الفنانة الجميلة نجمه ليل ,, رُديها علي سيدتي الجميلة (رديت يا فنان)

يسعد صباح وكل اوقات الجميع

مممم
النقاد يمتنعون؛)
ويا حاضر اعلن الغايب هلا وسهلا فيك على راسي لكن ما تركز عن حالى وتتعاطف ..فقط انظر لكلماتى واحساسي وديزاين الحلو

مجرد بوح اسميه او همسات ..فشكرا لكم على الحضور



والشكر الاكبر للفنان احمد الحلو

شكرا يا حلو على الدعوة ..اتمنى تنال رضاكم

الموضوع الاساسي للحلو

https://wahjj.com/vb/showthread.php?t=44269



استسمحكم بالاول افتحو الرابط لصوت الميوزك المرافق مع البوح
https://j.top4top.io/m_2495w6j6h1.mp3
..











مدخل//
ماشية برسم الضحكة فوق الشفايف
واضمد جراح القلوب وامسك بايد اللى خايف!
وارمى الورود واترمى فى احضان الاغانى بحس رهاف
واللى فى القلب ..فى القلب .مهما اتارى ..لسا بعانى!

اتفقنا على الغرام واللقا ..ومتفقناش على انك تروح !!
طب كنت قول..
كنت تقول انك راح تروح و تغيب على طول
ولا كان يخطر فى بالى يوم انه يجرالى ما جرالى
انك راح تسيب ايديا وسط الطريق لحالى

طالت المشاوير ..وعدى وقت كتير ...وانا والذكرى.. الله فى سماه مش نسيانى !

والحنين...آه من الحنين..اصعب رحلة واصبح عنوانى
وحشنى صوتك وملامحك وانت بتتكلم..والله غيابك عليا مش هين ..وبجيب فى سيرتك بالخيرواد ايه كنت كريم و حنين
كنت فى ظلك بكبر والوقت معاك بيكتر وبيك العمر لسه فى اكتر
بشتقلك وكل ما فيك افكر
بيسوء حالى وبتكدر
ولو اذكر اسمك عند الناس والله حبيبتك بتتقدر

وارجع ارمى حمولى ع الله

وانا قلبي ياخوانا وعمرى من عند الله

مرة يضيع الطريق منى ..ومرة اسابق ايامى!
وما بين امواج وبحور وعواصف وامطار وضباب
اسأل وانا فـ حيرة ليه الطيبين ياربي عمرهم قصير؟؟!!
وليه الفراق والرحيل بيختارو دايما الاحباب؟
والموت ليه بينقى الحبايب فى القعدة و اللمة ؟؟!
يا كسرنا وهدمنا يا موت..رغم انك حق ومقدر


اثر طيب وعشرة وذكرى وووكان ياما كان
ياريته كان لسا معايا ..ياريته ما منى راح
راح كدا من غير سلام
وكأننا خلصنا كل اللى ما بنا من من حياة وكلام!!
مع السلامة يا حبيبي وفـ امان
وانا على العهد والوعد كأنك معايا ومعاك تمام
وعند ربي اللقا وحسن الختام
مقدر ومكتوب
ومين بيدخل فى امر الله؟؟!!

وها انا الان



بعافر فى زمن قاسي وبتحدى ليلى .. وبحن لنهارى وياك ... وارسم بريشتى احلامى وحكاياتى
انا لوحة الوان احتارو فى امرها.. وقليل اللى يفهمنى او يحس بكتاباتى!
قسماً بريشة احمد الفنان ..لو بحكى اكتر عن حالى.. راح تطلبه سكاتى!
ما حابة اكمل احزان ولا احب اكتب معاناتى
لان بالمختصر فى وجوده كانت حلوة الايام ..بتمنى اشوفه حقيقة من تانى

حقيقة مش فى منام .. ولو لحظة بس فى حياتى
ومهما اكتب او اكون..انا نجمة ليلي فخورة بذاتى
بيك اكون ..ولحد اللقا انت اول وآخر امنياتى ..!!


مخرج// بحن لوجوده ..وكتير بسمع صوته .واتلفت مبلقهوش! ايامنا ازاى يرجعوا؟؟.كان بدرى الوداع ..
مين اللى قال البعد بينسي الحبايب
تعالى شوف حبيبي قلبي اللى حبك اد ايه فيك دايب..

المواضيع المتشابهه:

• وارفة البيان ,, رُديها علي سيدتي الجميلة
• فتنه حرف ,, رُديها علي سيدتي الجميلة
• نجمه ليل ,, اليكِ ,, رُديها علي سيدتي الجميلة
• الجوري ,, اليكِ رُديها علي سيدتي الجميلة
• الفنانة الجميلة نجمه ليل ,, رُديها علي سيدتي الجميلة

احمد الحلو ,روح الأمل ,وردة الغرام و 6 آخرون معجبون بهذا

نوران العماري ,ناطق العبيدي ,ريماس ,اميرة الحب ,انسان و ملاك ,وارفة البيان