ليـه المسـاء بطلتكـ يبـهج الـروح

ليه المساء في طلّتك يبهج الروح؟

وكنك تزيده فوق ضو القمر ضَي

وليه أنت وحدك همستك تبري جروح؟

وكنك لها بلسم ولي الزاد والمَي

وليه إن حكيت بجد وإلا حكي مزوح؟

كن الحروف إستحرمت مسلك الغَي

ودي أجاري منطقك واطلق البوح

لكن شبيهك في البشر ما بعد حَي

كل القصيد اللي أحاسيسه تفوح

يحلف أحاسيسك معه مالها زَي

يانبض قلبي كيف حالي لو تروح

البُعد شمسه حارقه وشوفتك فَي

يبقى فراقك جرح في الجوف مفتوح

ما ينفعه طِب المداوي ولا الكَي

خلك هنا ولي معك حلم وطموح

أمسك يدينك وتهتني بممسك إيدَي

نبني من أشواقي مع أشواقك صروح

ونِرقى على هآم المشاعر بها رقَي

خل الغرام وخافي العشق مفضوح

وإروي ضُما صدري | بضمة غلآ | رَي

رآقت لي

المواضيع المتشابهه:

• فراغـات الـروح
• جنون الـروح مرحبا بك
• شظـايا الـروح

عاشق القصيد ,فنار منفى ,كراميل نور و 5 آخرون معجبون بهذا

نبض صامت ,ريآن ,ضامية الشوق ,إحساس حرف ,همس المطر