لو الأيـام ترجع لي ...!

.
.



السلام عليكم ورحمة الله وبركاته
أسعد الله أوقاتكُم بكل خير




أضع بين أيديكم هذه القصيده عسى ان تنال إعجابكم




لو الأيـام ترجـع لي واعايدها..........وتصفى لي وتخـلا من مكايدها
وترجع بسمةٍ غابت عن سْنيني..........حسافه فرحتي تطــفى وقايدها

نديـمي ليـل والقمـرا تسليني..........ونور الشمس لين اشرق يلاقيني
وحـيـدٍ مالقيت احـدٍ يواسيني..........سوا ليـلٍ وقمـرا في سهايدها

سطا بي جرح في قلبي تلقّـيته..........وانا غافــل ذبحني ما توقّـيته
ذبحني يوم باب العشق طقّـيته..........ألا ياليـت نفـسي كنـت قايدها

بغيت القـرب لاكن ما تهيّـالي..........تركني واحمر الدمعات سيّـالي
وصدري من فراقه بات شيّـالي..........حمـولً صارت كْتوفي وسايدها

ثلاث سْـنين نوم العين جافاني..........اعيش بْعمْـر باقي لي وانا فاني
مـرام القلب بالطعنـات كافاني..........طعنّي والجروح ارخت ضمايدها

جنيت الضيم والأحزان والضيقه..........وهـمٍّ تـلّ قلبـي من معاليقه
رقيت الحُبّ في عالي شواهيقه..........وكلّـي طحت لا عادت عوايدها

.
.
.


تقبلوا تحياتي

المواضيع المتشابهه:

• متى ترجع
• هل ترجع الثقه بعد الاعتذار