انا عراقي

عــراقي انــي ( عباس جيجان )


انطيني من وقتك ثواني
ما أكلك آني وآني
شاعر من أهل العراق
عربي وأصلي عدناني
قريشي ومن نسل قحطان

لا تركي ولا مدغوش بأفغاني
لك الزمان ابيوم ذر الناس
الزمان عليك ذرّاني
وأخذ يردف علي ضرباته باليافوخ
لحد ما حيل خَوّاني
لكن بي طبع ما طيح
روح اسأل عليّ واشهودي عدواني
مو انسان يحجي وياك
جرح يمشي عله طوله وشمعه بصواني
ما عندي لجوء ايجتف الانسان
ولا مربوط بلساني
وك استاتس عندي من عمان
وسياسي... كوفي اعنان سمّاني
عراقي آني
من زاخو لعد الفاو عنواني
دجله أمي....وأبوي اسمه الفرات
وليلي مرجاني
عمت عين الزمان اشلون ذَبّاني
ولو حز ابضميري الجوع
بس ما غير ألواني
إيخسه التاريخ إذا مو باول أحروفه
يحط اسم العراق ويشطب الثاني
عراقي آني البكلبي على الساني
آنه الماصحت يوم أحاه
وعلى امتوني تكطع صوت سجاني
وأظن ما قصريت أوياه
أخويه الجان ينخاني
يِأَشِّر بيده من ابعيد
جديم الكوم يلكاني
عطش مره... شلت نهر الفرات وجيت
وشفت دجله على الجولان يتناني
عراقي آنه
واليبيعن سكاير على الرصيف اليوم نسواني
والماتوا بحسرة علبة حليب اطفال
هذوله أطفال خُوّاني
ما آغَنّي بعد بلاد العرب أوطاني
من الشام لبغدانِ
ومن نجد الى يمنٍ
الى مصر فتطوانِ
عراقي آني
ولو تعرفني كل الناس بس أعطيك برهاني
من داروا عليّ عرب آخر زمان وحتى جيراني
ما هزوا وحك عيناك
شعره من شعرات وجداني
عراقي آني

المواضيع المتشابهه:

• بالصور.. موهوب عراقي يرسم بالآيسكريم!

شكرا لك يا ورد على الاختيار الموفق
قصيدة روعة
تسلم يا ورد

هلا بابن خالي الورد
اشلونك
ان شاء الله زين
شرفني تواجدك
يا اصيل

هلا باخوتي
والنعم من كل عراقي
والله العراقي تاج الراس
الله يحميكم ويحمي العراق

اهلا بالاخت شهرزاد بغداد
نورتي الصفحة
وتفتحت الزهور بيها بدخلتك
ومن رديتي على الموضوع فاحت ريحة الاصالة والنخوة
وصار الموضوع يندي عزة وشهامة
شكرا الك
والله لا يحرمنه هالطله الاخوية

والنعم منك ومن كل العراقيين

وانا بجد بعشق العراق وأهلها

وعلى راسي أخوي سلام المظفر

المشاركة الأصلية كتبت بواسطة دموع حائره والنعم منك ومن كل العراقيين وانا بجد بعشق العراق وأهلها وعلى راسي أخوي سلام المظفر [i

كلماتك فرشت الطريق لي بالورد الاحمر والابيض وكل الالوان
مشكورة يا طيبة الاصل على هذا الاحساس الدال على كرم روحك وسمو اخلاقك
والله العراق نبع للطيبة وما يحبه الا كل طيب واصيل
اختي الغالية
كلماتك تقطر عسل وروحك تفوح بالعطر
وقلبك ينبض بالحب الاخوي الصادق
والوفاء عنوانك والطيبه مزروعة بيك
والعراق واهله بخير
لان اخوانه معاه
الله لا يحرمنا منكم

صح اللسان من كتب ونقل لنا روعة الابيات ..
والنعم بالجميع ..
لاهنت يالغلا
ودمت بخير ..

هلا بالاخ سلام
نورت المكان
قصيده روعه
تسلم ونود ان
نرى جديدك
عما قريب
تقديري

يسلمووووووو سلام والله يعطيك الف عافية



قصيدة رائعة جدا واحلى شي بيها انه نكهته عراقية


لك مني الف تحية وسلام ع ذوقك الحلو