صواني+حلويات 2

b a c k

صينية الدجاج المحمر بالفرن

هالصينية مسويتها اختي يعطيها العآفيه
وبما ان موضوعي عن الصواني نزلتها
زيادة الخير خيرين

المقادير
2 بصل مقطع حلقات + 2 فلفل بارد حلقات + 3 حبات جزرحلقات
+ 5 حبات بطاطس حلقات + 3 حبات طماطم برضو مقطع حلقات
دجاجة مقطعه حلقات >> برا
لا .. دجاجة كامله مغسلة ومقطعه أرباع >> تتبلينها ببهاراتك المشكله ونخليها على جنب نص ساعه

في قدر الطبخ >> نشوح البصل مع الزيت بعدين نحط الفلفل ونقلب شوي
>> بعدين نحط الجزر بعدين الطماطم ونقلبهم
>> بعدين نحط الدجاج ونقلبهم
بعدين نحط ( 3 ملاعق صلصة حمراء + مكعب ماجي + فلفل اسود مطحون
+ كمون مطحون + مويه حوالي كاسين او كاس ونص ) ونحركهم مع بعض
>>> ونغطي القدر ونخليهم حوالي ربع ساعه
>> ثم نضيف البطاطس الحلقات ونخليه ربع ساعه ثانيه >> او على حسب الاستواء اللي يعجبك بالبطاطس

بعدين نحط اللي كل اللي بالقدر بصينية ونرش عالوجه بقدونس او كزبره مفرومه
وفلفل اسود (اختياري)
وندخل الصينية الفرن ونخليها تتحمر من فوق بس






ونقدمها مع الرز او الخبز
وبالعافيه


صينية الباذنجان بالبشاميل
هالصينية دسمة جدا جدا جدا
تاكلين لقمه تزيدين كيلو>> كأني بالغت

وهالصينية تتكون من الباذنجان وحشوة اللحم والبشاميل

نبدأ بسم الله
المقادير والطريقه

باذنجان كبير او وسط مقطع لشرايح عريضه دائرية لصينية حجمها وسط
بس انا هنا استخدمت صينية صغيره تقريبا وصينية كب كيك عشان هيك قطعتهم بشكل طولي ودائري على حسب اللي عندي
وهذي صورة الصواني اللي استخدمتها


نقلي الباذنجان ونخليه على جنب

[IMG]http://imagecache.te3p.com/imgcache/6a3927b094b04e863***259ff4e1cb57.jpg[/IMG]


الحين نبدأ نحضر حشوة اللحم:
لحم مفروم + بصلتين متوسطه مقطع قطع صغيره + حبة جزر مبشور
+ حبة فلفل بارد مقطع مكعبات + بهارات ( رشة هيل + رشة قرفه >> عشان ريحة اللحم ) + ملح + صلصة طماطم حمراء + 4 حبات طماطم متوسطه نخلطها بالخلاط

نحمس البصل لين يصير لونه ذهبي ويذبل شوي >> بعدين نحط عليه اللحم المفروم والبهارات والملح ونقلبهم لين يستوون >> بعدين نضيف الفلفل البارد والجزر ونخليه يذبلون شوي
>> بعدين نضيف عصير الطماطم ونضيف تقريبا ملعقة كبيره او نص صلصة الطماطم الحمراء
ونتركه لين يتسبك




الحين خلصنا من الباذنجان وحشوة اللحم
بقي البشاميل

صلصة البشاميل:
نص اصبع زبده + نص مكعب ماجي + ثلث كوب دقيق + كوبين حليب سايل
أو ( 6 ملاعق حليب بودره + 2 كاس ماء فاتر) + علبة قشطه + 4 ملاعق جبن سايل

نذوب الزبد مع مكعب الماجي >> نضيف الدقيق ونحركه شوي بعدين على طول نضيف الحليب ونحركه >> ثم نضيف الفلفل الابيض او الاسود واخفقي لين مايثقل الخليط
>> نطفي النار ثم نضيف الجبن والقشطه وملعقه مايونيز (اختياري .. اذا حبيتي)



وأذا كنتي خايفه أنو يتكتل عندك الخليط
حطي بخلاط الكاس >> الزبده + الماجي + الدقيق والحليب
وبعدين عالنار لين مايثقل الخليط وطفي النار وحطي القشطه والجبنه


الحين كل شي جاهز الباذنجان وحشوة اللحم والبشاميل
نبدأ نرتبهم بالصينية

الطبقة الاولى : نرص الباذنجان بالصواني





الطبقة الثانية: نضيف حشوة اللحم





الطبقة الثالثة : باذنجان





الطبقة الرابعة : البشاميل





وآخر شي نرش عليها البابريكا وبودرة الثوم والاريجانو >> ضروري نرش هالاشياء عشان تعطيني نكهه وريحه حلوه
وندخلها فرن حار من ثلث الى نص ساعة ثم نحمر الوجه
ونقدمها مع الخبز مع الخبز المفرود

وهذي شكلها بعد ماطلعتها من الفرن





وبالعافيه


اسباغيتي التونة بالبشاميل





هالاسباغيتي سريع وسهل وطعمه حلو ويشبع
ينفع لآخر الليل اذا حسيتي بالجوع وطعمه افضل من الاندومي >> من اعداء الاندومي

المقادير والطريقة
أولا: نسلق باكيت مكرونة اسباغيتي مع موية وملح وشوية زيت
لحد ماتوصل الاستواء اللي تحبينه وطفي عليها وصفيها من مويتها ورجعيها للقدر

ثانيا: نقطع >> فلفل بارد + بصل أخضر + شوية كزبره
ونخليهم على جنب
وآخر شي نسوي اسهل بشاميل بالكون
بالخلاط >> كاسين مويه دافيه + 4ملاعق كبيره دقيق + 8 ملاعق كبيره حليب بودره
+ ملح وفلفل ابيض وفلفل اسود >> نخلطها بعدين نحطها عالنار حتى يثقل الخليط
ونطفي عليها

الحين نضيف للمكرونه اللي بالقدر>> 2 ملعقة كبيره جبن سايل ونخلطها مع المكرونه
بعدين نضيف علبة تونه جيشا ( افضل هالنوع) ونخلطهم
>> بعدين البشاميل ( مو كله على حسب مزاجك اذا تبينه كثير او قليل البشاميل)
وآخر شي الخضار المقطع
ونخلطهم كلهم مع بعض
وبس ومافي اسهل من هيك ^_^







دوائر التوست بالتونة



وهذي بعد اسهل من اللي قبلها
وادمنتها حيييييل وشكلها رايق في التقديم

المقادير والطريقه

1/ توست نقطعه بقطاعه دائرية كبيره
2/ الصوص وهو عباره عن ( خردل + كاتشاب + مايونيز )
بكميات متساويه وندهن فيه التوست



3/ اي حشوة متوفره عندك حطيها وانا دايما استخدم ( تونة + مايونيز + فلفل بارد + كزبره + عصرة ليمون + ملح وفلفل اسود ) ولك حرية الاختيار



4/ نجيب طماطم ونقطعه شرايح دائرية عريضه نوعا ما
>> نحطها عالصاج مع زيت زيتون ونخليها لين تذبل شوي
( لاتلين مراا ولا نبيها قاسيه ) ونحط الطماطم فوق حشوة التونه



5/ جبنة اي نوع متوفر عندك بس مو سايله >> انا استخدمت تشدر المراعي
نبشرها فوق الطماطم



6/ ندخلها فرن حااار مررااا من تحت وفوق بنفس الوقت لين تذوب الجبنه ونطلعها

ملاحظه : اذا ماتحبينها مقرمشه ولعي عليها الفرن من فوق بس
واول ماتذوب الجبنه طلعيها >> راح تصير طريه
بس انا افضلها مقرمشه احلى






وبالعافيه


BroB

المواضيع المتشابهه:

• حلويات مميزة وغريبــه
• حلويات شعيبيات ،،،
• صنع حلويات ماكرون من الجوخ
• حلويات زمـآآآآن
• صواني+حلويات 3

تسلم الايادي يارب
تقبلي مروري

شكرا لك لورمروك الكيرم