لا مرني طيفك

جازيت وصلي بآخر الوقت هجران


شحيت في وصلك وزايد حنينك


خليتني عايش بفرقاك الأحزان


لامرني طيفك اناديه وينك


عانيت من صدك ولا كنت غلطان


غير اني سلمتك خفوقي بدينك


عطني على هجرك وفرقاك برهان


خلاك تجزي بالتجافي ظنينك


لا تنكر اللي جاك مني على شان


تذكر معي بالحب ماضي سنينك


انا عطيتك كل غالي بالاثمان


ارخصت عمري كله لشان عينك


شلتك بقلبي ما تناسيتك احيان


ينك تملكت الاحاسيس لينك


واليوم تجزاني بلوعه وحرمان


وتترك حبيبك بإشتياقه سجينك


نسيت لحظة جفا كل ما كان


نهاية الحب وقعتها يمينك


دامك مشيت برغبتك والجفا بان


خل الليالي زمانك تدينك


ماني على من يقتل الحب ندمان


لو كان قلبي بالمحبة رهينك


اصبر على الفرقا واجازيك نسيان


ولا تذكر شي بيني وبينك

المواضيع المتشابهه:

• إن غاب طيفك
• ‏ما غاب طيفك
• مرني طيفك على العاده عجول
• شفيف طيفك
• يوم طيفك يمر

رغم ما بان من بين السطور
من ألم الفراق والهجران ..
رغم ما اتضح من حبيبك النكران ..
رغم ما صعق قلبك من الصد والحرمان ..
ورغم ورغم ورغم ما وضحت لنا شاعرنا بابيات شعرك ..
الا ان المعلوم قد وصل .. يالغلا
سلم فاهك شاعرنا بوفهد
لاهنت ولا هان غاليك ..
كما انت انيق بحضورك
وبحرفك العميق القوي ..
تقبل حضوري ومروري المتواضع ..
ودامت ايامك رائعة ..

راقت لي اياتك صح لسان ابو فهد

تسلم ابو فهد
هذه القصيده الرائعه تعد من افضل قصائدالشاعر
سعد الحويله سلمت لنا ذائقة ابو فهد التي اعتنت
بالاختيار الرائع والنقل الموفق تسلم
تقبل تقديري