عذبينا وافرحي .. بقلمي / سهام ماجد

عـذبيـنــا وافــرحــي





ليـه يـادنيـا تعـذبينـا ونـازلة فـينــا نـأورا
كل ما نجـري عـليكي ترجـعي بينـا لورا
دا احنا ياما شفنـا منك إمتى تنسينـا بقـى
كل يـوم تـأنبينـا ياريـت تقـولي إيـه جرى


عـذبي فـينا براحـتك زودي فـينـا الجـروح
لـو حاولنا نشـتكي لك عرفينـا لميـن نـروح
عـلمينــا إزاى معـاكـي بـالألـم نـقـدر نعـيش
طـب كفايـة نورعنينـا من البكـا قرب يـروح


حـظنـا إن إحــنا فـيـكى ولقـلوبنـا تجـرحـي
كـل ما نحاول ننـسـي .. تعذبيـنــا وتـفـرحـي
لـو قـلنا حقك علينـا تـدوسي ليه ومـا تـرحمـي
انتي ليـه قاسـية كـده! هـِزِّي فينــا وطـوَّحِـي


قـلبي خلاص صبح حـزين ولله منك إشـتكي
نفسـه يفـرح إيه الحكاية حاسس إنه ف معركه
كتير بحاول أراضى فيكِ وانتِ عني ما بتسألي
دا انتِ غلبتيني خالص إترميت في حضن البكا


يـا دنيـا دايـرة بقسوتك ع القلـوب بتقسـمي
ماسـكه ريشـة الأحزان ع الوشوش بترسـمي
نفـسي أشـوفك مرة واحدة تمسحي دمع العيون
تحـضني قـلب الحــزين وبالحـنان تتبـسـمي


بقلمي
سهــ ماجد ــام
سابقة النشر

المواضيع المتشابهه:

• أنا قلت خلاص .. بقلمي / سهام ماجد
• ماتظلمنيش بقلمي / سهام ماجد
• حكاية حب .. بقلمي / سهام ماجد
• ليه تخاصمني بقلمي سهام ماجد
• قلبى انا مسكين بقلمى / سهام ماجد

ريماس ,ملكة الحنان ,روح الأمل و 5 آخرون معجبون بهذا

نجمه ليل ,نجـ سهيل ـم ,انسان و ملاك ,وارفة البيان ,احمد الحلو