ملامح عراقيه - - مايروقني ويروقكم من ابيات شعر عراقيه

خميت الوجوه اشكال
وبست كل العيون الناويه تشوفك

احمد الحلو معجب بهذا

مشتهي أحلم .. والگه دنيا بـ لون نيتي

احمد الحلو معجب بهذا

تعال ولا تظني عليك
چا هو الگلـب من نبضه يزعل
صدگني أبد ما همني الصار
ولا زهرة محبتك عندي تذبل
مو انه دفنتك حدر العيون
أشوفن بيك ساعه وبيك آندل
عذبني هواك ومرمر الروح
وآگـولنّ ما يهم هو يتدلل

وارفة البيان معجب بهذا

ليش تبچـي .... الناس أجو سألوني
جاوبتهم .... هذا حظ آعيوني
گالــــوا آضحك ...
عوف دمعك ...
حيل آضحك ...
خل نسمعك ...
توني أجيت اضحك .. واجو بچوني ؟؟

وارفة البيان معجب بهذا

على رموشك كحل ، من حزن ودموع

او على وركة خريفي افراح نديّت

ياعين التشيلك يا شمس آب

اشيلنّك جمر لو الك صديّت

فداك الراح كله ، او انذر الجاي

او عمت عينه اليكلك يوم ضحيّت

يا آخر ملاذ ابشحة الطيب

او بيت انته او فداك ايروح كل بيت

وارفة البيان معجب بهذا

حارس راح اصير ابشارعك مجبور
حتى اكدر اشوفك انه يوميه

وذا مر يوم بيه اوماشفيتك بيه
اباب البيت اشغلك احاديه

راح الناس تطلع وانت ويه الناس
ابهاي الحاله شفتك ميه بلميه

****
واذا الناس سالو عمي شنهي الصار
ابشارعكم شفت عمي حراميه

طبع جي كمت احبك ماانام الليل
وانت الليل كله اتنامه عاديه

سربيه احبك وانت ماحسيت
خلي احساس عندك حس ولك بيه

وارفة البيان معجب بهذا

ما اتعبگ هذه طارش شوكي اجاك
لملم الشوف اعله طولك
خاف عيني تعاشر بنادم وراك

احمد الحلو معجب بهذا

اليوم چي حلمان بيك
الدنيا حِلوة
وناسّها المتعوبة حِلوة
بيضة كُلش
ترفة كُلش
چنها أصابيع العروسة
اليوم حالف ياهو يتلگاني أبوسة

عريان السيد خلف

احمد الحلو معجب بهذا

بدا لوني يتغير هذا شي يكفي
بدا صوتي يتعثر وارتجف چفي

احبك مـا گدرت اخفي..

احمد الحلو معجب بهذا

لوهيج العشك لو لا يعشكون
ياعمري احبج ياحياتي
والبطران اصلا لايجي ايلوم
هذا اني احب امكسراتي
عندي الشوفه منك هاي الايام
تسوه اليوجعني اوعافياتي

وارفة البيان معجب بهذا