نوادر وقصائد ساخرة

صالة القدوم


يصور لنا الشاعر مناحي موقفا طريفا جرى له في احدى المطارات خلال استقباله محبوبته .. وذلك عندما دفعته اللهفة للقائها الى الاصطدام بعمود اسمنتي مما ادى الى كوميديا لا تحدث غالبا الا في الافلام القديمة .. وهو هنا يشرح لنا سيناريو هذا الموقف :

في صالة القدوم تومي* لي وانا اومي من بعيد ..
طاير من الفرحة عسى يوم الموادع ما يعود

وركضت يَمِّك لجل اضمك في عيوني يوم عيد ..
والله لا يرضى على اللي حط فالصالة عمود

طيّح شماغي وانكسر جوالي اللي به رصيد ..
وسلمت مرياتي* وشفت اللي من اول بيض سود

ربكة ودبكة بارق افلاشات عصفور ونشيد ..
واشيا تحسسني بظلم الضحك في عيون الهنود

قمت اتخمخم معظم اشيائي ابي ابعد اكيد ..
ما عاد انا وسط العرب حاضر ولاني فالوجود

ودقيتها لطمة* ولا لي عنك يالموتر* صديد ..
كني صقر يكفخ بجناحه على الصيد امهدود

يوم بحياتي ما قدرت انساه يا العذب الفريد ..
موقف كوميدي بس تبغى الصدق جعله ما يعود

..................
* تومي = تلوح بيدها .
* مرياتي = نظاراتي .
* ودقيتها لطمة = تلثم بشماغه .
* الموتر = سيارته .

طرح باذخ موشح بالجمال
امتنانا لسموك
تراتيل

ههههههههههههههههه كتير طريف الموقف
اسعدك الله اخي اينما كنت

المشاركة الأصلية كتبت بواسطة تراتيل طرح باذخ موشح بالجمال امتنانا لسموك تراتيل

هلا وغلا بتراتيل ..

سرني تواجدك في متصفحي ..

دمت في حفظ الرحمن

المشاركة الأصلية كتبت بواسطة مي محمد ههههههههههههههههه كتير طريف الموقف اسعدك الله اخي اينما كنت

هلا وغلا بمي محمد ..

سرني تواجدك في متصفحي ..

دمت في حفظ الرحمن

جيرة وجور

تتسبب شجارات الأطفال في غالبية العلاقة السيئة بين الجيران .. وهذا الشاعر أبو غازي يذكر لنا الأحداث الدموية التي أدت لخلافاته المستمرة مع جاره العزيز أبو مشهور من خلال هذه الأبيات :

جيران حنا مير صرنا على الجور ..
بأسباب ورعان الفلس والمخازي

هذا أولدي غازي ضرب وجه مشهور ..
مشهور ابن جاري ضرب وجه غازي

واختبصت الحالة وحنا من شهور ..
عقب المعزة شغلنا بالتعازي

المتورّم

يتغير البعض بعد استلامهم لمنصب كبير حتى يتورّم ويتكوّر ليتلاءم مع الكرسي الوثير للمنصب .. وهذه أبيات للشاعر حمود البغيلي يصف فيها حالة احد هؤلاء المتورمين :

تورم وانتفخ وأصبح مكور ..
وطوله صار في عرضه مدوّر

تعوّذ من إبليس اللي يشوفه ..
تصوّر لو تورّط به تصوّر

تطوّر كل هالعالم بسرعة ..
وهو ثابت مكانه ما تطوّر

شهاب الليل....

سلم بنانك على هذا الانتقاء الاكثر من رائع....

راق لي كثيرا ما نقلت لنا يالغلا....

دمت دائما متئلقا كما عهدناك...

اجل التحايا ايه الصديق العزيز,,,

المشاركة الأصلية كتبت بواسطة عذب القوافي شهاب الليل.... سلم بنانك على هذا الانتقاء الاكثر من رائع.... راق لي كثيرا ما نقلت لنا يالغلا.... دمت دائما متئلقا كما عهدناك... اجل التحايا ايه الصديق العزيز,,,

هلا وغلا ومرحبا بعذب القوافي ..

سرني تواجدك في متصفحي ..

دمت في حفظ الرحمن

مغامرات عنتر
في حلم غريب انتقل الشاعر عوض العنزي إلى مضارب بني عبس حيث تعرّف عن قُرب مع المشكلات التي تعرّض لها فارس القبيلة عنتر بن شداد .. وذلك بعد أن قرر ترك حصانه الأدهم وقيادة السيارة الجيب لاستخدامها في مشاويره الخاصة والمتعددة .. وهذه الأبيات تنقل لنا أحداث الحلم :



عنتر شرى* له جيب ستة وستين ..
من مصنع الصومال وارد وكالة

يبي يحمل به علف للبعارين* ..
ويدوّر اللي من نياقه غدا له

ويبي يوقّف كرّة للمغيرين* ..
ويرجّع اللي قد سلب حلاله

ويبي عليه يطوف كل الدواوين ..
ويمكن يودّي للمدارس عياله

وعبلة تصيح بعالي الصوت يا شين ..
لا تصدم البرميل وامشي بعدالة

وشيبوب جانا في عداد المصاخين*
يقول عنتر من يداوي خباله

يوم شرى الموتر* على الرأس والعين ..
لأنه تديّن قيمته من خواله

لكن ما يعرف أسواقته* زين ..
أيضا فلا يعرف يمين وشماله

سبعة عماير من بيوت وبساتين ..
جميعهن قد شالهن هو لحاله

انداخ رأسه بين جيم وبعد سين ..
يقول ما نطلعك إلا بكفالة

وجيت اكفله دفعت سبعة ملايين ..
دفعتهن ريال ينطح رياله

ثم قال هذا الجيب هو والبعارين ..
هدية لك ما وراهن جزاله

مشكور عنتر شوق كل المزايين ..
أنا اشهد انك من رجال الشكالة

وفزّيت* من نومي وأنا بين حلمين ..
حلم الفلوس وحلم كسب الجمالة
.....................
* شرى = اشترى له .
* للبعارين = ولجماه ونياقه .
* للمغيرين = اللصوص .
* المصاخين = المرضى .
* الموتر = السارة .
* تديّن = استدان .
* أسواقته = قيادة السيارة .
* وفزّيت = قمت واقفا .