ما أجمل الرجوع الى حيث ننتمى وها انا اعود الى سمائى

ويا صباح الفل عليكم
والسلام عليكم ورحمة الله وبركاته
ويا هلا بالاحبة الغاليين اللى وحشونى كتير جدا جدااا


كل عام وانتم بخير
فاتني معاكم احلى الاوقات ..رمضان واعياد ومناسبات
بس انتم دايما فى القلب
اولا انا كنت بعمل عملية فى عينيا وطبعا اخد وقت كبير بعيدة عن اى مصدر اشعاعى واللى منهم اللابتوب حتى الموبايل
مع ارشادات الدكتور ووفقا عليها طووول غيابي
ثم احداث ومشاغل ما بين حلو ومر ..وكله بيمر ولله الحمد

متشكرة جدا جدا لكل اللى افتقدنى واللى سال عنى
بحبكم جدا جدا احلى اخوات وصحبة
ومهما طال البعاد اكيد الطيور مالهاش الا عشها الدافء
مهما بنبعد لازم نعود
اسيرة الروح لبيتها الرائع ولعائلتها الجميلة
ومهما تاخدنا الظروف والدنيا يبقي فى القلب غرفة مكتوب عليها اهلى بالوهج لا يمكن يتنسو ابداااا

الحقيقة قلبي مالهوش مكان الا وياكم
امان وصحبة واهل وبيت
وحشششششششششتونى يا نجوم ..

مبسوطة انى رجعتلكم من تانى ..وان ليا مكان فى وسطكم
متشكرة جدا جدا يا شمس ولادارتنا الموقرة ان لسه محتفظة بمهمتى هنا ..(نائبة المدير)
مع اننا كلنا واحد ومفيش فرق بين نائب وعضو كلنا بنحب بيتنا الوهج وكلنا لا غني عن بعضنا

ولو انى خجلانه جدا من دا ..لان غايبة وفى ناس كتير احق منى بهالمهمة
وعلى الرغم من كده مازلت فيها...ودا اعتقد ان معناته اقوى من المهام او الالقاب نفسها..هى ان اننا عيلة جميلة بالفعل وعندنا ود وتقدير لبعض فدام ودنا ومحبتنا كاخوة لبعض والوفاء والاخلاص هنا فى وهجنا اللى مش زى اى منتدى
شكرا من القلب شمسنا الغالى وملاكنا الراقى المحبوب وكل طاقم الادارة الجومال المحترمين ...كالعادة انا فى مواضيعى اللى مطولة فيها كدا بتكون من القلب للقلب بحكى معكم ومن غير اعداد سابق..
يعنى الجماعة الشعراء والكُتاب صف يا مبدعيين كده :) اقلعو النظارات وفكك يا مهدى من التدقيق فى الكلمات هههه
محدش يبصلي على اخطائى الاملائية ههه واللى مش ناوية اعدل عليها
لما بكون فرحانة زى وضعى دلوقتى وانا بينكم مش بيفرق عندى اكتب باى صيغة ولا الهاء من التاء ههه

واتمنى كل اللى غايبين يرجعو لسمائهم بسلامة فى صحة وعافية
حينما اشتاق اتمنى ..وها انا اللى اتمنيته لقيته فى رجوعى بينكم ولله الحمد
واروع الاشياء واللى كان ناقصنى طول مدة غيابي هى حضوركم يا احبائي

وابلغ الكلمات الحديث معكم وتعليقاتنا الجميلة على بعضنا البعض
وان سالتونى عن ما اهوى ؟ حقيقي هيكون ردى : طيف روحكم اللى بينور ويزين سماء ليلي ومكانا هنا


(اووووو همسة :شمسنا و عقل ال عياش والحلو وغرامى والوارفة وعاشق ونجم وهموسة والجورى وكل نجوم القلم وسعولى جنبكم شكلى متحمسة وهقتبس من نور حبركم شوية فى محبرتى لان حبرها جف من الركنة للاسف ههه وعطشان للخربشة معكم انشالله عالرصيف :) بتاع الذكريات عند شجرة الخزامى تبع اديبنا عقل ال عياش :)

الجورى والسوسن والزهور البرية واللافندر وكل الورود اللى فى الدنيا منى ليكم مع تحياتى ايها الغاليين على قلبي
وشكرا لدعمنا الفنى على حل مشاكلنا فى الاعطال اللى وجهتنا ..مشكور
نجمه ليل

المواضيع المتشابهه:

• ستنهمر سمائي بأمنيتي بكِ
• الرجوع من الذهاب ....بعيداً..... ( قصة من 31 جزء )
• الا يا زماني رحماك
• صحراء تجدب اغنى اغنياء العالم.........
• انشودة لسوف اعود يا امي

همس المطر ,وردة الغرام ,شموخ الكلمة و 6 آخرون معجبون بهذا

نزف قلم ,مهدي ,ناطق العبيدي ,عاشق القصيد ,اميرة الحب ,انسان و ملاك