قومى يا عسل وبطلى كسل

فى بيوت كتير يحصل فيها حالة طوارىء

لو ضيف استأذن علشان يدخل الحمام

تلاقى اللى جرى يميين واللا جرى شمال

وتلاقى ست البيت فى نص هدومها

وكل مرة بحجة شكل مرة العيال الله

يسامحهم مبهديلين الحمام

وحجج واهية مبتخلصش

ومرة جوزى سايب هدومة ومعلش اصل وفصل

ياريت نبدأمع بعض كل واحده تدخل

حمامها وتسأل نفسها سؤال هل ممكن حد غريب

فى هذه اللحظه يدخل الحمام وماكونش محرجه

سواء من النظافه او من الأشياء الموجودة

فى الحمام على أساس أنه جزء مهمل

فى البيت

ماعلينا خالينا نبدأ بالحل

يعنى بلاش الشماعه اللى ورااء الباب

يكون عليها هدوم متعلقة المنظر نفسه موش

حلو حتى للناس اللى عايشين فى البيت

باسكت الغسيل ياريت يكون شكله حلو

وياريت كمان متعلقيش اى هدوم داخلية

ويوضع فى مكان لايراه اى شخص غريب

فى الحمام

بلاش فوطه واحده البيت كله يستخدمها

ونحطها على الحبل تنشف ونرجع نستخدمها

تانى كل فرد من أفراد البيت له فوطه مستقله

وكل يوم أغير الفوط كل فرد يكون له

ليفه لواحده وممكن توضع بشكل جميل

يسمح يتهويتها علشان البكتيريا

وكل فتره تتغير.

نظفى الحمام وشيلى الكراكيب وأوعى تنسى

شباك الحمام ياجماعة الشبك أهم حاجه

ده من بره عنوان بيتك ومن جوه يمنع دخول

الاتربه الموجوده عليها مع اى شوية هواء

الى المكان مره أخرى.

ياريت الشغلانه دى تعمليها كل يوم

لان كل يوم الحمام ده أساسى

كل يوووووووووووووم شوفى الوقت

اللى يناسبك بالليل لو كنتى موظفه او الصبح

بعد مايخرج جوزك بالسلامه

الحوض والبانيو والتواليت لازم يتغسلوا

كويس وتخصصى لهم سفنجه معينه وزى

ماأنتى عايزه استعملى اى مواد تنظيف

المهم كل يوم .

لازم يكون فى الحمام زجاجه زى بتاعى

الجلانس حطى فيها شوية كلور وشويه

ديتول وشوية ميه بنسب متساويه وكل ماتدخلى

الحمام وتلاقى حد استخدم الحمام وخصوصا

اذا كان فى صبيان وطبعا جوزك ترشى

قاعدة التوليت والجزء اللى تحت القاعده

بهذا المحلول وتنشفيها هتفضل ريحة حمامك

طول النهار زى الفل

تفتكره بعد مانعمل كل ده هاتحتاجى لما يكون

عندك عزومه ولما يجى ضيف فجأة

ويدخل الحمام هاتتكسفى مأظنش .

أجعلى من حمامك غرفه أساسيه فى البيت

نظافه ورائحه عطره طوال اليوم بأقل القليل

نزف قلم معجب بهذا

نصائح بسيطه ليكي
حاجات بسيطة جدا لازم تعمليها
هتفرق معاكي عالمدى الطويل ...
_ متصحيش متأخر حتى في يوم أجازتك
... اصحي بدري و استمتعي بهدوء و روقان الصبح
... و بداية يومك الصح هية اللي بتحدد
مسار بقية يومك ...
_ اشربي مية كتير جدا على قد متقدري
.. على طول خلي معاكي ازازة مية ...
خليها عادة ...
و اتفرجي على بشرتك خلال 3 شهور
من الالتزام بالموضوع ده.
_ اغسلي وشك بمية سخنة عشان المسام تفتح
و تخرج التراب و الدهون اللي جواها ...
و استخدمي أي غسول الفروق مش كبيرة
في المفعول صدقيني ... بس لازم بعد ما تعملي
الحركة دي تغسلي وشك بمية ساقعة جدا
عشان المسام تقفل ... و يا سلام لو مكعب
ثلج و مشيتيه براحة على وشك ....
_ لازم تمشي ... لازم تمشي ... لازم تمشي
... أنا عارفة ان مصر مش أحسن بلد في العالم
تمشي فيها ... بس حاولي على الأقل لو نص ساعة
... حطي السماعات ... و امشي ...
جسمك هيتشد ... و كمية طاقة سلبية
هتطلع منك ... مش هقلك بقى ����
جحيم و الله ... امشي يا بنتي .... امشي !!!
_ اهتمي بنظافتك الشخصية و خلي ريحتك
حلوة على طول ... حتى لو قاعدة في البيت
و لوحدك ... نفسيتك هتتغير 180 درجة ....
_ كريمات ال ANTI_AGING
مهمة جدا لكل البنات و الغرض منها تأخير
ظهور علامات الكبر ... يعني بتتحط
من ال سن 25 و طالع ... مش بتتحط بعد
ما التجاعيد تظهر يا فندم ....
_ على الغدا اعملي طشت سلطة جمب الأكل
و أبدعي بقى في عمايلها .... قللي الرز و المكرونة
... سواء انتي مليانة أو رفيعة ..
الحاجات دي أطباق جانبية ... ثلاث أربع معالق
كفاية ....
_ حاولي تعودي نفسك على أنك توقفي أكل
بعد الساعة 7 بالليل .... و لو خلاص هتموتي
مش قادرة ... عليكي بالخيار و الزبادي و التفاح ...
_ لازم تدلعي نفسك كل فترة ... غيري شكلك
... لون شعرك ... طريقة لبسك ...
أي حاجة جديدة هتعمليها و تكسري بيها
روتين طلتك ... هتفرق في نفسيتك جدا
.... و الله هتفرق ...
_ أخيرا و ليس آخرا .
.. لازم تفهمي إن شكلك في الثلاثينات

و الأربيعينات هوة حصيلة اهتمامك بنفسك
و جسمك و صحتك و نضارتك في العشرينات
... هوة ده الفرق بين واحدة بتحلو جدا بعد
الثلاثين ... ووحدة وشها بيقع بعد الثلاثين
.... اهتمي بنفسك .

نزف قلم معجب بهذا

من الذوقيات اللي أغلبنا بيفتقدها بجد :
*اما تروح لحد و يفتحلك باب الشقه
"ياريت تقف علي جنب بلاش في وش الباب
و تجرح عورات البيت او لو ف حاجه مش
حابين تشوفها"
*اما تكون عند حد و يفتح قدامك دولاب
او درفة "بلاش تبص جواها فيه إيه حاول تغض
الطرف .. يمكن متبهدلة او مش حابب تشوف
خصوصيات"

*لو واقف مع حد ف المطبخ و فتح قدامك
تلاجة او فريزر أو ديب فريزر ..
"مش من الذوق تمد عينك و عينك تلف ف
البتاع كله و تشوف عندها ايه و معندهاش ايه"


*أما تزور حد ف بيته عموما بذات لو أول مرة
"بلاش تفضل عينك تقعد تبص يمين و شمال
و فوق و تحت "

*حاول ديما اما تشوف حاجه تعجبك تقول
"اللهم بارك"
*لو رحت عند حد و لاحظت انه جاب حاجه
جديدة "مش لازم تقعد تسأله جبته امته و فين
و بكام و أزاي" بذات لو مش هتستفاد حاجه
و مش بينكم اصلا عشم
*بجد يا جماعه الذوقيات دي مهمه جداا

لازم نخلي بالنا منها ..
*خليك زي النسمه اما تروح لحد ..
يحب قعدتك .. ميحسش أنك بتحسب عليه
كل حاجه ... وواخد بالك من كل حاجه
.. خليك عقيف .. رقيق .. سهل .. لين
.. الناس تحبك .. و متستتقلش زيارتك

نزف قلم معجب بهذا

انا عايزة الفت نظر المتزوجات لحاجة مهمة
كتير ممكن نروح مطعم شيك جدا وفاخر
واخر نضافة وطبق وشوكة فى منتهى الشياكة
ويعمل مثلا مكرونة بالباشميل وكفتة منظرهم
يفتح النفس بس طعمهم عادى واللى بناكله
فى البيت احلى بنخرج طبعا مبسوطين ومرتاحين
وفرحانين بمستوى النضافة
المقصد من كلامى

فى ناس ممكن يبقى اكلها حلو جدا بس نقرف
ناكل منه وناس اكلة عادى خالص وتبقى نفسنا
مفتوحة ازاى يعنى
يعنى مينفعش وانتى بتعملى الغدا لجوزك وتيجى
تغرفيه تلحوسى الطبق ويبقى منظره مش تمام
مينفعش الطباق يبقى طبق صينى على طبق
بلاستيك على طبق صاج
( علشان اللى فى النيش ده من الاقتراب والتصوير )
مينفعش نصب عصير فى صينية وكل كوبايه

شكل مينفعش صينية ملسوعة او مشروخة
او مصدية ونقدم فيها حتى لو لنفسينا او اجوزنا
وعيالنا بلاش الدوارق والكوبايات البلاستيك

اللى كمان غير صحية
ليه ماتجيبى دورق قزاز او بلاستيك عالى
و طقم كوبايات قزاز شكله حلو ب15 ج
ليكى ولجوزك ولو عيالك صغيرين فى كوبايات
ميا مناسبة ليهم
مينفعش ناكل زيتون ونرمى النوى فى نفس الطبق
وليه الشوربة بنحط طبق كبير فى النص وكله
فوووووووووو بيشفط منها ليه ماكل واحد
ليه طبقه حتى لو مغرفة واحدة
ولا الفراخ ناكلها واللحمة والعضم فى نفس
الطبق ولا السمك بناكل ونتف الشوك فى الطبق
لان العين تعشق قبل الفم احيانا فخللى دايما
شكل اكلك وتقديمك يفتح النفس
لو عملتى فراخ مثلا طلعى الطباق من نفس
النوع بس باحجام مختلفة
والعصير والبيبسى مش عيب ولاحرام
لو طلعتى اللى فى النيش وقدمتي فيها
كوباية القهوة ايه المشكلة لما تبقى فى فنجان

وتحتها طبقها فى صينية حلوة بعد العصارى
بدل مبتصبيها فى كوبايات الشاى
ليه مانخلى طبق كبير دايما زى المطاعم كده نغرف
فيه اكلنا وطبق من نفس النوع صغير للقشر

والعضم والنوى والزيادات
ليه بعد غرف الطبايخ والمحاشى والباشميل
مابمناديل المطبخ ونساواى الحواف
الموضوع ده ملوش على فكرة علاقة بالفقر
وقلة الحاجة فكرى فى كلامى هتلاقى انك انتى
اللى مقصرة ومتقوليش جوزى مبياخدش بالو
اهم حاجة عنده كرشه لالالالالالا ياحلوة
هو بس مصدوم من اللى بيشوفه بس لكن خليه
كده يروح يتغدى عند صاحبه او حد قريبه هتيجى
تلاقيه يقولك مراته منظمة وعاملة كذا
ومقدمة الاكل شكله كذا صح ولا لا
جربى كده
واكيد هتفرق والله معكى شخصيا ومع جوزك
واولادك هتحسى بالثقة وهتبقى فخورة باكلك
وتقديمك وكمان هتعلمى جوزك
وعيالك النظام

نزف قلم معجب بهذا

شوية نصايح للمطبخ هتعجبكوا اوووي
👌👌👌👌
_ تبلي دقيق السمك بملح وفلفل وكمون
وشطة ونشا وبيكنج بودر وقبل القلي غطسيه
في ميه بسرعه عشان يطلع دهبى ومقرمش
_ العيش الفينو قبل ماتعمليه سندوتشات شيلي
القلب واقطعي الحروف وحمصيهم واطحنيهم
ضيفي عليهم توم بودر وبصل بودر وبابريكا
وملح وفلفل ونشا وبيكنج بودر
للبانيه والفراخ المقرمشة
_ الباذنجان المخلل ضيفي نعناع ناشف مع
التوم بيدى طعم جميل
_ البشاميل ضيفي جبنه مثلثات او كريمي وقشطة
وجبن رومي مبشورة و٣ ملاعق مايونيز
وعلي الوش موتزريلا عشان يخلى المكرونة تطلع
جامدة
_ الملوخيه ملعقة سكر وشوية كاتشب او ملعقة
صلصة بتخليها مسكرة وزى العسل
_ ملعقة سكر في صلصة المكرونة عشان متعملش
حموضة
_ قشر الليمون في زيت قلي السمك
ميخليش فيه ريحه للسمك وانتى بتقليه
_ نقع البانيه في لبن قبل التتبيلة بيكون حلو

ومتشرب من اللبن
_ الشاورما اللحمة ضيفي لها قطعة ليه ضانى بتدى
ريحة وطعم جميل
_ البطاطس قبل ماتحمريها اسلقيها عشر دقائق
في ميه وملح بتقرمش ومش بتشرب زيت
_ قشر الليمون مش ترميه خليه عالحوض بعد
ماتغسلي المواعين ادعكي بيه ايديك بيشيل
السمار من صابون المواعين وبينعم الايد
_ رشة لبن بودرة علي وش البشاميل هتدى
لون حلو للمكرونة
_ محشي الكرنب سخني حته زبدة وقشطة وحطيه
عليه قبل ما يستوي عشان يبقى بيلمع
وطعمة جميل
_ ملعقة خل في الكيك بتخليها هشة وطرية
_ عسل في تتبيلة الفراخ المشوية بتدى طعم حلو
_ زبادي في تتبيلة البانيه بيخلية طرى
ومستوى كويس
_ البدنجان المحمر خليه وهو سخن واقفلي
عليه العلبه عشان يطلع طرى مش ناشف
_ ملعقة بيكنج بودر في شوربة اللي هتسقي بيها
الرقاق باللحمه هيبقي مقرمش ومورق
_ البطاطا المشوية واعمليها في الكيس الحراري
رشي عليها سكر وتدخليها الفرن هتستوى
اسرع وهتبقى حلوة
_ ادعكي الفراخ ببصلة وملح وفلفل قبل السلق
عشان يبقى ليها طعم وريحة ومتبقاش زفرة
_ لما تشربي القهوة مترميش التفل ده سكرب
هائل لبشرتك ادعكى بية وشك وايدك
_ اكياس الشاي مترميهاش سقعيها وحطيها

علي عينك للاجهاد والهالات السودا
_ الرز باللبن ضيفي كيس كريم شانتيه هيخلى
الطعم جامد وزى بتاع برة بالظبط
_ والبسبوسة لازم عسل ابيض او عسل تقيل
في العجن عشان تكون زى الجاهزة واحلى كمان
_ رشي دقيق علي بصل الكشري قبل التحمير
عشان يكون مقرمش
_ سفن اب او ميرندا الكيك بيخليها هشة
وجميلة
_ رشة زعتر علي صلصة المكرونة بتدى ريحة
حلو وطعم مميز
_ بيكنج بودر علي عجينة الكفته المشوية
ميخلهاش تكش وتكون منفوشة زى ما هى
_لفي الليمون في ورق جرائد عشان يحتفظ بلونة
وميعفنش
_ ملعقة بن وملعقة سكر لخلطة المحشي وابشري
الطماطم متعصريهاش في الخلاط لو بتحبية نى فى نى
مش متسبك بيخلى طعمة جميل
_ تشوح اللحم في الزبد وحبهان وورق لورا
قبل السلق نديها صدمة عشان يبقى لونة بنى
وجميل مش بيضة
_ الرز الابيض شوحي مستكة وحبهان في السمن
قبل الرزهيدى ريحة حلوة لرز
_لاحلي صلصة مكرونة اضربي مع الطماطم
توم وفلفل رومي وفلفل حامي
_ إدهني الفراخ والبط بكاتشب وملح وفلفل
وقرفة قبل ما تحطيها فى الفرن هيخليها
لونها حلو
_الحمام المحشي 30 دقيقة بعد غلي الميه لسلقة
الممبار 45 دقيقة لسلقة
الفراخ المحشية ساعة وربع
_ حشو الجلاش موتزريلا مع العصاج
_ الرز البسمتي اكشفي الغطا بعد ما يستوي
عشان يبقى مفلفل ميعجنش
_ وانتي بتقلي البانيه حطي ملعقة زبدة مع الزيت
هيبقي زي المطاعم

نزف قلم معجب بهذا

نصائح مهمة لكى حواء
علشان تحافظي على صحتك النفسية
والجسديه وتكونى دايما متألقة🌟
-حبي نفسك
(هاتجبري اللي حواليكي يحبوكي
لما يشوفوا حبك لنفسك وتقديرك ليها)
-اشربي حليب كتير ٢كوب يوميا اهتمي بالحليب
مش الرايب ولا الزبادي.. الحليييييب
-كلي تفاح وتمر كتير مفيد جدا لجسمك

وبشرتك 😍
-استخدمي واقي شمس من بدري بإنتظام علشان
تقي بشرتك من الشمس والتجاعيد وتصبغات
الجلد
-عالجي اي مشكله تظهرلك في بشرتك بدري
بدري ماتستنيش على المشكله لما تكبر خصوصا
التجاعيد والكلف
-العبي رياضه وامشي واتمشي
-تاني حبي نفسك اوي
-اتعطري خصوصا قبل النوم
(ماتخرجيش بالعطر)
-شغلي فواحة او مبخرة في غرفتك
اهتمي بترتيب غرفتك وديكورها بالديكور اللي
نفسيتك بترتاح فيه
-حافظي على الصلاة
-اهتمي بمكان صلاتك من تعطير وترتيب وديكور
-استمتعي وانتي بتاكلي الاكل اللي بتحبيه،
مش أكل والسلام
-اتفسحي اخر كل اسبوع وحوشي ولو شوية فكه
، فكه على فكه هايعملولك مبلغ كويس
كل فترة خصصيه لنفسك
-خصصي لنفسك يوميا ساعه تقعدي لوحدك
(ريلاكس)
حاولي لازم تلاقي وقت لنفسك 😍
-لو نفسك في. حاجه اشتريها مادام فعلا نفسك
فيها ومحتاجاها، ماتبخليش على نفسك!!!
-اهتمي بشعرك واعتني بيه مع قص اطرافه

مره كل ٣ شهور
-خدي فيتامين للجسم وللشعر
-اعملي شوبنج مره كل شهر حتى لو هتشتري
توكه جديده 😍
-اقري كتير فكل المجالات << 😃😖😖
ده هيثقفك وهيخليكي متسعه الأفق
-ماتسمحيش لحاجه ولا لحد يدايقك مع السلامه
او مش مع السلامه وات ايفر 😃
المهم انتي ونفسيتك👌💆🏻
اللي يدايقك ابعدي عنه اللي ينكد عليكي اقفلي
في وشه السكة، اللي يحبطك ويملا ودانك
طاقه سلبيه سدددددي ودانك واهربي 🏃🏻
-لو حاجه جت على مخك ودايقتك اقطعي
حبل افكارك وفكري فورااا في حاجه حلوة
-استخدمي كريم عنايه ليلي لبشرتك
-استخدمي مكياچ ماركة وجوه بيتك احنا
عاوزين إرضاء الله علشان حياتنا تكون
حلوه وتتظبط 💝
-اهتمي بترطيب ايديكي واعملي ليها دايما
اسكراب طبيعي علشان تفضل دايما منوره
-ماتكتريش في الاكل الغلط والمقليات، ماتمنعيش
نفسك، بس ماتكتريش خصوصا للي فوق الثلاثين
، توزيع الدهون بيتغير يعني اللي كنتي بتاكليه
زمان، فجأة هاتلاقيه هو نفسه بقى يزود وزنك
وخصوصا في النص السفلي من الجسم
-اشربي مايه كتير ٣ لتر يوميا الديتوكس
حلو على فكره
-تاني عالجي اي مشكلة بدري بدري
-حافظي على وزنك لاتزيدي ولاتقلي
-العبي رياضه العبي رياضه العبي رياضه حتى ولو
نص ساعه يوميا صحتك ورشاقتك مهمة 👍
-حبي العطور وحبي عطور البيت
-كان فيه بوست انتشر عن اشربي ينسون،
اه فعلا اعملي لنفسك خليط ينسون كراويه
شمر حلبه في حافظه واشربي منه مرتين يوميا
-الحلييييييب مهم 😖
-اعملي حمام زيت لشعرك عالاقل مره كل أسبوع
بيغذي الشعر ويخليه تحفه وناعم 😍
-اهتمي بنظافتك الشخصية سنانك جسمك
شعرك لبسك
-نامي كويس وخدي كفايتك من النوم
-حافظي على قيام الليل من دلوقتي علشان
لما يوصل سنك الخمسين تبقي اتعودتي عليه
-يوميا لازم لازم تلمسي مصحفك ولو عالاقل
آيه اوعي يوم يعدي من غير ماتقرئي ولو آيه
-استمتعي استمتعي ولو بأقل حاجه حتى لو مكعب شوكلت

-ودوري ليكي على هوايه تسلي بيها نفسك

-ماتكبريش ماتكبريش لا شكلا ولا نفسيا
ولا مضمونا، خليكي طفله وأنثى وحبي نفسك

ونوري ⭐☀🌙🌟💥😃

........ 🌸 🌸..

نزف قلم معجب بهذا

شوية بدائل كده على الماشى :

👇👇👇👇👇

1--الجبنه اللى نشفت فى الثلاجه أضربيها

فى الخلاط مع معلقة قشطه هاتبقى جبنه

كريمى "😀😀

2--قشر البرتقال نشفيه وأطحنيه وأستعمليه

فى كيكة البرتقال "😉😉

3--بواقى الكيك اللى نشف عندك مترمهوش

أفرميه وأعملى منه ترايفل بالشكولاته

"😍😍

4--بديل البهارات حمصى شوية كزبره ناشفه

مع كمون حصى وقرفه واطحنيهم جيدا

واستخدميهم😙😙

5--بديل الكريمه الحامضه نص علبة زبادى وضيفى

عليها تص علبة قشطه وهتدينا نفس

النتيجه😙😙

6--بديل الفانيليا فى الكيك ضعى معلقه صغيره

خل او معلقه صغيره قرفه بتقضى على الريحه

وتعطيها رائحه جميله "😀😀

7--بديل الاندومى سوى الشعيريه على النار

وبعد السوى ضعى لها مكعب مرقة دجاج وفلفل

اسود ناعم وكارى😍😍

8--بديل. تقطيع الخضروات الورقيه بالسكينه

استخدمى المقص أسهل واسرع"😀😀

9--بديل قلى السمبوسك ادهني وجهها بالقليل

من الزيت ورصيها على صنيه مدهونه

ودخليها الفرن😀😀

😙😙

نزف قلم معجب بهذا