طول ما انت عايش هتفضل تتعلم

" طول ما انت عايش هتفضل تتعلم "

هتتعلم إن مش كل حاجة حلوه لازم تدوم... هتتعلم إن في ناس هتكون مراحل في حياتك هتيجي لغرض يعلمه الله وهتمشي ..هتتعلم مين إللي تبكي على كتفه وهتتعلم إن سعات لازم تمسح دموعك بإيدك انت وبس..

هتتعلم تحب وهتتعلم تفارق وتفقد جزء من روحك وتكمل.. هتتعلم من الناس إللي جرحتك وخذلتك وهتتعلم من إللي إنت جرحتهم..وهتشوف الدنيا وهي بتدور وتعلمك إن الشيء الوحيد الأكيد إن مفيش حال بيدوم..

هتتعلم يعني إيه ثقة ويعني إيه جدعنه واصول والدروس دي هتتعلمها من الخاين والندل وقليل الاصل قبل الصاحب الجدع ابن الاصول.. هتتعلم إنك تعيش بشوية تشوهات جوا نفسك بس عادي ،مش عادي !! كله خير..

هتتعلم إنك لسه قدامك كتير ولازم تفضل تربي نفسك..وكل ما تتعلم ، هتدرك إنك أمام علم الله قليل جدًا..

هتتعلم إن في ناس في حياتك مينفعش تسيبها لازم تتبت فيهم بإيدك وسنانك علشان الناس دي مبتتعوضش..وهتتعلم إنك سعات لازم تفتح الطريق للي عايز يمشي..وإنت قلبك راضي وماشي في سكتك..

ومن أكبر الحاجات الي لازم تتعلمها إنك تسامح نفسك وتسامح إللي حواليك..وتتعلم إن أكبر كنز لك هي أعمالك الخالصة لله..وإن كان اتكتب عليك تعافر..ف ربنا يكتب لك إنك تعافر في السكة الصح ومع الناس الصح وعلشان الهدف الصح !!

"دمتم بتتعلموا "
مش مقصودة بس عجبني البوست لنتعلم من الحياة....

✨️✨️✨️✨️✨️

مما قرأت

المواضيع المتشابهه:

• كيف تتعلم الهدوء..
• حاول ان تتعلم لكى لاتتألم
• ..{ عايش لكن لا نيب حي ولا ميت }..
• كيف تتعلم فن الحوار

روح الأمل ,ريماس ,همس المطر و 1 آخرون معجبون بهذا

انسان و ملاك

اميرة الحب

موضوع مميز ورائع

تسلم ايدك

خالص الود والشكر

همس المطر ,اميرة الحب معجبون بهذا

سامح
اسعدني مرورك العذب
أجمل وأرق التحآيا لك

همس المطر معجب بهذا

أحسنتِ غاليتي وبارك الله فيكِ..
يعطيك العافية لإدراجك القيم..
لروحك سعادة لا تنتهي..

همس
اسعدني مرورك العذب
أجمل وأرق التحآيا لك

لجهودك باقات من الشكر والتقدير
تحياتي والورد

سلمتِ على طرحك الجميل..
ويعطيك العافية على المجهود المبذول..
وبنتظار قادمكك بكل شوق ..
دمت ب سعععآده ../

يعطيك العافية اميرتنا لا عدمنا جديدك

الجوري
ريماس
روح الأمل
اسعدني مروركم العذب
أجمل وأرق التحآيا لكم