مَع آو ضِد آن الحريم يكتبون مشآكلهُم ويبحثون عن حلولهآ دآخل النت ..

.. بسم الله الرحمن الرحيم ..


في البِدآيه بقول لكم شيّ او بالأحرى سآلفَه
قبل كم يوم وانا افرفر بالمنتديآت .. ومن موقع في موقِع
دخلت احد هـ الموآقع النِسآئيه الكبيره
طبعاً كعآدتي باللقافه قلت اشوف وش عندهُم
مع آني مااسجلت فيه
دخلت وقادتني اصابعي لقسم المشآكل الـأجتمآعيه
شكل اصابعي بعد اللي شافته يبي له بتر ههههههههههههههههههههههههههههههه

المُهم
ادخل اول موضوع كآن يتكلم عَن وحدَه متهآوشَه هي وآهل زوجهآ
انا ادمجت في الموضوع بغيت اسجل واقول لها كلي تبن
لإن وآضح الغَلَط منها
اجل مشكلتها تنام لما الظهر وليه يزعلون !!


وتجي ذيك الوحدَه تقول لها طالبي تطلعين من البيت !


طلعت من الموضوع ابي اشوف غيره
لا شعوري شدني عنوان ودخلته
وليته ماشدني
انا اقرى وقسم بالله اني منخرشه ..
للأمآنه ماتركت شيّ خاص ماقالته
كل شي كل شي يخص حياتها الزوجيه قالته !!
طبعاً اتكَلم عن الخآصَه , لإن لو متكلمه عن شيّ عآم ماارح استغرب
وربيّ بدون مُبآلغه اني انخرشت
الله يقلع شيطآنهآ من مره مااستحت وهي تكت هـ الموضوع ؟
والا كيف وضعهآ ,!


انا مااراح اكتب وش كآن فيه , ولآ انسخ المحتوى علشآن مااكون مثل بعض النآس
ينتقدون الأشخآص ويعيدون خطآئهُم


كذا لا شعوري ضغطت الـ x اللي بأعلى الصفحه ورحت لموضوع غيره
وآتاريه يقرب للي قبل شكله ولد عمه



وغيرهآ الكثير الكثير من المواضيع اللي ماشفتها ..
يعني تجيك احياناً حرمه تكتب عن مُشكلتها هي وآهل زوجها وتبي حَل
وترد عليها وحده وربي لو انها راده عليّ ان اتهيض واطلب الطلآق
واهي ماتعرفني ولا اعرفها ..
اجل تقول انها تصحى الظهر واهم زعلآنين ..



[ ياشيخه يحق لهُم , انتي من اهل الدآر الحين قومي واطبخي وافطري وسنعي امورك ..
موب خدم هم .. يجي رجلك من الدوآم يلاقي اهله طابخين
وشوله ماخذك اجل ]

ويجي مثل هـ الرد وادون منه [ ابد خذي حريتك واطلعي في بيت !! ]

بالأول هـ الأنسانه اللي ردت عليك ماتعرفينها ,, النقطه الثانيه
من اي باب بتنصحك ؟ من باب رحمَه والا معرفه والا وش !!


:































نجي للموضوع الثاني ( المُشَفر طبعاً )

يعني الحين هـ الحرمه لما كتبت الموضوع
موقِنه ان هـ اللي بيردون من اهل العلم والا اخصائيين اجتمآعيين

والا دكاتره في علم الأجنه والذكور ومدري وش بعَد
صحيح يمكن يجي احَد فاهم ويعلق ويعطيها الشي المُفيد ..
بي يلزم مُرآعات الذوق العآم ..
مااتكَلم عَن نفسي الحَمد لله كبيره وفاهمَه <<-
بس اذا فيه غيري بنات .. وداخلين موضوع ذيك الوحده على عمآها بالله وش بيكون ردة فعلها
ابد لو آنها مسميه الموضوع [ ليلَة الدخلَه ] كآن عاذرتهآ 45:


:

نجي للمغزَى ..
كثير من الحريم ماتفكر صح ..
طبعاً هـ الكلام مو عندي لإني سويت بحث وقريت عن هـ الموضوع كثير
صدق اول مايطق عود في عود تروح تدور له حل !
وآهي احتِمآل لو تسكت وتمشي الأمور خلآص بيطلع مافيه مشآكل من الأسآس ..
إضآفه لهـ الأشياء الخآصه اللي مدري وش جآيهم عليهآ
يازين حريم اول صحيح ماعندهُم تشفير بس مؤدبات خخخخخ


:



آنتُم برآيكُم ..
- مَع آو ضِد آن الحريم يكتبون مشآكلهُم ويبحثون عن حلولهآ دآخل النت ..
- هل بالإمكآن تلاقي حل للمُشكِله من آحد قريبآتهآ ..؟
[ مع آني اشوف آن هـ القريب او القريبه بينظر لها من باب حب ومعرفه
عكس اللي بالنت .. لا تعرفني ولا آعرفها ]
- الحَد الأقصى لِطرح مُشكِله زوجيَه ,, او عآئِله .. برآئيك كـ عضو ماهو ؟
- هل تتوقع بيكون لِهالمشآكل نصيب من وقتك علشآن تتطلع عليهآ وتعطيها حلول ؟
[ يعني مثلاً اذا قريت عن مُشكله بتروح تبحث وتطول في البحث علشآن تعطي الحلول الصحيحه النهآئيه ..
والا ابد ماتعرفني ولا آعرفها وش ابي ابحث لها ..! ]



والله عجبنى

طريقه السرد

والفكره..ووننقلتها الكم...

المواضيع المتشابهه:

• الخردل
• أساليب الحريم في شد الانتباه
• اشهر عششر كذبات عند الحريم
• فنون لا تجيدها الى الحريم بسم الله علينا