منتديات وهج الذكرى - لا مرني طيفك

منتديات وهج الذكرى (https://www.wahjj.com/vb/index.php)

- خواطر و أشعار سبق نشرها (https://www.wahjj.com/vb/forumdisplay.php?f=171)

- - لا مرني طيفك (https://www.wahjj.com/vb/showthread.php?t=5529)

شهاب الليل

08-16-2011 12:30 AM

لا مرني طيفك

جازيت وصلي بآخر الوقت هجران

شحيت في وصلك وزايد حنينك

خليتني عايش بفرقاك الأحزان

لامرني طيفك اناديه وينك

عانيت من صدك ولا كنت غلطان

غير اني سلمتك خفوقي بدينك

عطني على هجرك وفرقاك برهان

خلاك تجزي بالتجافي ظنينك

لا تنكر اللي جاك مني على شان

تذكر معي بالحب ماضي سنينك

انا عطيتك كل غالي بالاثمان

ارخصت عمري كله لشان عينك

شلتك بقلبي ما تناسيتك احيان

ينك تملكت الاحاسيس لينك

واليوم تجزاني بلوعه وحرمان

وتترك حبيبك بإشتياقه سجينك

نسيت لحظة جفا كل ما كان

نهاية الحب وقعتها يمينك

دامك مشيت برغبتك والجفا بان

خل الليالي زمانك تدينك

ماني على من يقتل الحب ندمان

لو كان قلبي بالمحبة رهينك

اصبر على الفرقا واجازيك نسيان

ولا تذكر شي بيني وبينك

malak alrooh

08-16-2011 01:14 AM

رغم ما بان من بين السطور
من ألم الفراق والهجران ..
رغم ما اتضح من حبيبك النكران ..
رغم ما صعق قلبك من الصد والحرمان ..
ورغم ورغم ورغم ما وضحت لنا شاعرنا بابيات شعرك ..
الا ان المعلوم قد وصل .. يالغلا
سلم فاهك شاعرنا بوفهد
لاهنت ولا هان غاليك ..
كما انت انيق بحضورك
وبحرفك العميق القوي ..
تقبل حضوري ومروري المتواضع ..
ودامت ايامك رائعة ..

بـيـلـسـان

08-16-2011 05:12 AM

راقت لي اياتك صح لسان ابو فهد

فيلسوف الكلمة

08-16-2011 07:18 AM

تسلم ابو فهد
هذه القصيده الرائعه تعد من افضل قصائدالشاعر
سعد الحويله سلمت لنا ذائقة ابو فهد التي اعتنت
بالاختيار الرائع والنقل الموفق تسلم
تقبل تقديري

الساعة الآن 08:33 PM بتوقيت الرياض