ياصاحبي ليه حزين

:لـــــــــــــــيه حـــــــــزين
إيه يعنى صديق خان
من الصنف دا ملايين
إيه يعنى حبيب غدر
سبق القدر طعن سكين
إيه يعنى جار
جار على حقى
وبقيت ظالم وهو
صبح مسكين
إيه يعنى الهم مال ناحيتى
والحظ خان صحبتى
بجرح دفين
إيه يعنى دبلت وردتى
وضاعت كمان بسمتى
واتبدلت بدمع العين
إيه يعنى راحت حريتى
وبقيت لوحدى سجين
إيه يعنى مافيش إخلاص
خلاص مافيش مخلصين
فين زمن الشهامة والمحبة
فين زمن القلوب الطيبين
فين زمن البساطة والمودة
ولقمة الواحد تكفى اثنين
زمن كان فيه وفاء وحب
لو جار قال آه على بابه واقفين
ليه كله بيفكر فى نفسه
عاوز يمون يخزن ويمشى
وغيره طول اليوم ف محطة البنزين
ياعم مون وخد حاجتك
وسيب حق غيرك من التموين
الأزمة مش فى السلع
ولا فى الدكاكين
الأزمة فى نفوس
ماتت ضمايرها من سنين
فى حق الغير دايما طمعانين
لما قالوا ثورة قالوا
يعنى فوضى
والحرية جرح فى ناس تانيين
واللى معاه مطوة
حلال عليه حق الغير

بقلم اخى وصديقى
الدكتور/ محمود دخان
حصري لوهج


المواضيع المتشابهه:

• ياصاحبي بالله فتح عيونك
• ياصاحبي
• ياصاحبي لك مدة ماتجينا
• ياصاحبي ياللي ..
• حزين من الشتاء ..والا حزين من الظمأ ..ياطير ..؟