من اشعار يحيى عمر (ابو معجب)

ومن قصايد يحيى عمر


ونبدا بمن انشا سحايــــب ومزنـــــــــة
وسقوا به ارض الله من جملة الطشوش

وثم قال ابو معجب انا امسيت ساهــــراً
وذي شفته البارح ينجش عليّ نجـــوش

نجش قلبي المضنون ذي ينسع السيــن
وذي ينقش اوجانه في الوشم والنقـوش

على شاطئ الوادي لقيــــنا بنــــــــــية ً
فقلنا لها ياذي البنيه منين ابــــــــــــوش

ولا ظن لش ابا ولا شي لــــش اخـــوة ً
ولو لش من الجيران ماكان سيــــــبوش

وقالت سخف عقلك وجنيت يامـــــجــن
وحسن كلامك طيب الحب به ربـــــــوش

اني ذي ترى عينك بجنه ونعمـــــــــــةً
وابي من رجال الحرب هزامة الجــيوش

وسبعه بني عمي وسبعه لي اخـــــــوة ً
وسبعون في سبعون من جملة الحــبوش

ووالله ثم الله ما اخــــــاف من حــــــــداً
ولا خاف من خوتش ولا خاف من ابـوش

وخوفي من اعيانش ومن كسرة الوجن
من اعيانش الحمرا ولسبال ذي تهــــوش

ولو شي معش لي ماء انا ريد شـــربـة ً
وباسلم القيمه من الخيل والقــــــــــروش

وقالت معيا ماء فلا اعطيك قطـــــــــرةً
ولو كنت مغشيا فلا جاز لك رشــــــــوش

وهيهات كم عشاق راحوا بحـــــــــسرة ً
وهيهات كم عشاق راحوا على النعـــوش

واني اسالك بالله من أي بلـــــــــــــــدة ً
كماانك رجل شاجع بشوفك من الحــنوش

وزيد اسالك بالله ومكه وطيــــــــــــــبةً
باسمائه الحسنى وباللوح والعــــــــروش

ولنتي سالتيني مسوله عزيــــــــــــــزة ً
انا الاصل من يافع وطاهش من الطهوش

ويحيى عمر اسمي وغانص لضبيـــــة ً
انا ويت جملة ناس جينا لها طــــــــروش

بنمسي على السمرات في كل ليلــــــة ً
ونطمر على العيلات لا داخل العشـــــوش

ونشرب من السلسال من عذب صافــياً
ونمسي نرد الدان لا مطلع الغـــــــبوش

وصلوا على المختار في كل ساعـــــــةً
وهو ذي شفع للخلق في ساعة النهــوش

راق لي

همس المطر ,ريماس معجبون بهذا