وأنا بعيد عنِك

سنين الغربة واخدانى --- بعيدعن حضنك الدافى

واحشنى النوم على صدرك --- واحشنى نيلك الصافى

واحشنى التبر فى ترابك --- و نسمة حب بتعافى

ادان الفجر يوصلنى --- يطوى بلاد يصحينى

ونور الصبح بيشقشق --- صدى صوتك ينادينى

ومشتاق لك لكن خايف --- ارجع لك تعاتبينى


اتشعلق فى نورالشمس --- والمس بالكفوف بابك

يدوب انده عليكى بهمس --- الاقى نفسى فى رحابك

اسجدوالدموع تجرى --- واحَنِى خدودى فى ترابك


تمدى اديكى تاخدينى --- تطيب نفسى ويهدا القلب

وفى حضنك اصير عصفور --- فى عشه يحس معنى الحب

انام مرتاح وادعيلك --- وكل الكون يقول يارب


واغزل م النجوم توبك --- بلون البدر لما يطل

وارش جبينك العالى --- بعطر الفل

واطوى روحى فى قصيده --- اهديها لست الكل

المواضيع المتشابهه:

• بتوحشني حتي وأنا معاك
• كيف وأنا رجل..!!
• تفسير: (قال فعلتها إذا وأنا من الضالين)
• هل يصح للمرأة أن تقول ..(اللهم أنت ربي لا إله إلا أنت خلقتني وأنا أمتك .. أم وأنا عبدك)؟
• كيف أتوب وأنا عاصي

روح الأمل ,همس المطر ,ملكة الحنان و 4 آخرون معجبون بهذا

انسان و ملاك ,الصقر ,ريماس ,وارفة البيان