| ~{فعاليات منتديات وهج الذكرى}~ | |
|
|
|
|
|
|||||||
| وهج السفر والسياحة العالم بين يديك |
 |
|
|
|
أدوات الموضوع | انواع عرض الموضوع |
|
#1
04-17-2013
|
||||||||||||||
|
||||||||||||||
حين يطرق الحب الالكتروني بابك
♥.. الحب الإلكتروني ..♥  مع تطور التكنولجيا الحديثة وكثرة إستخدام النت ظهر نوع جديد من أنواع الحب ممكن نسميه الحب الإلكتروني  فنلاقي مشكلة أن عرفت واحد من الشات والثانية تقول عرفته من الفيس والثالثة من منتدى والرابعة أتعلقت من خلال أسلوب كتابته وأفكاره ..وعن أغلب المشاكل اللى كانت بتجيلنا عن النت هيكون ده موضوعنا النهاردة  نلاقي واحده بتقوووول اقتباس: أنا تعرفت على واحد من الشات أنا عارفة إنه غلط بس كلامنا كان بيزيد يوميا واتكلمنا في التليفون مرات وطلب يشوفني بس أنا خايفة وفي الوقت نفسه مش هقدر مكلموش ومش عاوزة أزعله لإنه إنسان كويس ونفسي ارتبط بيه أعمل إيه ؟ ووحده ثانية بتقووووووول اقتباس: أنا اتعرفت على واحد بس أحنا كنا بنتكلم عادي في أمور عادية زى الحياة والسياسة كلام عادي جدا اقتباس: بس بدأت أحس إننا متفاهمين وبدأت أحس إني بحبه هو عاوز يتقدملي بس أنا خايفة ومش عارفة هقول لأهلي إيه ؟ إيه رأيكم ؟ ووحده ثالثة بتقووووول اقتباس: أنا أشتركت في منتدى وكنت محافظة في كلامي اقتباس: ولكن مع الوقت حسيت إن في عضو معين مهتم بيا وأنا معجبة بردوده وكتاباته وحاسه إنه شخص ملتزم وفيه الصفات الى بتمناها مش عارفة أعمل إيه ولا اتصرف إزاي ؟ ووحده رابعة بتقووووووووول اقتباس: أنا مشتركة فى منتدى طلابي اقتباس: المشكلة إن بدأت أتعلق بزميل معين ف دفعتي من كتر كلامنا على النت ، أنا عارفة شكله ومتكلمناش خالص في الكلية بس بنتكلم اقتباس: من خلال المنتدى مش عارفة هو إيه الفرق بين حدود الإختلاط في الواقع والنت ؟ للأسف مشاكل كثير جداً ومتكررة جداً - ومتشابهة لأقصى درجة - وبرغم كده لسه البنات بتصدق ! ولسه بتنخدع بنفس الطريقة ! وبتقع في نفس الأخطاء بظنها إن الشخص ده مختلف وإنها بكده ممكن تتجوز ! طب نبدأ نتكلم بالعقل ... عالم النت عالم الكذب فيه أسهل وتغير الحقايق في منتهى البساطة فعالم النت بيدخله الكويس والوحش وصعب جداً تميزي أو تحكمي على الأشخاص من ورا الشاشة ..! فالسؤال الأول : إزاي تثقي في واحد متعرفيهوش ؟؟! وممكن يكون حد يعرفك أو واحدة صحبتك بتعمل فيكي مقلب سخيف ! واحد ممكن يقول نفس الكلام لعشرات البنات في نفس الوقت ويقنع كل واحدة إنها الأولى والأخيرة في حياته ! واحد ممكن يحط أى صورة غير صورته و ممكن يبقى له أي اسم وأي وظيفة وأي طموحات وأي أراء وأي شخصية يحبها في الوقت الي يحبه مع الشخص الي عاوزه ! واحد ممكن يكون خبرة وبيعرف يدخل لكل واحدة من مدخلها فالمؤدبة هيعرف يعتذرلها ويفهمها إنه معجب بأدبها وأخيرا لقى الإنسانة الى بيدور عليها والي بتميل للتدين هيفهمها إنه حاسس بتأنيب الضمير عشان بيعمل حاجة حرام وأخيرا لقى الإنسانة الى تاخد بأيده للإلتزام والي يأتمنها على بيته والمثقفة يدخلها من مجال النقاشات والحياة العامة والرومانسية ليها طريقة والحساسة ليها طريقة وهكذا ........ وفي النهاية هيوصل مع كل واحدة لآخرها..!  وواحد وارد يكون شخص سيء جداً ويستغلك بشكل أسوء مما تتخيلي والقصص مؤلمة ومؤسفة لبنات راحت ضحايا لمحترفي نت ! مرة ياخد موبايل والدها أو إيميله عشان يتقدم لها وبعدين يهددها لو معملتش كل الى هو عاوزه بإنه هيبعت لوالدها تسجيلات المكالمات الي بينهم أو صورة من كلامهم على الشات أو صورها أو مكالمة فيديو بينهم ! ولكم أن تتخيلوا بعد كده بيستغلها إزاي ؟!! ومرة يركب على صورتها صور مخلة بالفوتوشوب وينشرها ومرة يستدرجها باسم الحب وإنه هيتقدم لها الأول رقم التليفون وبعدين مقابلة فى مكان عام وبعد ما تكون بقت بتحبه وبتثق فيه ومنتظرة الزواج منه بيبقى سهل تضعف وتوافق على أكثر ! مش بنهول الصورة لكن مش عاوزين نتجاهل الواقع والأمثلة المؤسفة دي بقت كثير وبقت تخوف وصعب تفرقي وأوعي تعتمدي على أحساسك لإن غالباً الاحساس بيخون ! دايما لما واحد بيتنصب عليه يقول على النصاب انا مكنتش اتصور كده منه ابدا لا شكله محترم جدا وكلامه مرتب جدا ففعلا الإحساس ممكن يخدع وبنات كثير ممكن تتعرض لمواقف مشابهه ولما تسأليها عملتى كده ليه تقول أصله كان مقنع جداً وكلامه يدل إنه صادق وانا حسيت بكده ! والسؤال الثاني : بفرض إنه إنسان كويس تفكري فكرة الزواج ممكنة ؟؟ البداية غلط وحرام ** يعني مش هتقدري تقولي للناس إنك عرفتيه عن طريق النت ، ** وهتبقى إيه نظرة أهله ليكي لو عرفوا إنكم معرفة نت ! ** ولو هتكذبوا هتصححوا الخطأ بخطأ تاني !! وبردو مسيرهم هيعرفوا هو نفسه هيخوض صراع داخلي حتى لو مبينش ليكى عشان ياخد الخطوة دي وممكن ميعرفش ياخدها ولو خدها ** تفتكري هيبقى مطمن وواثق فيكى وأنتى قاعدة على النت وهو فى الشغل ! ** تفتكرى أنتى مش هتشكي لو لقتيه متغير وبيقعد على الجهاز من غير ما تعرفى بيعمل إيه ؟ ** تفتكري مش ممكن في يوم في وقت غضب أو مشكلة يقول كلام يجرحك عن الطريقة الى عرفك بيها ؟ ** طب ينفع واحدة تتزوج شخص و هو يبقى ماسك عليها زلة إنها مخبية على أهلها إنها عرفته إزاى ؟؟؟ ده غير إن النت حاجة والواقع حاجة تانية ده أنتى ممكن يكون عندك واحدة صحبتك بترتاحي لها على النت وترغي معاها فى التليفون لكن لما بتشوفيها بتحسي إنها غريبة عنك ! وإنك مش عارفة تخدى عليها ! شخص لا تعرفينه إزاي تفكري ترتبطي بيه؟ الزواج ممكن يكون نعمة وممكن يكون نقمة والأمثلة كثير أنتي بتختاري شخص تكملي معاه حياتك وهيكون له القوامة عليكي فلازم يكون على دين وخلق وعلى قدر كبير من تحمل المسئولية والسؤال الأخير هتستفيدي إيه ؟!! شوفي هتخسري إيه وصدقيني مش هتكسبي حاجة ! 1-بتوهمي نفسك بسعاة مؤقتة 2-بتعذبيها بالتفكير والتعب ياترى إيه هيحصل ولو فكر يرتبط هتدخلى فى دوامة مشاكل ولو بيتسلى مشاكل تانية ولو سابك هتتألمي ! 3-بتاخدي ذنوب أنتي في غنى عنها وبتغضبي ربنا الي كل أمرك وسعادتك وقلوب الخلق كلها في أيده 4-وفي النهاية مش هتاخدي أكثر من الي ربنا كتبه 5-وهتتحاسبي على ذنوبك في الدنيا وكمان في الأخرة ... يبقى ليه تعملي في نفسك كده !! ممكن تواصلك مع شباب بإحترام فى أمور عامة متقبل عند بعض الناس ولكن ديننا بيقفل علينا أبواب الذنوب ويحرم المقدمات وهذا من رحمة ربنا بنا >>>ومش هنروح بعيد لو مرينا على قسم سرك في بير هنلاقي عدد كبير من المشاكل كلها بدأت بكلام بمنتهى الإحترام وفى حدود الأدب ثم تحولت إلى مشاكل وكوارث حقيقية فالوقاية خير من العلاج خليكى فى حدود الضوابط الشرعية فالكلام على النت جائز بشروط منها ** ميكونش في خلوة يعني الكلام يكون في موضوع عام بيراه الجميع فمينفعش يكون في رسائل خاصة ولا تواصل بالإيميل ** يكون الكلام في إطار الحدود الشرعية : يعني ميكونش في خضوع بالقول من تهريج ووجوه تعبيرية ولا كلام في أمور قد تجلب الألفة أو تفتح باب للفتنة بين الطرفين **ويكون الكلام لحاجة ويرجي منه منفعة دينية أو دنيوية ويكون برضوا بحدود :يعني ميكونش كلام زي مواضيع التعارف والدردشة ومواضيع المزاح والنكت والمواضيع الى بتناقش أمور تتعلق بإختيار شريك الحياة وغيرها ولا يوجد به مخالفة شرعية من صور أو تجاوز في الكلام ** وميكونش الجو العام فيه فتنة يعني ممكن واحدة تكون محققة الكلام ده وبتتكلم في حدود ولا ترد إلا على المواضيع الهادفة وبترد بإحترام لكن الجو العام فيه فتنة وفي مواضيع تهريج وإختلاط ودردشة فبرغم إنها مبتشاركش لازم تبعد عن المكان ده ** وكمان بلاش الله يكرمك الدعاء الزائد بين الجنسين : حتي لو كنتي في منتدي ديني ليه لإن هذا بيفتح باب للفتن يعني بلاش جزاك الله خيرا اخوانا الفاضل والله استفدت منك جداا بجد كلامك رووووعة وبلاش جزاكم الله خير وبارك فيكم ونفع بكم واحسن إليكم وجعل الجنة مثوانا ومثواكم وتكتبي قصيدة دعاء للأخ يكفي جزاكم الله خيرا وفقط ليه لإنك متعرفيش قلوب الآخرين فيها إيه ممكن يكون الأخ ملتزم والحمد الله والأخت كذلك لكن يفتن بهذا الدعاء الزائد فلنحافظ علي قلوبنا وقلوبهم وبردوا بلاش حتة الدخول في حوارات مع الإخوة يعني لو فتحنا موضوع وبيرد فيه إخوة واخوات نلاقي اخوات وخده اقتباس من كلام الأخ وعملا تناقش الأخ و ليه ومش ليه آه ممكن تردي لكن لو تتطلب الأمر ذلك يعني لو الأمر مثلا واقف علي ردك وبحدووووووووود وجطي تحت كلمة حدووووود كذا خط ليه ؟لإن الجو نفسه هيأثر فيها في البداية هتبقى مستنكرة الوضع وبعد شوية هتتعود عليه وبعدها هتشارك بتحفظ وبعدها هتلاقيها بقت جزء من الوضع نفسه ! موضوع المنتديات الطلابية والفرق بين الاختلاط على النت و الواقع ؟؟ في الضوابط العامة الى قلناها دي مفيش فرق لكن الفرق بين التجمعات الطلابية على النت والواقع إنك ممكن تشاركي بالضوابط الي قلناها في منتدى طلابي لكن في الواقع صعب لأسباب منها : *إن فى النت الكلام من وراء حجاب * وفى النت بتتعاملي غالبا مع شخصيات مبهمة لا تعلمي سنها ولا شكلها ولا دراستها ولا ظروفها * وفي النت وسيلة التواصل هى الكلمات فقط فطالما الكلمات منضبطة بالضوابط الشرعية هنقفل باب الفتنة غير أرض الواقع التواصل صوت وتعبير وكلمات ومواقف ......الى أخره فكلامك على الانترنت بالضوابط الشرعية جائز لإنك لحد كبير بتتعاملي مع أشخاص مبهمين فمفيش ما يجعل فى عقلك تصور ولا في قلبك تعلق بشخص أما لو حدث تهاون أو تفريط في حفظ مداخل القلب بيقع الاشكال! زي الى أحيانا بيحصل في التجمعات الطلابية المشكلة بتظهر لما بيكون في ترابط بين عالم النت وعالم الواقع فالشخص الى بتردي عليه أصبح غير مبهم لإنه زميلك في نفس دفعتك وربما عارفة شكله أو معلومات عنه فلو لقيتي قلبك هيتأثر يبقى لازم تبعدي أبعدي النت زي الدنيا ** زي ما فيها مساجد واماكن بيحبها ربنا والناس الي موجودين في الأماكن دي ناس ربنا بيحبها وبيأمر برفقتهم كذلك فيه اماكن يبغضها الله والناس الي موجدين في الاماكن دي يبغضهم الله .. في النت كمان كده في أماكن تواجدك فيها يزودلك حسناتك وأماكن تانية تعرضك لغضب ربنا . ** وزي ما في عالم الواقع لازم تبعدي عن أي مكان غلط وفيه معصية حفاظاً على نفسك .. في عالم النت لازم تتجنبي كل مكان ممكن يقربك من المعصية . فلازم الانسان يختار المكان الي حابب يكون من اهله .. المواضيع المتشابهه: 
|
|
04-21-2013
|
#3 | |||
بنت النيل
|
|
|||
|
|
|
04-22-2013
|
#5 | |
|
هذه من أصعب مشاكل العصر
والمتطلع لما وراء النت من خبايا يدرك مدى خطورته ، ولكن الإنسان من طبعه حب الإجتماع والإختلاص بذوي جنسه من البشر ، وكما أن النفس أمارة بالسوء ، كذلك حسن التربية والأخلاق الحميدة وتعاليم ديننا الحنيف تنهى عن مثل هذه الأمور ، فكيف لعاقلة أن ترتبط بإنسان عبر موقع إلكتروني دون أن تعرف عنه شيئاً ، وما هو الدافع وراء هذا الإرتباط جمعنا مشتركين عبر هذا المنتدى ولكن ما يجمعنا هنا هو الأخوة والمحبة في الله ولا أرى أي سبب يدفعنا لننجرف وراء تيارات اللهو الغير مباح شرعاً ، وفقنا الله وإياكم لما يحبه ويرضاه وأبعد عنا وعنكم كل مكروه |
|
|
|
|
04-23-2013
|
#7 | |||
|
بنت النيل
|
ربنا يرحمنا و يبعد عنا كل السوء |
|||
|
|
|
| كاتب الموضوع | مي محمد | مشاركات | 6 | المشاهدات | 2557 |
|  |
| انشر الموضوع |
(عرض التفاصيل)
عدد الأعضاء الذين شاهدوا الموضوع : 0
(إعادة تعين)
|
|
| لا توجد أسماء لعرضهـا. |
العرض العادي
|
|
الساعة الآن 09:54 PM بتوقيت الرياض
Designed and Developed by : Jinan al.klmah