أحمد وساره

السلام عليكم
قصه خياله ماهي من الواقع
كتبتها كأول تجربه لي في كتابة القصص والحكايه قلت خلني أطور شوي
من ثقافتي هي كبدايه أن شاءالله تعجبكم وأنا أتقبل منكم النقد والأعراض


أحمد وساره....
أحمد وساره عيال عم أعمارهم متقاربه لبعض حبو بعض من الصغر كانو يلعبون مع بعض أيام الصغر حبها من كل قلبه وهي حبته من كل قلبها وكل يوم كان يقول لها أنتي لي ياساره وأنا لك والله لايفرق بيني وبينك....مرت الأيام والشهور والسنين كبر أحمد وكبرت ساره وحبهم باقي
تواعدو على الزواج
وكان بينهم أتصالات كثيره ورسايل...
زاد حب أحمد لساره كثير وهي تعلقت فيه بزياده وأكثر
أحمد ماعمره نسى ساره دايم وهي على باله ويفكر فيها
وهي نفس الوضع على بالها
تفكر فيه أكثر وزياده
أحمد مثقف يحب القراءه والكتابه وهو شاعر يكتب الشعر
بكل أنواعه ولكنه مقل بالكتابه
ويحب البر
ومن قصايده في البريقول..
البر هواي وياحلو مقناصه
مالي مكان غير البر وشعبانه
أتبع الظبي ونظرتي لها قصاصه
والعين على شبة النار سهرانه
وفي الغزل يقول
وينك ياريش العين لك مشتاق
أبيك وطال أنتظاري أبي شوفك
أيام بيننا صارت هجر وفراق
ياللي ماشفت أنامثل وصوفك
متى الليالي تجمعنابضم وعناق
ومتى تسمح لي حبيبي ظروفك
ساره بعد هي تحب القراءه والكتابه
وترسل لأحمد كثير من القصايد الغزليه لكبار الشعار
وأحمد يكتب ويرسل لها ومن قصائده اللي يقول فيها
سلام ياروح قلبي سلام
ياللي وجودك بالقلب حاضر
أشتقت وكلي لقلبك غرام
ولشوفتك ولله لي خاطر
ومن قصائده اللي يقول فيها....
أنا عمري لك
ولوتبي عمري فداك
وأنا مشتاق لك
وكلي أنا ولله هواك
أنت الوحيد اللي غليتك
وأنت الغرام اللي حبيتك
أموت فيك ولله موت
ياللي على الكل تمنيتك
أنتي الحب الأكيد
وأنتي لي عشقٍ مايبيد
ياعالم حبي الجديد
وعنك أنا ماني بعيد
أنتي ولله ياعمري غير
وقلبك لغيري مابيه يصير
وأنتي الأول والأخير
ومني قلبك مابيه يطير
جلس أحمد مع نفسه وأخذ يفكرويقول لامتى وأنا جالس بلا زواج لازم أكلم الوالد والوالده الحين الوقت متأخر من الليل قال في نفسه أصحى وباكر أمرهم وسولف معهم ان شاء الله نام أحمد وصحى في اليوم الثاني راح لبيت أهله وجلس مع أمه وأبوه وسولف معهم عن أمور الزواج قال لأبوه طال عمرك أنا أبي أتزوج قال أبوه أخيراً ولله الف مبروك ومنهي العروس وأنا أبوك قال ساره بنت عمي أتفقت أنا وياها على الزواج قال أبوه على بركة الله شوف متى تبي تخطبها وقلي على شان أمك والبنات يروحو يخطبونها لك قال أحمد أبشر يابوي.....
كلمت أم أحمد أم ساره وقالت يام ساره ترى جايينكم خطاب لساره قالت أم ساره حياكم الله في أي وقت البنت بنتكم
تمت الخطبه والكل فرح
رغم بعض الأقارب حاولو بالتفريق بين أحمد وساره وعدت الأمور لمجاريها على خير وأنتهى الخلاف بين الأقارب وتم الزواج وأحتفلو الأهل والأقارب وكل اللي يعرفونهم في زواج أحمد وساره وأنتهى الزواج بالفرح والمسرات ولم يتغير عليهم شي عاشو حياتهم في سعاده ورغد وهناورغد...

والسلام عليكم ورحمة الله وبركاته
وإلى قصةٍ أخرا

أتمنى أن تكون قصتي خفيفه عليكم
كتبتها وهي محاوله مني كانت أطول من كذا وشلت منها كثير