على اسم مصر

على اسم مصر التاريخ يقول ما شاء
انا مصر عندي احب و اجمل الاشياء
يا حبها و هي مالكة الارض شرق و غرب
و يا حبها و هي مرمية جريحة حرب
باحبها بعنف و برقة و على استحياء
و اكرهها و العن ابوها بعشق زي الداء
و اسيبها و اطفش في درب تبقى هي في درب
و تلتفت تلاقيني جنبها في الكرب
و النبض ينفض عروقي بالف نغمة وضرب
على اسم مصر
انا الذي مشيت ادور باشتياق و حنين
على مصر و المشي خدني من سنين ل سنين
لحد مت سنينها و سنيني بقم واحد
و عاصرتها يوم بيوم لم فاتني يوم واحد
و حضرت شاهد عيان مولد و موت ملايين
ما زعلت من كلمة قد البركة في الجايين
مين هم دول يا جدع ما توحد الواحد
البركة فينا و في السامعين بالواحد
انا قلتها بنرفزة من غيرة الواحد
ع اسم مصر
ع اسم مصر ارفعوا الانخاب و املوالي
شدوا الوتر ع القمر و غنوالي
نشكر ع حبها بالفن والاحساس
نسكر و دمع الحماس يملا لنا تاني الكاس
احنا يا حلوة الفدا بس اطلبي و قولي
يا سمرة بعيون كده و سنتك لولي و غنوة الحب تعلا و يسمعوا الحراس
يصفروا و يحضروا بفرقة طبول و نحاس
و يتقفل سجن مصر امام عيون الناس
ع اسم مصر

رحم الله شاعرنا صلاح جاهين .. كل الشكر اختي مي

المشاركة الأصلية كتبت بواسطة انسان و ملاك رحم الله شاعرنا صلاح جاهين .. كل الشكر اختي مي

العفو اخي تسلم

ويظل اسم مصر خفاقا
رغم المحن
شعبها مازال ثائرا مستبسلا

شعبها يريد الحريه
والشموخ وسينالهما باذن الله

مي محمد

احييى وطنيتك

تقديري

المشاركة الأصلية كتبت بواسطة أوراق الورد ويظل اسم مصر خفاقا رغم المحن شعبها مازال ثائرا مستبسلا شعبها يريد الحريه والشموخ وسينالهما باذن الله مي محمد احييى وطنيتك تقديري

حبيبتي وهل غير بلدي مكان
اتعلمين اشعر انني لا استطيع التنفس خارج بلدتي
اشعر ان الهواء مختلف فما بالك بالوطن