في حب مصر

مصر
هو ايه غالب وجودى جوه فيكى غير حنانك
هو ايه سارق حدودى جوه منى غير جنانك
هو ايه مخلينى ديما منتظر لحظه امانك
هو ايه خلانى متشعلق ف ارضك وف حيطانك
مصر
هو مين يقدر عليكى ولايبعد تانى عنك
مش بانى نبض فيكى لا؟؟ لانى جوه منك
او لانى نبض سكنك او حلاوه صغر سنك
اعزرينى انى بحبك؟؟والجمال ساكن ف فنك
مصر
مستحيل ابعد واغرب بعدى عنك فيها موتى
مستحيل ابعد واشرق بعدى عنك فيه سكوتى
مستحيل انا حسى يطلع ليكى او اطلع ف صوتى
انتى لحنى وصوت موسيقتى لحن يعزف بيه فلوتى
مصر
ياللى صابره ع البلاوى وقلبى غاوى يقول حكايتك
انتى طبعك ايو صابره بس سكته ومين مرايتك
نفسى اقولك انى منك عاوز اعرف يوم نهايتك
نفسى ابوس واحضن ترابك واللى جابك وف حبايبك
مصر
قولى يامه يلى ناسك ليه سبوكى وحرقو دمك
يلى اصحابك خنوكى يلى سحبوكى لهمك
يلى شيلتى دمع عينى وهما سكنو جوا غمك
اشكى ليا وقت ضيقك فضفضى لقلبى اللى ضمك
مصر
اه بحسك وانتى جوايا ف عروقى
اه بشوفك وانتى ليا حنانى طوقى
اطلبينى هتلاقينى نبض سكنك وف عروقى
اسمعينى واندهينى واعرفينى هتلاقينى؟ يوم شروقى
مصر
الرساله ديه ليكى
مستحيل ابعد عليكى
نفسى ايوه ابوس ايديكى
نفسى اقعد جوه فيكى
بالايدين امسح دموع جوه ف عنيكى
قلبى نبضو بيناديكى
يحس بيكى
يقول
يا
م
ص
ر

بَحِبِّكْ يا مصرْ ..

وبعشقْ ترابكْ .

وألِفْ المداينْ ..

وأرْجعْ لبابِكْ .

وأحِسْ بكيانى ..

وكرامتى فْ رحابِكْ .

يقولوا فقيره ..

يقولوا أسيره ..

بشوفِكْ أميره ..

وأحبِّكْ يا مصرْ .
بحبِّكْ ملايه .. ومنديلْ بِقُويا .

مقالبْ من أختى .. وغتَاته مْنْ أخويا .

ودعوه مِنْ أمى .. تنسينى همِّى ..

وحِكْمَه مْنْ أبويا.

وأحبِّكْ صبيِّه .. على البحرْ جايَّه ..

فى ساعةْ عصَارى .

ونسمه قُبَالْها .. تطيَّرْ فى شالْها ..

تبَيِّنْ جمالها .. وتِرجعْ تدارى .

وأحبِّكْ مراكبْ .. تعدِّى إللِّى راكبْ ..

لبرْ الأمانْ .

يدوبْ جوَّا نيلكْ .. ويعطشْ يجيلكْ ..

يقوللِّكْ كمانْ .



وأقابلِكْ ببُوسه .. فى زفِّةْ عروسه ..

ولَمَّه فى بيتنا ..

مع ولادْ حارتْنا ..

تدُقْ المزاهرْ .. ترُدْ المزامرْ ..

تزَغْردْ جارتْنا .

نهلِّلْ .. نغنى ..

وحلمْ التمنِّى ..

ينورْ ليليتنا .

وأحبِّك زياره لبيتْ عمْ سيدْ ..

ده أصله فقير مِشْ حيقْدرْ يعَيِّدْ ..

نعَيِّدْ عليه .. نفرَّحْ عنِيهْ ..

ويدعيلْنا دعوه بمليونْ جنيه .



فى أرضِكْ يحِسْ الغريبْ إنُّه مصرى ..

وإحنا الأجانبْ .

ويلْقَى الرعايهْ .. ويلْقَى الحمايهْ ..

على كلْ جانبْ .

ويمشى ف ربوعِكْ .. ويشبعْ بجوعِكْ ..

ويعملْ مصايبْ .

ويرحلْ وينسى .. جِميلِكْ ويقْسَى ..

ويطْلَعْ يعايبْ .

ويرْجعْ تسامْحى .. يا ساكنه فْ ملامحى ..

مكتوب في بطاقتي الشخصية
انا دمي سكر زي النيل
وملامحي ملامح مصرية
والنيل مرسوم جوه عروقي
وعيوني عيون فرعونية
وخدودي جبالك وهضابك
وصوابعي صوابع عسلية
وشفايفي بأسمك موشومة
و صوتي نغم سمسمية
***
مكتوب في بطاقتي الشخصية
الصبح انا بفطر علي شوفك
وعشايا حبك يا بهية
والليل بتمشى علي شطوتك
عاشق لياليكي السحرية
والقلب معلق في هواكي
علي قد ما كان عشقك ليا
وكمان مكتوب جوه بطاقتي
علي روح الوحدة الوطنية
مكتوب في بطاقتي الشخصية

----------------------------------
مصر
مصر ياأم الحضارة والعصر مصر يا أم الطيابة والأصل
مصر يا أم النيل الجديـــــــد مصر يا أم الوادي الجديــد

مصـــــــــــــــر بلادي أحبها من كل دمي وفؤادي

مصر ياأم الاراضي الخضراء مصر يا أم السماء الزرقاء
مصر يا أم العلم والعلماء مصر يا أم الفقه والفقهاء

مصـــــــــــــــر بلادي أحبها من كل دمي وفؤادي

مصر يا أم الجبال الصفراء مصر ياأم النخيل الخضراء
مصر يا أم المياة العذباء مصر يا أم القلوب البيضاء

مصـــــــــــــــر بلادي أحبها من كل دمي وفؤادي

مصر يا أم الشعر والشعراء مصر يا أم أمير الشعراء
مصر ياأم المنيا عروس الصعيد في الدنيا
مصر يا أم الاسكندرية عروس البحر الأبيض دي حاجة تانية


---------------------------

باحبها وقلبها عارف
واقولها وانشرها صحايف
ومنين ما اروح والله انا شايف
جوه العيون احلى صبيه

فى حبها انا عشت ياناس
عمرين محبه وفا واخلاص
فى حضنها اجمل احساس
وف خوفها م الغربه عليا

يا أمى عمرك ماتخافى
دينك ده شايله على كتافى
برقبتى والله ومش كافى
لو تندهى مره عليا

ده انا اللى شربان من نيلك
وانا اللى غرقان ف خيرك
ومهما طارت زغاليلك
لابد ترجع للغيه

فطمانى ياامه على حنانك
وكبرت من دفا احضانك
ووعيت بف*** وامانك
وشقاوتى حب وملاغيه

مليت كيانى بأثيرك
ومشاعرى كلها تأثيرك
وعمرى ما هاحس بغيرك
ولايمتلك قلبى عليا

مصريه ايوه انا مصريه
وافخر بجمايلها عليا
واسرح ف يوم ما اردلها
واحنى كفى من طينها
واشم ريحه ضفايرها
تهوّن الغربه عليا

----------------------------
يا مصر احبابك
يا مصر ..
احنا الرجال واقفين على بابك..
طالبين ايديكى .
و كتروا خطابك..
وانا منهم .
عاشق ف عشاقك..
طالب القرب منك .
و جايلك شابك .
ولو عمرك يفوق عمرى .
يا مصر السن لم عابك .
دى سمانا لو يوم ضوّت .
يا مصر لمعابك .
ولو مالت للعدا الدنيا .
الكون يا مصر .. من هابك .
يا فرحتى لو تقبلينى يا مصر ..
محب وسط احبابك

المشاركة الأصلية كتبت بواسطة مي محمد مصر هو ايه غالب وجودى جوه فيكى غير حنانك هو ايه سارق حدودى جوه منى غير جنانك هو ايه مخلينى ديما منتظر لحظه امانك هو ايه خلانى متشعلق ف ارضك وف حيطانك مصر هو مين يقدر عليكى ولايبعد تانى عنك مش بانى نبض فيكى لا؟؟ لانى جوه منك او لانى نبض سكنك او حلاوه صغر سنك اعزرينى انى بحبك؟؟والجمال ساكن ف فنك مصر مستحيل ابعد واغرب بعدى عنك فيها موتى مستحيل ابعد واشرق بعدى عنك فيه سكوتى مستحيل انا حسى يطلع ليكى او اطلع ف صوتى انتى لحنى وصوت موسيقتى لحن يعزف بيه فلوتى مصر ياللى صابره ع البلاوى وقلبى غاوى يقول حكايتك انتى طبعك ايو صابره بس سكته ومين مرايتك نفسى اقولك انى منك عاوز اعرف يوم نهايتك نفسى ابوس واحضن ترابك واللى جابك وف حبايبك مصر قولى يامه يلى ناسك ليه سبوكى وحرقو دمك يلى اصحابك خنوكى يلى سحبوكى لهمك يلى شيلتى دمع عينى وهما سكنو جوا غمك اشكى ليا وقت ضيقك فضفضى لقلبى اللى ضمك مصر اه بحسك وانتى جوايا ف عروقى اه بشوفك وانتى ليا حنانى طوقى اطلبينى هتلاقينى نبض سكنك وف عروقى اسمعينى واندهينى واعرفينى هتلاقينى؟ يوم شروقى مصر الرساله ديه ليكى مستحيل ابعد عليكى نفسى ايوه ابوس ايديكى نفسى اقعد جوه فيكى بالايدين امسح دموع جوه ف عنيكى قلبى نبضو بيناديكى يحس بيكى يقول يا م ص ر

تحيا مصر
ايوه كدا هي دي مصر اللي انجبت
مي محمد
دمتي في حب مصر

المشاركة الأصلية كتبت بواسطة خال العرب تحيا مصر ايوه كدا هي دي مصر اللي انجبت مي محمد دمتي في حب مصر

اكيد هفضل احبها مهما حصل