~{فعاليات منتديات وهج الذكرى}~ | |
|
|
|
أدوات الموضوع | انواع عرض الموضوع |
#1
|
||||||||||||||
|
||||||||||||||
كميات مرعبة
** مرعبة كمية الأشخاص اللي بتخسرهم وبخسروك كل ما مشيت الأيام لقدام شوي، مش زعل مراهقين ولا مشاعر عابرة ولا كلمتين حلوين وبمشي الحال وبترضى وبترجع زي قبل
- للاسف خسارة حقيقة وفقد أبدي، حتى إنها نقطة وسطر جديد . ** مرعبة كمية الفرص الي بتعطيها لأي علاقة بالعالم ع أمل انو المرحلة القادمة تكون أفضل ويتغير الحال للاحسن ! وبتنسى إنك بس بتعطي لحالك جرعات مخدرة بعد ما يروح اثرها بتفاقم الألم أضعاف . ** مرعبة كميات المرات الي بتتراجع فيها عن قرارك عشان شغلات إنت أضعف من إنك تتركها، بالنهاية هي الشغلات نفسها هي السبب الي بدفعك بإتجاه هالقرار اصلاً، بس دايماً في مرة أخيرة لكل اشي وهذا مطمئن نوعاً ما . ** مرعبة كمية الأشخاص الي بتفكر إنو بسببهم رح تكون المرحلة القادمة أجمل مرحلة بحياتك، وعلى عكس كل التوقعات بتجري الأحداث وبتعلق علقة لا بتقدر تطلع منها ولا بتقدر تكمل فيها . ** مرعبة كمية القرارات الي بتاخدها بحياتك ع أمل إنو كل اشي أكثر استقرار وأكثر أبدية وأكثر سعادة، وبسبب هالقرارات بالذات بتضيع وبتفقد كلشي ! وبترجع لنقطة الصفر وبتبلش من أول وجديد ** مرعبة كمية المحاولات الي بتنبذلها عشان ما نخسر علاقة صداقة او قرابة او اي نوع، وكل محاولة بتضاعف نسبة الخسارة اكثر! وبتخليك تبعد شوي زيادة ** مرعبة كمية الجُمل والكلمات الي بتنحكي بوقت - احنا مش تماما رايقين فيه ومش بإحسن حالاتنا - لانو بعدها في ندم هائل بسيطر ع الحياة كلها ** مرعبة كمية المرات الي بتحاول تروض فيها قلبك ! وبتفشل مع معرفتنا المسبقة انو القلوب اعضاء عنيدة جداً ، بس ما تستهين بالتكرار المواضيع المتشابهه: |
كاتب الموضوع | همس المطر | مشاركات | 12 | المشاهدات | 181 | | | | انشر الموضوع |
(عرض التفاصيل) عدد الأعضاء الذين شاهدوا الموضوع : 7 (إعادة تعين) | |
, , , , , , |
|
|