منتديات وهج الذكرى

منتديات وهج الذكرى (https://www.wahjj.com/vb/index.php)
-   ❦ وهـج القصص والخيال ❦ ❧ (https://www.wahjj.com/vb/forumdisplay.php?f=14)
-   -   المستشفي (https://www.wahjj.com/vb/showthread.php?t=42818)

اميرة الحب 07-25-2022 09:48 PM

المستشفي
 
اول امبارح وانا بايت في المستشفي حصل موقف علمني ان الحياة مش هتديلك الفرصة الي انت عايزها

اب جايب ابنه المستشفي ، ومن الواضح ان حصل خناقة بين الاب والابن هي الي تعبته ووصلته لكده ، كان باين جداً من ملامح الأب انه مش متأثر نهائي مش فارق معاه وجاي معاهم غصب عنه ، واقف برة المستشفي كل الي فارق معاه انه عايز الموضوع يخلص علشان يروح ينام

كنت شايف الموقف من اول وصولهم .. فضلت شوية متابع الأب غصب عني لحد ما جاتله مكالمة وفضل يزعق ويقول هو كل يومين يعمل نفس الموضوع ونجيبه المستشفي .. المكالمة كانت طويلة وكلها قسوة " لفت نظري جملة في وسط المكالمة " كان بيقول انا عايز اطلعه راجل انا قسوتي عليه علشان يجمد كده ، لا مش هدخله امه معاه جوة هبقي اراضيه بكلمتين لما يخرج ونروح بس ده علشان خاطرك انت

فات ساعة في التانية وانا غصب عني كل شوية اتابع ملامح الاب الي مش باين عليه اي حاجة غير الجحود ..، لحد ما جت اللحظة الي الامن نده فيها علي اسم وقام الراجل بأمتغاض شديد يرد وعرفت ان ده اسم ابنه ...

البقاء لله .. كانت الكلمة من بتاع الامن للأب الي وقع في لحظتها علي الارض واتحول الجحود الي كان فيه لبكاء شديد وصراخ " خلاص والله قولوله يرجع وانا مش هزعله تاني مش هضايقه مش همد ايدي عليه خلاص انا غلطان والله انا كنت فاكره بيكدب لما كان بيقول قلبي بيوجعني منك "

وقفت في مكاني مش عايز اتحرك او اروح للراجل اواسيه ، المرة الوحيدة الي ابقي مش قادر اتعاطف مع شخص في حالة زي دي ، كل الناس من حواليا رايحين نحية الراجل يطبطبوا عليه ويشيلوه من علي الارض وانا الوحيد الي ثابت في مكاني متحركتش

كان نفسي اقوله شوفت ان الحياة مش هتديلك فرصة تصلح الي خربته ! شوفت انه مكانش بيمثل زي ما كنت بتقول ، شوفت ان قسوتك عليه معملتش منه راجل دي خدته منك خالص !!

انا معرفش ايه الي حصل بينهم وهل هو كان كويس ولا لأ ، بس الي شوفته ان القسوة مجابتش غير قسوة ، وان الحياة مش هتديلك اكتر من فرصة ، رفضت تدخله تراضيه بكلمتين كان ممكن فعلاً ينجدوه واجلتهم لما تروح .. للأسف اهو سابك ومش هيروح معاك ولا هتلحق تراضيه ..سيدي الفاضل احنا حصن الامان لابنائنا ٠٠فماذا لو كهرناهم واصبحنا احنا الاعداء٠٠فاين اجد الامان؟؟

بلاش القسوة وبلاش العند وبلاش تأجلوا تصليحكم للغلط ، الحياة مش علي مزاجك هتسيبك تختار الوقت الي تصلح فيه غلطك .٠٠
؜واحده بعتت سؤال لعالم وامام بتقوله :-
؜ هل لين القلب يؤخذ عليه أجر ؟ إن عيني تدمّع أو قلبي يوجعني على شخص أو حيوان أو موقف حصل ؟

؜رد عليها رد جميل أوي قالها "دي صفات أهل الجنة ، يدخلون الجنة بغير حساب قلوبهم مثل أفئدة الطير ، الناس اللي قلبها حنيّن ودمعتها قريبة ، سيدنا عُثمان في غزوة بدر كل الجيش طلع وهو فضل جنب السيدة رُقية زوجته لأنها كانت تعبانه فَقعد يخدمها ويطببها فَدعاله النبي ﷺ لأنه إنسان حنيّن ، فَالقلب الرقيق ده إن شاء الله يدخل الجنة بغير حساب"

؜الطيّب مش عبيط واللي دمعته قريبة مش نكدي


💢💢💢💢💢💢
مما قرات

الجوري 07-26-2022 02:45 AM

رد: المستشفي
 
لجهودك باقات من الشكر والتقدير
تحياتي لك

اميرة الحب 07-29-2022 09:14 AM

رد: المستشفي
 
الجوري
اسعدني مرورك العذب
أجمل وأرق التحآيا لك

http://www13.0zz0.com/2021/08/04/16/687084072.gif

ريماس 07-30-2022 12:07 AM

رد: المستشفي
 
يعطيك العافية و تسلم الايادي
على هذا الطرح الجميل
في انتظار لكل جديدك دوما

اميرة الحب 07-30-2022 04:25 PM

رد: المستشفي
 
ريماس

اسعدني مرورك العذب
أجمل وأرق التحآيا لك

http://www13.0zz0.com/2021/08/04/16/687084072.gif

ملكة الحنان 08-02-2022 03:38 AM

رد: المستشفي
 
سلمت أناملك على الطرح المميّز
ويعطيك العافية على المجهود المبذول

ما ننحرم من فيض عطائك وإبداعك
لك تحياتي وفائق شكري

اميرة الحب 08-02-2022 03:29 PM

رد: المستشفي
 
ملكة
اسعدني مرورك العذب
أجمل وأرق التحآيا لك

http://www13.0zz0.com/2021/08/04/16/687084072.gif


الساعة الآن 07:37 PM بتوقيت الرياض

Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
new notificatio by 9adq_ala7sas
دعم فني استضافه مواقع سيرفرات استضافة تعاون