سجل حضورك ببيت من الشعر

لاصرت طيّب لاتهاب الضعيفين
لا بد ماتلقى ضعيفٍ ، يسبك ..

ليا تباغض واحدٍ لك او اثنين
يكفي مطاليق الجماعه تحبّك .

ليت العمر ينباع والله لشريه
وأروح للطيّب وأزوّد سنينه

وإلا الردي لعل تقصر لياليه
ما من وجوده فايدة خابرينه .

قسّم أصحابك و ابعطي لك مثل
" ذا عزيز و ذا لزيز ، و ذا لفو " ،،

والكفو " واحد " على اللازم صمل
ماهو كل واحد من اصحابك كفو .

رزقي على اللي ليا اعطا شي مامنه
ولا يدين البشر تعطي ومنانه ..

لا شحوا الناس ربك يعطي الجنه
مايعطي إلا كريم الوجه سبحانه .

ابتسم لـ الناس في روحاتك وجيّاتك
و إترك المشغول فيك وفي خفايا عيبك

لو تراضي خلق ربي ما غفرت زلاتك
حتى لو تعطيهم عيونك وما في جيبك .

يا جعلني وان غبت ما اغيب من شر
وان جيت جعل الله يجمّل حضوري .

الصاحب اللي يرفع الراس نشريه
نوفــي لــه الميزان ونكرم جنابه

ونزيد في حـقه وناخذ ونعـطيــه
ولا نسمــع النمام مهما حـكى به.

ليت الزمان اللي مضى يرجع اليوم
وترجع لنا ايام " القلوب النظيفة " .

ليت الزمن وقف على ذيك الايام
يوم العباد قلوبهم مستريحه

لكنها قفّت مثل طيف الاحلام
ياجعل اهلها للجنان الفسيحه .

علمتني شهب الايام عن هذا وذاك
الزمن يعطيني دروس يومٍ بعد يوم

جعلني ما احتاج لـ الطيّب اللي لا بغاك
في لزومه " ذكرك وش قضالك من لزوم " .