ملامح عراقيه - - مايروقني ويروقكم من ابيات شعر عراقيه

بايعني برخُص وتريدني أرجعلك؟
أنت الرحت وهسة تريدني اوگفلك!
ما نرجع بعد لو آية تنزل بيك
خلي الغرب توگفلك .

احمد الحلو معجب بهذا

انه شوك اليتعب وما يستراح
شمعه ضلت للصبح معلوكه
وشوكي لو يمطر على البر والسفاح
ينبع ابين النخل وعروكه

احمد الحلو معجب بهذا

سولفَن عنّك أميرات الفخاتي گالن
النگار بالزعرور ما يشبه حلاتك
چا بعَد روحِي شحلاتك

مظفر النواب

احمد الحلو معجب بهذا

ماشيني عله گد عقلي
گول صغير يحبني
وأحچي بأسمي يم الناس
أحبك من تسولفني

احمد الحلو معجب بهذا

عيني على سكة بريدك
بلكي تركضلي رسالة تصيح اريدك
ريدني ليا حد اضل كل صفنة اريدك
يا حلم مر بطريق الليل
محد شافه غيري وما حجيتك
اشتهيتك فرحة يل مريت دمعة
تلاوي بجفوني وبجيتك
ما اريدك
بس شكو بروحي يريدك !

وارفة البيان معجب بهذا

المك بالحلم والواقع يطشرك
ما عندك عذر
بس كلبي اليعذرك
اربحك طيف كل الليل
وعيوني الصبح كل مطلع تخسرك
واصبر والصبر يبعدني خطوة شوك
واسألني
على جمر العمر من تمشي شيصبرك
وابطل انتظر
والكاني منتظرك !

وارفة البيان معجب بهذا

جيبلي انسان مثلك ماكو مثله
شما اشوفه يصير احله
جيبلي اليكدر يسوي الليل لو سولفنه لحظة
حتى ارضه
وما اشوف الناس اجملهم نحاس
وانت تيجان الذهب وانهار فضة !!

وارفة البيان معجب بهذا

تسكت الدنيا اذا انته اجيت
وترتفع حيطان تحبسنه سوه
ويطفه كلشي ويختفي ويهبط ظلام
والتفت ماشوف بس وجهك ضوه !

وارفة البيان معجب بهذا

ذكـرت بيـوتنـه البيهـن ربـينـه
تذكـرت الغوالي ولمـت الاحباب
وذكرت شكد كعدنه شكد حجينه
بجيت دموع حد ما جفت العين
سواد العين بجفاكم بجينه
حاولنه نسلي الروح بأشكال
لكن والله ما لحضه نسينه
صحت صيحه چبيره هواي مشتاااااااااك
صار هواي والله مفارگينه
ودعيت الباري بلكي تعود الايام
يربي شكثر صلينه ودعينه
ماريدن اموت بديره الاغراب
وچثيره احباب ماتگدر تجينه!

ضميني رسالة شوگ
مابين الغراض الحابهن گلبچ
ولميني بصابيعچ مثل لمة خصل شَعرچ
داريني ترى أستاهل
صار هواي مامرتاح من جنت بعمر جاهل!