نزعل ونتكبر وحنا من الطين

خلف بن هذال العتيبي

"يهديها
إلى كل واحد أخذ بخاطره في يوم من الأيام على
أخوه أو أخته أو قريبه او رفيقه او زميله
...
قصيدة رائعة
إقرأوها وإفهموها
ولا ننتظر حتى يقال مات فلان
.....
----------

نزعـل ونتكـبّر وحـنـا من الــطـيـن
والـكـل منـا صدّ لا أقبـل خـويّه!!


نفخر نقول إنا على الصد قاوين
وهيّ علينا في الحقيقة قويه!!


ننسى نهايتنا وعلى وين ماشين
وننسى الزمان اللي جمعنا سويه!


المشكــلة ماهي بحــاجــة لتخمين
ولاهي بعد ياناس صعبة القضيه


دق الرقم:كيفك هلا فيك وأهلين
أنا الخـــوي اللـــي مـزعّـــل خــويــه!!


قلّه :تغيب وصــورتك داخــل الـعين
ويبقى لحبك في خفوقي بقيه !!


أخــوان حنــا لــو يجــي بينـنـا شين
مــا نفــتــرق دام الـمــحبـــة نديه !!


خلك قــوي لاتحتكرك الشيــاطين
قبل الفوات وقبل وقت المنيه !!


كلّم اخوك باطيب الــهــرج واللين
وأعرف جميل الهرج يمسح رديه!!


هذي هي الدنيا من الحين ل الحين
لابد بين النـــاس تحصـــل خــطيــه !!


ومن لايقــدّر غلــطـة أحبــابه الحين
يقــرأ حـروفــي ويعتبرهــا هــديه!!


باكـر تمـر سنيـن وسنيـن وسـنـيـن
والكل يرحل في الدروب المنيه !!


صـدقنـي تنـدم وأذكـر حروفنـا زين
تندم على خيــك إذا غــاب ضيّــه !!


دنيا غريبة وأكـثر النــاس مـاشين
وكم صـاحبٍ والله دفـنـتـه بيديه

صح لسان شاعرها

المواضيع المتشابهه:

• سمكة نطاط الطين
• المحاربة التركية (نينا خاتون) قاهرةُ الغزاة الروس
• كبيت الطين
• بداخل الطين كنز !
• بائع الطين ( رواية)

همس المطر ,ريماس معجبون بهذا

صح لسان شاعرها
والله يعطيك العافيه
على هذا الطرح وفي انتظار جديدك

نجـــ سهيل ـــم معجب بهذا

نص جميل وإختيار ولا أروع

ألف شكر لجهدك وأختيارك العذب

نجـــ سهيل ـــم معجب بهذا

المشاركة الأصلية كتبت بواسطة ريماس صح لسان شاعرها والله يعطيك العافيه على هذا الطرح وفي انتظار جديدك

شكرا ريماس ع مرورك الراقي..
تحياتي لك

المشاركة الأصلية كتبت بواسطة همس المطر نص جميل وإختيار ولا أروع ألف شكر لجهدك وأختيارك العذب

شكرا همس ع مرورك الراقي..
تحياتي لك

تذكرني بقصائد ايليا ابو ماضي

ابداعك فاق الكلمات والحروف والهمسات
راق لي كثيراً ما قرات
دمت بخير
احترامي لك وخالص تقديري