والحل !!

ساعات بيبقى كل ذنبك إنك اتحمّلت وجيت على نفسك كتير اوي .. ساعات بيكون كل جريمتك إنك صبرت أكتر من اللازم
على حاجات كانت محتاجة منك حسم للأمور مش هروب !!
ساعات بتبقى غلطتك الوحيدة إن عقلك كبير و بتعدّي المواقف !!
في حين إن كان ممكن تحس براحة أكتر لو كنت عاندت و ثورت و قاومت ..
الحقيقة إنك كان لازم تصرخ و تعترض و تكسّر و ترفض أي نوع من الضغوط عليك
أو على حساب راحتك !!
والحل !!
انت مش مُطالب إنك تجيب آخرك في طاقتك مع الدُنيا
الأزمات عُمرها ما بتخلص ولا المؤذيين و المُختلين أخلاقيا و شعورياً هيخلصوا من حواليك !!
مفيش داعي إنك تتحمّل فوق طاقتك .. "لا يُكلّف الله نفساً إلاَّ وسعها "
ف ما بالك انت بتكلف نفسك عبء علاقات مريضة ومؤذيه و كأنك بتدمن الفشل والحُزن !!
العُمر بيجري بيك يا تلحق تعيشه بالشكل اللى يرضيك و يسعدك ...أو تعيشه في المرار و الصبر
على الناس اللى بتشلّ حركة يومك و حاضرك و مُستقبلك !!
/
\
انتهى