ملامح عراقيه - - مايروقني ويروقكم من ابيات شعر عراقيه

محبتنه جذب مو كالو تموت

ولتصدّكهم الكالو لك نسيتك

لأن أنت شراكة بالنّفس ويّاي

وما أتنفّس أني بغير ريتــــك

تدري أنت شكثر بيك أنّي محظوظ

وأحسّ بختي كعد لمن لكيتك

وإذا فكّرت أعوفك وأنسى ذكراك

ياخذني الكلب كوّة على بيتك

حجولي شكد عليك وكلت عذال

عاندت الحجو عنّك وجيتــــــك

كالو صعب دربه يتعبك هواي

ورغم هذا التّعب كله اعتنيتك

كالو بس أذيه وعوفه وأرتاح

عفت الرّاحة أنا وميّت آب أذيتك

وارفة البيان معجب بهذا

من زمن ما به أحباب

أنّه بخير شكراً، من سألت الحال؟

لتكرّر بعد ما بيه حيل ذنوب

يمكن جذبت لمّن كلت أنساك

مو يمكن

أكيد الشّوك بينه وماكدرنه نتوب

كتبت اسمك بورقه واشمرتها أبير

كلّي شبيك خايب ما تخاف الحوب؟

خايف حوبتك؟! لاوالله مو بس خوف

أنا بفكرت وداعك عقلي طب حروب

وي كلبي تعارك وخسرت الثّنين

هذا المايريد، وهذا بيك يذوب

وك عليمن جاي تسأل عن الأحوال؟

وتهيّج المواجع والأشواك تلوب

خليني بمكاني من بعيد أهواك

وإذا يهتزّ حنيني بوجهي سدّ البوب

وارفة البيان معجب بهذا

• تزعل ليش غالي و كلشي عندي
• وما اهدك دووم غالي
• وهسه حبك جيف صرت غالي
• احسك تختلف عن كل الناس بعيوني
• اشوفك عل نجم عالي
• واشوفن دمعتك ما جنها تنزل
• ماي ذهب تنزل دمعتك تجدح اتلالي
• الك بستان عمري بكل ثمن مزروع
• راضي بكلشي منك كلشي يحلالي
• اجيك ومن ارد فارغ ارد للغير
• وعنب بس اعله مودك تارس اسلالي
• يمك انسه روحي و من اكون وياك
• وعلى فنجان شفتك تركع ادلالي
• الواشي بلا بخت مرني
• وزعلك اموت انه ولا يوم اجرحنك
• وزعلك حلو كلك على بعضك
• وزعلك بحلاتك فدوة بس ارضى عليه

وارفة البيان معجب بهذا

الطيور الشايله زخة مطر
والحنين بقلب مغرم
مثل ضفه
تكسرت عبراتها ابوح العطر
لا تروح
هنا عفت جلماتنا
والحروف احساس
والراحه سطر
يالي شفت عيوني بيتك
لا تصدك خونيتك
ماجفت بغدادها ثالث نهر
صعد دمي
توسط عيوني ويحاجي
السوالف شابكت حر البواجي
من القلق
من حنين الروح
من ذاك السهر
لا تروح
تخلي روحي بليا روح
تفرح الشمات زحمه
يالي وجهك مثل رحمه
ونزلت تحلي العمر
ولا تظن المطرب المجروح غنى
الا من كبر المحنه
نجم و تعلكت روحه وي كمر
لا تروح بدرب وحدك
اخذ ايدي
خلي ليل الشوق يصحى
وينتهي حزنه مع طلعة فجر

قلم وارف وريشة احمد

احمد الحلو معجب بهذا

حاسبينك مثل رمش عيونّه
بعشرتك لينه
معاهدينك وانته كل العمر
وأيامه وسنينه
وداعتك ذاك انت غالي
حبيب وسلوة حچينه
حاسبينك
,,,,,,,,,,
انته روحي
وروحي جم حب تدري بيهه
حبها للكاع وغرزها
ومايها ومن مشى عليها
وانت علمت الشفايف
باالغنا تصوغ القلايد
وانت خليت السوالف
نابعه بروحي قصايد
انت شماتدور الدنيا انت
الماي مابدل اوصافه
دوا لروحي مثل
نسمة صيف يالكلك ترافة
عاشقين احنا وهوينا
مثل ماردنا لقينا
وداعتك ذاك انت غالي
حبيب وسلوة حجينا
حاسبينك انت كل
العمر وايامه وسنينه
,,,,,,,,,,,
من هويتك لمت روحي
الما هوت بسنين صغري
من لقيتك روحي صارت
نذر للاهل الهوى العذري
ياغرامك مثل طعمه
روحي ماشافت سعاده
الدنيا حد الشوف حلوه
والقلب ينثر وداده
عيونكم تبرالي نجمه
تدور بيه شما تريد
طافت بروحي حنان
وقرّبت مني البعيد
الدنيا حلوه ,, الناس حلوه
والوطن باسم سعيد
عاشكَين احنه وهوينه
ومثل ماردنه لكينه
وحاسبينك

احمد الحلو معجب بهذا

الليل يبدي و ابدي ادور الشككتهن
حته جلماته التغثني استاحشتهن

احمد الحلو معجب بهذا

صار الليل
كلش مو حلو الليل
بعد ما چان وياك شحلاته

احمد الحلو معجب بهذا

رد اكلك اني احبك استحي اشلون اني اكول
اني طبعي مو جرئ بارد وكلش خجووووول
خاف اكلك اني احبك وتكلي انت عجوووووول
خاف اضمهه وتبقى حسره وحسرة بكليبي تطول
وهسه بعد العشره كلهه انت تسمحلي اكول
اني احبك والله احبك ومنك اترجه القبول
وهسه بس محتاج ردك هيه مو هيج الاصول !

وارفة البيان معجب بهذا

انت بالنسبه الي تدري شتكون
مثل هيج بداخلي مالك شريك
انت بس غمض عيونك انه اكون
و بس تفتحهن ضوه العينك اجيك
انت بعيوني ثمر صعب المنال
و عيني خيط من الشمس و التف عليك
لا تغثك باول ابياتي شحجيت
شاعر مسودن شعر ظل يحجي بيك

وارفة البيان معجب بهذا

كالو مرتبك حقهم ميدرون
ارجف لان من فركاك موجوع
الالم لبصدري لو بالميت ايصير
اليمر من كبره يسمع جثته اتلوع
ملكاي وشهر تموز خوان
وقميصي المن ثلج بس البسه ايموع
وحكك لو تمر من شدة الشوك
اذا ميجوي زندك زندي مرجوع
ترى وجه اليفارك مثلك ايصير
مثل وجه الطفل لمرافكه الجوع

وارفة البيان معجب بهذا