كل حاجة في إيد غيره

مهم جدا إن الطفل من صغره يتعود إن مش كل حاجة في إيد غيره ومش بتاعته حيقدر ياخدها أو ياخد جزء منها حتى بأي اسلوب !

مش معني إنه شايف طفل تاني بيشرب عصير مثلا وهو عيط عشان ياخده يبقى نديله شوية منه بعد محايلات على الطفل الآخر اللي ممكن ميكونش ممتن لكدة اصلا !!

ومش معنى إنه شبط في لعبة شافها مع طفل تاني يبقى لازم نجيبله زيها وبسرعة !!

ومش معنى إنه معاه سندوتش بس عايز سندوتش حد غيره يبقى نديله منه جزء !!

كل دي تصرفات بتعود الطفل إنه عادي من حقه ياخد أي حاجة مش بتاعته بمجرد النظر أو بالزن والعياط وغيره ، لإنه عارف إنه حينجح للوصول ليها في الآخر زي ما بيحصل كل مرة ..

ونرجع نشتكي من العناد والطمع ونوبات الغضب والدلع الزيادة !!

ده غير إننا ل اتبعنا الأسلوب ده مع أطفالنا يبقى مش حنخلص بقى ولو جيبنالهم الدنيا كلها بردو مش حيشبعوا !!

في واقع طبيعي ومعتدل ولازم الطفل يتعود عليه حتى لو لسة رضيع زي ( لا دي مش بتاعتنا ) ، ( حنشتري لعبة واحدة بس دلوقتي ) ، ( مينفعش ناكل من ده مش بتاعنا ) ، وهكذا .

في تصرفات كتير لو أخدنا بالنا منها حنتجنب مشاكل في شخصية الطفل بعد كدة مش بنكون عارفين ايه سببها أو مش حاسيين إن احنا اصلا السبب فيها .

-------♡♡♡♡------

المواضيع المتشابهه:

• الرئاسة الفلسطينية: نرفض أية محاولات مشبوهة لتكليف بلير أو غيره بتهجير الغزيين
• حديث: أعتق رجل منا عبدًا له عن دُبر لم يكن له مال غيره
• إضافة الملح أو غيره إلى الطعام يرجع إلى العرف والعادة
• كيف تعرف النشيد الإسلامي من غيره...؟!
• زهقان ومش لاقى حاجة تعملها:تعالى اقولك حاجة.

ناطق العبيدي ,همس المطر ,اميرة الحب معجبون بهذا