تعالى غنى

في ذا الليلة وفات عادت في الممات * كحل الرمقات ودعت دار الدنيا
لضيتها لصدري ماتت في حجري * و دمعة بصري على خدودي مجريا
واسكن راسي جذاب نجري في الاعلاب * ما خليت شعاب من كاف و كديا
خطفت عقلي راح مصبوغة الألماح * بنت الناس الملاح زادتني كيا
حطوها في كفان بنت على الشان * زادتني حمان نفضت مخ حجايا
داروها في النعاش مصبوغة الارماش * راني وليت باص واش اللي بيا
جابوها في جحاف حومتها تنظاف * زينة الأوصاف سبتي طويلة الرايا
في حومتها خراب كي مرضى الكوكاب * زيد قدح في سحاب ضيق العشويا
حومتها بالحرير كمخة فوق سرير * وانا نشبر مهلكتني حيزيا
كثرت عني هموم من صافي الخرطوم * ما عدت شي نقوم في دار الدنيا
ماتت موت الجهاد مصبوغة الأثماد * قصدوا بها بلاد خالد مسميا
عشات تحت اللحاد موشومة الأعضاد * عين الشراد غابت على عينيا
ياحفار القبور سايس ريم القور * لا تطيحش الصخورعلى اللي بيا
داروها في القبر والشاش معجر * تضوي ضي القمر ليلة عشريا
داروها في اللحود ، الزين المقدود * جبارة بين سدود وسواقي حيا
قسمتك بالكتاب و حروف الوهاب * لا تطيح التراب فوق أم مرايا
لوان تجي للعناد ننطح تلث عقاد * نديها بالزناد عن قوم العديا
واذا نحلف و راس مصبوغة الأنعاس * ما نحسبشي الناس لو تجي ميا

وردة الغرام ,نجمه ليل معجبون بهذا