معنديش مشكلة انت عندك مشكلة؟فكر تانى .قلمى وفكرى وتصميمى

هلا هلا وياااا ويلكم



مداخلة//





حابة اشاركم فكرى وكمان سعادتى
لا مش هتجوز ولا حاجة قعدالكم ووياكم ههههه




كلنا متفقين إن الحياة ماتوقف عند أحد
وايضاً لا تتوقف عند عمر او زمن معين
اى نعم عمرنا له بداية ونهاية لكن اللى عالم به الخالق

مش المخلوق


لما اتسائلت عن عمرى كام سنة فى كرسي الاعتراف
وقتها ما قلت لان الحكاية كلها كنت عاوزة اقولها بطريقتى انا ووقتها ههه




اواخر الشهر اللى فات مش اواخره اوى ولكن بشوية ..اتممت الاربعين اللهم لك الحمد والشكر



اوووووو هههه مبسوطة جدا بوصولى للاربعين
ما عندى مشكلة مع العمر اطلاقاااااا
ولا مثل اللى بيخبو اعمارهم ده حتى الرجال استغرب انهم ما يقولو اعمارهم وكأن لو قال اربعين او فوق الاربعين نهاية لكل شىء هههه او جريمة او مرض من نوعاً ما او مهمه سرية على وجه الارض !!!هههههه


فعلا اضحك ..انا عكس هالافكار




العمر عندى ما هو الا ارقام فى اوراق رسمية

انت/ى اللى بتصنعى سنك وليس الزمن او القدر او الظروف
جميعهم مكتوب فكون انت/ى النتيجة

اذكر انى سبق رديت فى احدى المواضيع بالمقهى
بقلمى المتواضع على احدهم دون ذكر نيمات
ذكر فيها العمر اللى عدى وعلى امنية انه يرجع لفترة الشباب
فجاريته وكتبت هيهات اننا نرجع ..فرآيت انضمت احداهن وهى اخت صغيرة عنى سنا,, كبيرة فى عيونى لمحبتى لها وانى احبكم جميعا


وردت بما معناته عليا بأنى وصلت للكبر ! وبحلم انى اصغر تانى فى السن واكون شابة!!! هههه اصلا هى نسيت ان صاحب القلم يكتب فى كل حال وعلى اى حال او عندما يتاثر بكلمات ما يكتب



مثل الممثل الذى يبكى فى مشهد حزين مجبور عليه فيتذكر موقف حزين مر عليه فى حياته حتى يخرج المشهد باقناع.. طبعا ما رديت اكتفيت بالاعجاب
ومت ضحك لان لازم وانا بكتب شىء ابقى فاهمة اننا اقلام بتعبر وذات احساس ..
للعلم انا احب قلمها جدا


ولكن بدى اقول ان الحياة واعمارنا مراحل نمو وارتقاء
مش هنفضل بالعشرينات ولا دايما هنفضل صغار..ودا مش حاجة سيئة بالعكس



ولكن خلونى اقول ان وصولك اياً كنت من ذكر ام انثى الى سن الاربعين وفيما فوق
انت شخص مميز
فخر لك
مثلى انا فخورة بوصولى للاربعين وان اولادى رزقنى بيهم ربي ولله الحمد فى سن مبكر
وانا وهم الان من يرانى معاهم يقول اختهم الاكبر هههه اكيد بكون سعيدة ان سنى لم يظهر بعد
ده شىء كويس ان نتيجة فكرى عكست عليا شكلا ههه

الاربعين او ما فوق ليس نهاية الحياة او نهايات الاعمار بل هو بداية لكل شىء
هو اول الطريق

اقربها دليل
يقول المولى عز وجل في كتابه العزيز ( حتى إذا بلغ أشده وبلغ أربعين سنة قال ربي أوزعني أن أشكر نعمتك التي أنعمت على)... صدق الله العظيم ولله الحمد .. فهو سن رسول الله صلى الله عليه وسلم عندما بلغه المولى الرسالة.. وهو سن النضوج والخبرة والاكتمال
رسولنا الكريم صلوات الله عليه وسلم وقدوتنا الذى نفتخر ونقتدى به

نزل عليه الوحي وكان عمره 40 سنة والدليل على ذلك قول ابن عباس: ( أُنزل على رسول الله صلى الله عليه وسلم وهو ابن أربعين سنة)

واذا فيه اى كلام فى العمر غلط منى يتفضل اخونا اندبها ويصحح عليا اتقبل هذا
وارحب به ويا هلا



كان عمره عند نزول الوحي اربعين سنة
يعنى فى العمر ده هو كان بداية لطريق ومهمة وسيرة ممتدة والى الان احنا كمسلمين وكخلق الله مكملين للى كان بداية
يعنى كان مُكلف بداية لمشروع أمه اسلامية

فهمتو قصدى

عيشو سنكم اتمتعو به
لكل سن جمال وذوق وروح وسمات جميلة
افرحو ..استمتعو..تالقو.. اتعلمو كل جديد

انت ما كبرت على التعليم راح نتعلم طول ما فينا روح
واللى يقول فاتنى زواج او الحب ..ما فاتك شىء حبو عادى.. الحب مالوش سن
المتزوجون يمتنعون هههه
حب اسرتك بيتك اولادك
حبو اصدقائكم ..اهلكم..تأملو الحياة هتلقوها بشكل جديد وبعين تانية هتكتشفو اللى كان مخفى عنكم

فى النضوج فكر جديد ونظرتك لكل شىء واى شىء هتكون هى الوصول الصح

منذ سنوات قليلة تم اكتشاف أن الدماغ البشري لا يتوقف عن النمو في سن العشرين مثلما عرف العلماء والأطباء ولكنه ينمو لسن الأربعين وهو ما أسماه العلماء بـ الإعجاز القرآني حيث منطقة ( الناصية ) الموجودة أعلى ومقدمة الدماغ وهى المسئوله عن التفاعل مع المجتمع واتخاذ القرارات والتخطيط وتفهم الآخرين،

يعنى انت ما وصلت للاربعين الا بعد خبرات نقتدى بها
من وصل للاربعين ولحتى الستين او السبعين الله يمد بعمره
له كل الاحترام ونتعلم منه لانه النصيحة منه هى كانت فى يوم من الايام نتيجة لدرس تلقاه قبلنا من عمره ومن حياته
او من كثرة ما قابله او نتيجة لمن عرفهم

الحياة ..مرة واحدة
عيشها زى ما تحب
مادمت ما بتعملش شىء يغضب ربنا
فآهلا وسهلآ بيك/ى فى سن الاربعين
قولى بئا انت/ى لسه عندك مشكله بالسن ولسه خايف/ة تقولى سنك ؟


وهل بعد كل ده لسه ما فهمت انك فى بداية طريق وخوض امتحانات لمراجعتك طول السنين اللى فاتت من عمرك يعنى متقولش عجزت ولا احنا شباب القلب

طيب حتى لو شباب القلب خليك كمان شباب لجسدك وحافظ على صحتك ونفسيتك واعصابك
لسة المشوار قدامك فحافظ على نفسك

مودتى

اتمنى يعجبكم موضوعى

ووويا هلا


تحيااتى وتقديري لكل اللى بالوهج

نجمه ليل ووويا مرحب