سجل حضورك ببيت من الشعر

ترا اختلاف الناس نعمه على الناس
" لو مجتمع فالناس دم ونسابه "

الله مقسّم كل الارزاق بـ قياس
ماتبور سلعه ، والسلع ما اتشابه .

يالله بفعلٍ عن اهل الفعل يفرق
وحضٍ اليا قام ، ماقام يتلدد
ظ°
وسمعةٍ ماكنّها الا " العود الازرق "
اللي لامن حركوا جمره تجدد .

يدور الزمان ويثبتون الكبار كبار ..
على مرجلة وفعول وسلوم ومروة
ظ°
ماكل من ناداك يستاهل المشوار
ولا كل من خاواك يستاهل الخوه .

أصبر على زلة رفيقك ليا جتك
لو كان مضربها بوسط المعاليق
َ
وتجاهل الهرجه ليا من تعدتك
وصم المسامع عن هروج المطافيق .

خْل حِزنْك يسُوٍلْف و آذْكرٍ آلله و [ نآإمْ ]
..... و حِط رٍآسِكْ علْى صْدرٍ آلِفرآْقْ آلحنُونّ

و آن صَدفْت آلهْوىْ قِلّْه : عْليك آلْسَلآمْ
.... وٍ إنْ صَدفْت آلْحِزنْ قلّه : عْسْآهْآ تهُوْن .

خلك محايد " لا تصير متردي "
ولاتنشغل فالناس واللي يقولون .

ملامح الناس تحكي لك مشاعرها
إقرأ وجيه البشر تعرف خفاياها .

االله يامجـــــري مجـرات الأفلاك
يامنجيٍ من غبة البحــر ذالنـــون
استغفرك وأرجيك وألـــوذ بحماك
انت العظيم اللي خضع لامرك الكون

الحظ يخطي بعض الأحيان ويصيب
كم فات موقف طيب محدن فطن له

مهما تجاوزت العذاريب بالطيب
عذروب ( واحد ) ينسف الطيب كله

الناس ما تدري وش اللي ورانا
وما كل شيءٍ داخل القلب ينقال

نعطيهم الضحكة ونخفي عنانا
نسكت ونحمد ربنا على كل حال