ياكم غالي راح والقلب عافه

العمر رحلة والتجافي مسافة
والبعد بعد قلوب والوقت غلاب

جافيت من يغليك والله حسافة
يا ظلْم هذا الوقت كم فرّق احباب


لي قلب واقف في نهاية مطافة
يسأل عن الأسباب ما حصَّل اسباب

يا كيف صدر الغيم يعلن جفافه
من دون لا شرهه ولا كلمة عتاب


كل ٍ يهاب مْن الزمان ويخافه
وانا معاك اصبحت من الوقت ما اهاب

لكن عزيز النفس كسره كلافه
وانت العزيز اللي معك تطْوَل ارقاب


ياكم غالي راح والقلب عافه
لو كان فينا جرح من غيبته طاب

واليوم جاك القلب مبدي اعترافه
إنه في بعدك ما تغير ولا تاب


ياسيدي من صافاك في الحب صافه
نار العتاب اهون ولا برد الغياب


واللي شرا قربك يشوف المسافه
اقرب من احداق النواظر للآحداق

المواضيع المتشابهه:

• ياكل الاشياء الحلوة وآجملها
• حاكم ايطالي
• يابيه والقلب عيا لا يتوب
• الأقصى نادى والندا غالي ويهون عشانه العمر لو غالي..جديدى
• حيوان ياكل الجن