ياليتني عايش بلا قلب واحساس

ياليتني عايش بلا قلب واحساس
..................



ياقلبي ارحمني ولا تعشق الياس
ذبحتني واللي ذبحني عنادي
إنسان انا مثلي مثل باقي الناس
ياخي أبي ارتاح حزة رقادي
أتعبتني ولكل الأشياء مقياس
وانا انسحب مادام فيها تمادي
ياليتني عايش بلا قلب واحساس!
ولا أحس إني كذا شي عادي !
تقتلني أوجاعي وانا آقول لاباس
وتخنقني الوحده وانا في بلادي !
تحشرجت في داخل الصدر الأنفاس
وصار الغلا والحب كبوة جوادي !
من كثر طيبي صرت في يدينهم كاس !
لاصار فاضي ماانحمل بالايادي !
بنيت من نفسي لهم مسند وساس !
ولا أحد لبى الندى يوم أنادي !
خسرت ؟ ياما بس ما انّزل الراس
تبقى المبادي في حياتي مبادي
عطيت ؟ ياما بس لا يمكن انداس
هذا البحر ينهاب لو كان هادي
نفسي عزيزه والقناعات نبراس
وصدري كتاب ابيض ولا هو رمادي
مؤمن لو إن الضيق والهم وسواس
واتعب وأقدم للحلال اجتهادي
كني جذع ! واقدار عمري هي الفاس

تضرب على حلمي وتقطع مرادي



شعر : فهد الديحاني

المواضيع المتشابهه:

• ياليتني قلبك..
• ياليتني حطيت للقلب عـداد
• ..{ عايش لكن لا نيب حي ولا ميت }..
• عايز تتبسط؟؟؟؟؟؟؟؟؟
• ياليتني سبحة بين اياديه ))~~

الجوري ,اميرة الحب ,عاشق القصيد و 1 آخرون معجبون بهذا

همس المطر