الفلوس وجارتي

جارتي كانت مستلفه مني ألف جنيه ... ولما جت تردهم حطت لي الألف جنيه بتاعتي في الاسانسير ، وبعتتلي رساله آخدهم ، وانا ماشفتش الرساله ، والألف جنيه ضاعت ..
ساعتها تسعة وتسعين في المية من الناس قالولي اتخانقي معاها ، وقوليلها ماليش دعوة ..انا عايزة فلوسي.. انتي الغلطانة. وخدي فلوسك منها، وماتسلفيهاش تانى.. واكيد هي وخداهم وضاربة عليهم.. ساعتها ، انا ماسمعتش الكلام.. بالعكس اتكلمت معاها عادي خالص رغم حوجتي ساعتها للفلوس .. قعدت اهزر معاها واقولها عقابا ليكي هاتعزميني علي ماك.. وكمان هاخرج مع جوزي واسيبلك ابني .. وقعدت اقولها فداكي في داهية الفلوس دي ، فديت بيها عيالي ، والكلام ده..
بعدها بخمس ايام لقيت واحدة في العمارة بتديني الفلوس !! بتقولي انها لقتهم وشالتهم لحد ماحد يسأل عليهم..
ساعتها حمدت ربنا اني ماخسرتش جارتي ولا كلمتها وحش وعلاقتنا بقت اقوي..
الفترة دي كنت مسافرة وعربية الاطفال بتاعتي تقيلة اوي .. فقالتي خدي بتاعتي اخف من بتاعتك .. قولتلها ماشي واحنا راجعين عربية الاطفال ضاعت مننا في المطار .. وبقيت بالطم عشان دي غالية جدا ومش بتاعتي، ومش عارفه هقولها ايه .
عملنا محضر وروحنا البيت.. وقعدت تلات ايام مجبتلهاش سيرة خالص، ومش عارفه اجيبهالها ازاي..
لحد ماجمعت شجاعتي وقلتلها ، بصي، انا عايزة اقول لك علي حاجه بس هي حاجه وحشه.. لقيتها برقت، قولتلها بصراحة الاسترولر بتاعتك ضاعت مننا في المطار.. وهما قالوا هيرجعوها في خلال أربعة وعشرين ساعة . ودلوقتي بقالنا تلات ايام . يعني مش هترجع..
فانا هروح اجيبلك واحدة زيها بالظبط..
بقولها كده وانا مرعوبة من رد فعلها..
لقيتها قالتلي اللللللللله يخربيتك .. خضيتيني...
فكرت جوزي بيخوني ولا حاجة..
ما في داهية الاسترولر .. المهم عيالك كويسين.. الحمد لله انها جت فيها ، مجتش في حاجه تانية..
لقيت نفسي مكسوفة اكتر من رد فعلها.. وقلتلها والله هجيبلك زيها.. قعدت تهزر تقولي انتي لاقية تاكلي لما تجيبيلي واحدة زيها يا شحاته.. يالا فداكي وفدا عيالك..
(((( عقابا ليكي هتعزميني علي ماك )))))) ولقيت معاملتها معايا عاديه جدا.. ولا اكني عملت حاجة.. رغم ان الاسترولر بتاعتها معديه ال 5000... معاملتها زي ماهي ونزلت قالت لجوزها قالها فداها مش مشكله .. ومستحيل هنقبل العوض. ولقيتها طالعة تاخد رايي في طقم تلبسه.. ولا جابت سيرة تاني للاسترولر، ولا يا خسار،ه ولا اي حاجه. بس جوزي اصر نجيبلها واحدة تانيه زيها..
بعد يومين لقينا المطار بيكلمونا بيقولوا الاسترولر جت وهيبعتوها علي البيت... كلمتها قولتلها الاسترولر جت فرحت اووووووووووي.... يعني اد ايه كانت من جواها ه ومش مبينه ؟؟ هل لو كانت اتعاملت معايا وحش وقعدة تزعق ولا قالت ماليش دعوة عايزه غيرها والاسترولر رجعت هل هيبقي معزتها في قلبي زي دلوقتي ؟؟؟
اللي عايزه اقوله من الرغي ده كله:
ان معادن الناس بتبان وقت الزنقة ، وقت المشاكل ، وقت حقي وحقك .. وقت تعارض المصالح، وقت الزعل والخصام ، وقت الحزن ووقت المرض شوف مين سأل عليك ووقف جنبك.
ماتحكموش علي الناس انهم جدعان بمجرد شويه مدح وضحك وهزار وخروج... اعرفوهم وقت الزنقة.
جرب بس اتحط مع حد في موقف صعب وشوف مين الحقيقي من الفالصو.
الناس كلها حلوة وقت الضحك والهزار والخروج لكن وقت الزنقه كله بيطلع الي جواه وبيظهر ويبان علي حقيقته.
عد مين وقف جنبك وقت شدتك وماتزودش عليهم حد.


🌼🌸🌼🌸🌼🌸🌼🌸🌼🌸


مما قرأت

المواضيع المتشابهه:

• فاهم الفلوس غلط

شموخ الكلمة ,همس المطر ,ريماس و 2 آخرون معجبون بهذا

روح الأمل ,انسان و ملاك

اميرة الحب

موضوع جميل تسلم ايدك

احسنتِ اميرتنا

خالص الود و الشكر

سامح
اسعدني مرورك العذب
أجمل وأرق التحآيا لك

يعطيك العافية اميرتنا لا عدمنا جديدك

طرررح مميز وراااائع




اشكررك جزيل الشكرررر

روح الأمل
الذيب
اسعدني مروركم العذب
أجمل وأرق التحآيا لكم

,,~

سلمت آناملك لروعة طرحهآ..
يعطِـــيكْ العَآفيَـــةْ..
لآ عـدمنآ تميز انآملك الذهبية
‏دمت ودآم بحـر عطآئك بمآ يطرح متميزآ
‏بإنتظآر القآدم بشووق
‏لروحــك بآقآت من الجوري

,,~

يعطيك العافيه على مشاركتك الجميلة

بارك الله فيكِ غاليتي

دمتِ في حفظ الرحمن ورعايته

ريماس
همس
اسعدني مروركم العذب
أجمل وأرق التحآيا لكم

سلمت اناملك ع الطرح والاختيــار
يعطيك الف عافيـــــة