الحلم مستنى يتوِلِد

بَـكـتِـب لمـيـن ؟


بَـكـتِـب لـمـيـن
-----------------

عارف يا قلبى بَكْتِب لمين
للناس اللى طواها الحنين
جوة ضلوعهم صوت الأنين
وللمحرومين
مهما بيكبر حلم السنين
بيفضل جَنِين
الحلم مستنى يتوِلِد
ولابيتوجد
-----------------

أكتب لمن ليله طويل
مالوهش نهار
مستنى فجر حلمه الجميل
وطال الانتظار
بكتب ياقلبى لحبيبتى وعينها
وقُصِّة جبينها
وعقل يزينها

أو عن ولد
يحب البلد
ومهما ابتعد ..
لابد يجيلها
-----------------

عارف ياقلبى حكتب لمين ؟
لشخص انتهى
عشان قال (لأ) فى وقتها

عن اللى حبيبته سافرت بعيد
وطال إنتظاره وشوقه .....لها
بيقول حبيبتى راجعة أكيد
وحرجع لها
------------------

حكتب عن شخص حب السفر
( جوَّة البشر )
ويغوَى السهـر
لإنه بسيط .. جايز يموت
لو ليلة واحدة ماشفش القمر
---------------

حكتب عن اللى خياله
وعَقْلُه بَنَالُه
فى الأرض حلمه الجميل
لكن مستحيل
الأرض دايرة
والفكرة حايرة ..
ليوم الرحيل
---------------

عرفت ياقلبى بكتب لمين
وحكتب لمين ؟

كل اللى زَيِّى ونا زَيُّهُم
حكتب عنِّى .. أو عّنُّهم

المواضيع المتشابهه:

• أخطاء شائعة عند قياس مستوى ضغط الدم
• أعشاب تزيد مستوى اليقظة والطاقة
• 10العاب ومهارات لتحسين مستوى التركيز عند الطفل
• الفيلم الكارتوني - مستوى المعيشة

من الطبيعي أن نكتب لمن نحس بالامهم

ونقرأ لمن نحس أنهم كتبوا عنا

او عمايختلج في صدورنا

انتقاء جد رائع-رغم ما اعتراه من حزن-

شكرا تغاريد.

ابدعت في تطريز الكلمآت
حضورك مخضب ب أريج الورود ,.
ف أنت نجم من نجوم هذا الوهج
رويت ذائقتنا ب همسك ومساحتك ..,
لروحكك الجوري..~♥