي ببعد عشره كيلوا يسمعه وشتمها وشتمني وطلعت امشي بالشوارع والله كانه فلم او مسلسل بديت افقد توازني رجعت المستشفى ولنفس المكان وقفت على باب العنايه للليله الثانيه واتفاجا بدكتور جايني يركض من بعيد عيونه فيها السوء وأتذكر قالي بصوت عالي شو حكاية السكر الي معاه السكر تجاوز 600 المساله حياه وموت جلست على الارض فاقد الوعي وفاقد الإحساس ان شاءالله أكملها بكره رغم اني حاولت اختصرها الا ان الأحداث الي جايه اكثر من الي راح اعذروني والله تعبت والتكمله بكره باْذن الله المواضيع المتشابهه: 
|
|
11-16-2016
|
#2 | |
 
|
تكفى ياغريب الاطوار لاتختفي وتروح ولاترجع مثل سواق التاكسي !! مادري اعلق على بداية القصة ولا على وسطها ولا على نهايتها ال200 l هذي اخوي كان عنده وحده مثلها وسوريا الله يرجعها لنا افضل من اول لها ذكريات جميله بدأ من الزبداني ومضايا وبعض احياء دمشق وجبل قاسيون قصتك فعلاً مريرة ومؤلمة وحمستني اعرفها للنهاية انتظرك بفارغ الصبر |
|
|
|
|
11-16-2016
|
#4 | |
  
|
يامال السيل ياسوريااا لو دقيت علي وقتها ان قريب منك في مساكن برزه ههههه منتظرين قصتك بفارغ الصبر يا غريب وسوريا مثلها مثل أي بلد أن لم تكن ذئب أكلتك الذئاب ذيك الايام تمشكلة مع ضابط بالمخابرات خلاني اعفن بسجن جلست شهور ما حدا عارف انا وين من باب مصلى الى القصر العدلي الى عزرا الى فرع فلسطين واخرتها الهجره كله من شان بخشيش :sm190: |
|
|
|
|
11-17-2016
|
#5 | |
 
|
قصة مؤثرة جدااا جدااا والله وضرورى تكملها لنا
عشت القصه من البدايه ومنتظرينك تطمنا على صديقك وشو صار له استمتعت بسردك للقصة برغم مافيها من مرض وحزن والالام التى تملأنا ولا يبقى سوى الدعاء لسوريا وشعب سوريا من القلب وعن ظهر الغيب وربى يبارك فيك .. وفى انتظارك تكمل لنا باقى القصة |
|
|
التعديل الأخير تم بواسطة البرنس رامى ; 11-17-2016 الساعة 02:56 AM
|
|
11-18-2016
|
#6 | |
 
|
الله يسعدك أوقاتكم بكل خير حاضر اكمل لكم القصه ويشهد علي الله اني ذقت العذاب ألوان مما جرا لي المهم بعد مارجعت من سواق التاكسي اتذكر حتى اسمه الى الان رجعت للمستشفى كانت تقريبا الليله الثالثه ورفيقي رحمه الله على وضعه وبعدها جاني الدكتور باندهاش واستغراب على حالة ويسألني كيف وصل السكر معاه 600 انا لا اعرف سكر ولا اعرف شي صغير واصابني الذهول والخوف جلست على الارض لا ادري أين انا خايف مما سيحصل ولا فيه احد وقف معي غير الله سبحانه مافيه جولات حتى اتصل ولا تليفونات ولا اي خدمات جلست بحاله نفسيه سيئه ابغى احد يعرف من اهلي او أهله حتى يجون ولكن مافيه بيدي حيله وأثناء جلوسي بالمستشفى وكانت الساعه 3 صباحاً جتني ممرضه وقالت لي انت فلان قلت نعم قالت لك تليفون بالاستقبال حسيت بالفرج وإذ هو صديق من أصدقاء المرحوم انا لا اعرفه لكن كان زميله بالدوام وقالي بالحرف الواحد اسمع حنا جايينك انا وأخوه لاتخاف بعد ماشاف حالتي وقالي بسرعه رح للدكتور وقله لايحطون له جيلكوز بالمغذي هو كان يعتقد انه الان دخل المستشفى مايدري له ثلاث ايام والجليكوز مغرقه معلومه أتت بعد فوات الاوان المهم أصبحنا باليوم الرابع والله الذي لا اله الا هو طيلة المده هذي مانمت لوساعه انا منهار وقتها من كل النواحي الظهر وصل اخوه وصديقه وشافوا حالتي شكروني وقالوا انت ماقصرت خلاص رح ارتاح او سافر لانك تعبان قلت جوازي واغراضي وأغراض المرحوم عند السواق ابو فلان زعل الشخص هذا وقال ليش يسوي كذا ابن ..... المهم راح ومسح فيه الارض وجاب جوازي وودعتهم قالوا معاك فلوس قلت ايه والله العظيم مامعي الا 300 ليره يعني 30 ريال رحت للقدم بتكسي ب 50 ليره ومن القدم ركبت بميكرو باص مع مجموعه الى درعا ب 100 ليره بعدين حصلت مسافرين للسعوديه أخذوني معهم ويوم وصلت باليل الجمارك كانوا كلهم بانتظاري وصلهم الخبر عن طريق جوازات العمري بدخولي استقبلوني كل أصدقائه المناوبين بالجمارك وطحت عندهم ماصحيت الا انا المستشفى صحيت طيب بس كأني بحلم ولقيت عندي اهلي وعزوتي وأول ماسالت عن المرحوم قالوا طيب وبخير رجعت لبيتنا وانا ماني مرتاح وخامس يوم جاني اتصال من فلان يخبرني بان فلان صاحبي عطاك عمره توفى بالمستشفى ما ادري وش اقولكم وش وضعي وقت سماع الخبر ما اقولكم وش صار بحالي صرت كأني مجنون من بكاء وصياح بدون شعور انسان غالي علي وصديق وأخو ورفيق رغم فارق السن الا انه حتى عند اخواني الكبار وأصدقائه محبوب جدا أخذوني اخواني والاصدقاء معاهم لتسليتي واخراجي من وضعي فأنا بكيت بكاء مر رحمك الله ياصديقي واسكنك فسيح جناته ربي تجاوز عنه واجمعنا به في نعيم جناتك يارب العالمين هذه القصه ولعلكم تدعون له بالرحمه ويعلم الله كم انا متأثر الان ولكن هذا هو حكم الله ولاحول ولا قوة الا بالله ...... |
|
|
|
|
11-18-2016
|
#7 | |
|
الله يرحمه ويغفر له ويسكنه فسيح جناته لله مااخذ ولله مااعطى وكل شيء عنده بقدر عظم الله اجرك وغفر الله لصديقك رائع انت ايها الهمام .. رائع انت وانت تتحمل كل هذه المشقة والتعب والمعاناة تسافر من بلد لبلد وتعود بعفه نفس لاتطلب مالاً ولا ترهق احداً عدت شامخاً عدت رائعاً يضيع المجهود والتعب ويبقى الاجر تذكر هذا الامر جيداً ماقمت به عمل جبار وصديقك هذا عمره وهذه نهايته واسأل الله ان يدخله جنات النعيم وانت لم تقصر ابداً معه والحمدلله ففي السفر يظهر معدن الرجال رغم صغر سنك في ذلك الوقت ولكنها تجربه صقلتك واستفدت منها بلا شك والدليل انك مازلت تحتفظ بكل تفاصيلها رغم فترة حدوثها البعيده غريب الاطوار جزاك الله خير |
|
|
|
|
| كاتب الموضوع | غريب الأطوار | مشاركات | 12 | المشاهدات | 2783 |
|  |
| انشر الموضوع |
(عرض التفاصيل)
عدد الأعضاء الذين شاهدوا الموضوع : 1
(إعادة تعين)
|
|
| أدوات الموضوع | |
| انواع عرض الموضوع | |
العرض المتطور
|
|
الساعة الآن 11:32 PM بتوقيت الرياض
Designed and Developed by : Jinan al.klmah